योहान 11:47 - पवित्र पोल्‍ले

⁴⁷ अदुनहाटीं पेर्मालोर्क, परिसिल्क कलियसि उंदि पेद्‍दा पंचादि उपिस्तुर. उपिच्‍चि, “ओर मनकल अय्ते वेल्‍लेन अद्‍बूतामाता चिन्‍हां कीसि हुपिच्‍चंतोर. अय्ते मनम बतल कीकोम?

योहान 11:47 Iomraidhean Croise

मत्‍तयाल 26:3

अस्‍के कयपा इनना पेद्‍दा पेर्माना मिद्‍देते, पेद्‍दा पेर्मालोर आनि यहुदिरा पेद्‍दाल्क जमा आतुर.

मत्‍तयाल 5:22

गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्‍सालायक आंतोर. अल्‍हेने बोर अय्ते ओना दंटातोना अपमानम कींतोर, ओर पेद्‍दाल्कुना कोरटता सिक्‍सालायक आंतोर. बोरन्‍ना अरे मुर्का इनानय्ते ओन्क देय्याल्क मनना अग्नि गुंडमता सिक्‍सा आयार.

मरकुस 14:1

रोंडु रोजकुना पजा दाटसि होनना पंडुगु आनि पुल्‍लगा आयवा पिंडिता हारिना पंडुगु आयाना मत्‍ता. अस्‍के येसुन सप्‍पुडदाका दोर्कापीसि हव्ककोम इंचि पेर्मालोर्क, दर्मसास्‍त्रम कराहना गुरुल्क पिलान कीसेक मत्‍तुर.

लूकाल 22:2

अस्‍के पेद्‍दा पेर्मालोर, दर्मसास्‍त्रम कराहना गुरुल्क ईर अंटोर उंदगा कलियसि, येसुन बल्हा हव्कना? येसुन बल्हा सप्‍पुडदाका दोर्कापीसि हव्‍कोम, इंचि पिलानकु कियालय दल्‍गुतुर. गानि लोकुल्‍कुंक येसुनपोर्रो मत्‍ता विस्वासमतुन हूळसि ओर वेरियतुर.

योहान 11:57

अचोने आयका पेर्मालोर्क, परिसिल्क, येसुन दोर्का पियनाहाटीं, “येसु बगा मंतोर इत्‍ता संगति बोर्कन्‍ना तेळियते, माकु वासि वेहाट हुळाट!” इंचि आदेस हीसि मत्‍तुर.

योहान 12:19

पजा परिसिल्क, “मना पिलानकु बता कबळ्‍क ओज्जा हिल्‍लें. हुळाट, पूरा दुनियंता ओना पज्जो अरसि होंचंता,” इंचि ओरद-ओरे वळ्कालय दल्‍गतुर.

योहान 2:11

इल्‍हा येसु गालिल राज्येमता काना नाटे इचंत्रम आयना कबळ कीसि, ओना महिमातुन हुपिस्तोर. इद ओना मोट्‍टा मोदाटा चिन्‍ह आंद. अदुनहाटीं ओना सिस्युल्क ओन नम्मुतुर.

योहान 6:2

बिमार मत्‍तोर्कुन बेस कीसि येसु इचंत्रम आयाना कबाह्‍क कीतोर. आ कबाह्‍कुन हूळसि, वेल्‍लेन मंदि ओना पज्जो-पज्जो वासेक मत्‍तुर.

योहान 7:32

लोकुल्‍क येसुना बारेमते इसोंटा पोल्‍लें गुसा-गुसा वळ्कानेंके परिसिल्क केंजतुर. केंजसि पेर्मालोर्क आनि परिसिल्क येसुन दोर्का पियानाहाटीं गुळितगा कावेल कीसेक मत्‍ता सिपाइल्कुन लोहतुर.

योहान 7:45

गुळितगा कावेल कियानोर बोर अय्ते येसुन दोर्का पियालय होत्‍तुर, ओर उत्‍ता कय्‍के मल्सि वातुर. अस्‍के, “मिमेट ओन बारि पीसि तराहिल्‍लिर?” इंचि पेद्‍दा पेर्मालोर आनि परिसिल्क ओर्कुन पूसकीतुर.

प्रेरितुल्‍कुना कबाह्‍क 5:21

पेनदा दूता वेहतद केंजसि ओर पोळ्‍दु पेय्सतंका गुळिते होंचि लोकुल्‍कुंक कराहलय दल्‍गतुर. हीके, पेद्‍दा पेर्माल आनि ओना दंटातुर, इस्राएलता अंटोर पेद्‍दाल्कुन पंचादिते केय्‍सि, प्रेरितुल्कुन जेलनाल तायालय लोहतुर.

प्रेरितुल्‍कुना कबाह्‍क 5:24

गुळितगा कावेल कियानोरा अदिकारि आनि पेद्‍दा पेर्मालोर इद केंजसि, “इंदके बतल आयार” इंचि वेल्‍ले विचारम कियालय दल्‍गुतुर.