योहान 11:4 - पवित्र पोल्‍ले

⁴ अद कबुर केंजसि येसु, “लाजरुंक अद बिमारि ओन हव्‍किसि ओयालय वाया हिल्‍ले, गानि पेनदा पेदातनमतुन हुप्‍सालय वाता. इदुनहेंदाल पेनदा मर्रिंक कदर दोर्कार,” इंचि इत्‍तोर.

योहान 11:4 Iomraidhean Croise

योहान 10:38

गानि नना अव कबाह्‍कुन कींतन इंचि, नाकुन नम्मकोन्‍ना, नना कियना कबाह्कुनपोर्रो अयना विस्वासम इर्रट. अस्‍के, बाबाल ना लोप्पो, नना बाबाना लोप्पो मंतोम इंचि मीकु तेळियार,” इंचि येसु इत्‍तोर.

योहान 11:40

अस्‍के येसु, “निमे विस्वासम कियानय्ते पेनदा महिमातुन हूळकिन, इंचि नना नीकु वेहा हिल्‍लेना?” इंचि दान इत्‍तोर.

योहान 12:28

बाबा! नीवा पोरोल्क निमेन कदर हीम,” इंचि येसु इत्‍तोर. अल्हा इत्‍तस्के स्वर्गमताल उंदि अल्किर, “नना नावा महिमाता कदरतुन दीनकन्‍ना मुन्‍ने हीतन, मर्रा इंका हींतन,” इंचि केंजावाता.

योहान 17:1

इव अन्‍नि पोल्‍लें वेहमळ आतस्के, येसु पोर्रो स्वर्गमताहेके हूळसेक इल्‍हा पारतना कियालय दल्‍गतोर. “बाबा, अंटोर लोकुल्‍कुनपोर्रो निमे नाकु अदिकारम हीतिन. दीनहेंदाल निमे बोर्कुन अय्ते नाकु हीतिनो, ओर्क अंटोर्क नना बस्‍केळ्‍क पिस्सना पिस्वर हीकन. निमे वरोने सत्‍तेम पेनदुन आंदिन, बोर अय्ते नीकुन, निमे लोहता येसु किरिस्‍तुन एरपाट कींतुरो ओर्के आ बस्‍केळ्‍क पिस्सना पिस्वर दोर्कंता. निमे नाकु बव कबाह्‍क अय्ते कियालय हीतिनो, अवुन पुरागा कीसि, नना बूमिपोर्रो नीवा महिमा कीतन. इंदके नावा वेला एव्ता. अदुनहाटीं निमे नाकु कदर हीते, नना नीवा महिमा कींतन.

योहान 17:10

नहगा मनना अन्‍नि पोल्‍लें नीवंगें आंदुं, नीवां अन्‍नि पोल्‍लें नावां आंदुं. अवुनहेंदाल नाकु महिमा दोर्कता.

योहान 17:5

बाबा, दुनिया पुट्‍टका मुन्‍ने नना नीतोनि मननेंके बसोंटा महिमा मत्‍तानो, असोंटा महिमा इंदकेगुडा नी मुन्‍ने हीम.”

योहान 2:11

इल्‍हा येसु गालिल राज्येमता काना नाटे इचंत्रम आयना कबळ कीसि, ओना महिमातुन हुपिस्तोर. इद ओना मोट्‍टा मोदाटा चिन्‍ह आंद. अदुनहाटीं ओना सिस्युल्क ओन नम्मुतुर.

योहान 8:54

येसु ओर्क इल्‍हा जवाब हीतोर, “नावद ननाने कदर कीकुत्‍ते, अद कदरक बतले विलुवा मन्‍नो. गानि बोन अय्ते मिमेट, ‘मावा पेन आंदुर’ इंचि इंतिरो, ओरे नावा बाबाल आंदुर, ओरे नाकु कदर हीसंतोर.

योहान 9:24

अदुनहाटीं परिसिल्क, गुड्‍डितनमताल दिस्‍सानाल आता मनकन मरुंदि मल्का केय्‍सि, “ई मनकल पापि इंचि माकु एर्के, अदुनहाटीं पेनदुक कदर हीम,” इंचि इत्‍तुर.

योहान 9:3

अस्‍के येसु ओर्क इल्‍हा जवाब हीतोर, “ईर पापम कीताहेंकानो मरि ईना तल्‍लुर-बाबो पापम कीताहेंकानो ईर गुड्‍डिगा पुट्‍टा हिल्‍लोर. गानि ईनाहेंदाल पेनदा ताकत दिस अर्रना इंचि ईर इल्‍हा गुड्‍डिगा पुटतोर.

रोम सहरतोरहाटीं पौलुसना सिट्‍टि 11:11

अय्ते नना इंकुंदि पोल्‍ले पूसकींतन. इस्राएल लोकुल्‍क पुरागा तेदा पराकोंटा हिळु अरतुरा? अर्रा हिल्‍लुर. गानि ओर पापम कीतुर इंचि ओर्क दोर्कना मुक्‍ति, यहुदि आयवोर्क दोर्कता. दीन हूळसि यहुदि लोकुल्‍कुना कळ्‍क पोत्‍तागोम इंचि पेन अल्हा कीता.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 1:20

नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 4:14

मीकुन ओक्‍कला बोरन्‍ना किरिस्‍तुना पोरोलताहेंदाल अपमानम कीते, मिमेट आसिर्वाद दोर्कतोरे आंदिर. बारित्‍ते पेनदा महिमाता आत्मा मीपोर्रो मंता.