योहान 11:41 - पवित्र पोल्‍ले

⁴¹ अदुनहाटीं ओर आ बंडातुन तेंडतुर. पजा येसु पोर्रो हूळसेक, “बाबा, निमे ना पारतना केंजताहाटीं, नीकु दन्यवाद.

योहान 11:41 Iomraidhean Croise

मत्‍तयाल 11:25

आ वेलाते येसु इल्‍हा इत्‍तोर: “ए नावा बाबा, बूमि आनि स्वर्गमता सामि, तेल्‍विगल्‍लोर्क आनि समजदार लोकुल्‍कुनगटाल इव पोल्‍लें मक्‍किचि इरतिन, सादा-सिंपल लोकुल्‍कुंक बारे इव पोल्‍लें हुपिस्‍तिन, इंचि नना नीवा स्‍तुति कीसेक मंतन.

मत्‍तयाल 11:26

हो बाबा! नीकु इदे बेस अनपिस्ताहाटीं निमे इल्‍हा कीतिन.”

मत्‍तयाल 27:60

बंडातुन तुल्हाचि ओनाहाटीं तयार कीता पूना बोंदाते, येसुना पीनगुन इर्सि, बोंगाकु उंदि पेद्‍दा बंडातुन अड्‍डम दोसतोर. पजा अगटाल पेय्सि होत्‍तोर.

मरकुस 15:46

अस्‍के योसेपु उंदि पूना कपडि अस्तोर. येसुन क्रुसतगटाल हिळु रेहचि, अद कपडितुन हुटतोर. हुटसि, बंडातुन तुलाह्‍चि तयार कीता बोंदाते दोसतोर. पजा दाना बोंगाकु उंदि पेद्‍दा बंडा अड्‍डम दोसतोर.

लूकाल 10:21

अस्‍केने येसु पवित्र आत्माते निंडसि कूस आसि इल्‍हा इत्‍तोर, “ए नावा बाबा, बूमि आनि स्वर्गमता सामि, तेल्‍विगल्‍लोर्क आनि समजदार लोकुल्‍कुनगटाल इव पोल्‍लें मक्‍किचि इरतिन, सादा-सिंपल लोकुल्‍कुंक बारे इव पोल्‍लें हुपिस्‍तिन, इंचि नना नीवा स्‍तुति कीसेक मंतन. हो बाबा! नीकु इदे बेस अनपिस्ताहाटीं निमे इल्‍हा कीतिन.

लूकाल 18:13

“गानि कर वसुल कियानोर लक्‍कु निततोर, ओनकु पोर्रो हूळालयगुडा दैरनेम आयाहिल्‍ले. ओर चातितुन तंचेके पारतना कीतोर, ‘ए पेनबाबा, नना पापि मनकन आंदुन, नावापोर्रो दया कीम,’ इंचि इत्‍तोर.

लूकाल 24:2

एवतस्‍के बोंदाता हरदुक अड्‍डम ताससि मत्‍ता बंडा पक्‍काक दोब्‍बिसि मत्‍तदुन अव हूळतां.

योहान 11:22

गानि इंदके अयना बतल आयो. निमे पेनदुन बतल तल्‍कते अद, नीकु पेन हींता, इंचि नाकु एरपाट,” इंचि इत्‍ता.

योहान 17:1

इव अन्‍नि पोल्‍लें वेहमळ आतस्के, येसु पोर्रो स्वर्गमताहेके हूळसेक इल्‍हा पारतना कियालय दल्‍गतोर. “बाबा, अंटोर लोकुल्‍कुनपोर्रो निमे नाकु अदिकारम हीतिन. दीनहेंदाल निमे बोर्कुन अय्ते नाकु हीतिनो, ओर्क अंटोर्क नना बस्‍केळ्‍क पिस्सना पिस्वर हीकन. निमे वरोने सत्‍तेम पेनदुन आंदिन, बोर अय्ते नीकुन, निमे लोहता येसु किरिस्‍तुन एरपाट कींतुरो ओर्के आ बस्‍केळ्‍क पिस्सना पिस्वर दोर्कंता. निमे नाकु बव कबाह्‍क अय्ते कियालय हीतिनो, अवुन पुरागा कीसि, नना बूमिपोर्रो नीवा महिमा कीतन. इंदके नावा वेला एव्ता. अदुनहाटीं निमे नाकु कदर हीते, नना नीवा महिमा कींतन.

योहान 20:1

वारमता मोदाटा रोजु, इत्‍ते अयतारमनाडु, मुसामुसा हीकट मननेंकेन, मगदलेनि नाटेना मरियम बोंदातगा होत्‍ता. अगा अद, बोंदा हर्दुक अड्‍डम इरसि मत्‍ता बंडा तेंडसि मत्‍ताप हूळता.

प्रेरितुल्‍कुना कबाह्‍क 7:55

गानि पूरा पवित्र आत्मातोनि निंडिस मत्‍ता आ स्‍टिपन स्वर्गमताहेके हूळतोर. अस्‍के ओर पेनदा महिमाता वेल्‍गुन आनि पेनदा तिना बाजुंक नित्‍तिसि मत्‍ता येसुन हूळतोर.

पिलिपिया 4:6

बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.