योहान 11:32 - पवित्र पोल्‍ले

³² येसु मत्‍ता जेगातगा मरियम एवसि, ओन हूळता. हूळसि ओना काल्कुनपोर्रो अरसि, “सामि, निमे इगे मंचि मत्‍ते ना तम्मुर हायाकोन्‍नेर,” इंचि इत्‍ता.

योहान 11:32 Iomraidhean Croise

लूकाल 17:16

वासि ओना काल्कुनपोर्रो अरसि ओन्क दन्यवाद कीतोर. ओर सामरिया मनकल मत्‍तोर, इत्‍ते सिन्‍ना जातितोर मत्‍तोर.

लूकाल 5:8

वेल्‍लेन जिम्मां अरतद हूळसि, सिमोन पत्रु आनि ओना दंटातुर वेल्‍ले इचंत्रम आतुर. अस्‍के सिमोन येसुना काल्कुना पोर्रो अरसि, “सामि, नना पापि मनकन आंदुन, नीवा दग्‍गेरा मनना लायक हिल्‍लेन,” इंचि इत्‍तोर.

लूकाल 8:41

अच्‍चोटेन दर्मसास्‍त्रम कराहना लोता अदिकारि याईर इननोर अगा वातोर. ओन्क पन्‍नेंड वर्सानद उंदे मिय्यड मत्‍ता, अद हायनाल आसि मत्‍ता. अदुनहाटीं ओर येसुना काल्कुनपोर्रो अर्सि, “नावा लोन वा,” इंचि विनंति कीतोर. अस्‍के येसु आ अदिकारिनतोनि होनालय पेय्सतोर. अगा ओना सुट्‍टु वेल्‍ले गर्दि मत्‍ताहेंके लोकुल्‍क दोब्बें-नूकें कीसि येसुन इटसेक मत्‍तुर.

योहान 11:2

मुन्‍ने उंदि मल्का उंदि मुरतळ, सामिना काल्कुंक अत्‍तर निय होकसि दाना केल्कुने उसुमता, अद इदे मरियम आंद. ई बिमार अरता लाजर दाना तम्मुर आंदुर.

योहान 11:21

मार्ताल येसुंक कलियसि, “सामि, निमे गिंटा इगे मंचि मत्‍ते, नावा तम्मुर हायाकोन्‍नेर.

योहान 11:37

गानि इच्‍चुर लोकुल्‍क, “ईर मनकल, वरोर गुड्‍डिंक कळ्‍क दिस्‍सानाल कीतोर अय्ते, लाजरुन हामुरताल कापाळा पराकोन्‍नेरा?” इंचि इत्‍तुर.

योहान 4:49

आ सायाब, “ना मर्रि हायका मुन्‍नेन निमे ताका सामि,” इंचि विनंति इत्‍तोर.

पेन हुपिस्‍ता पोल्‍लें 22:8

नना योहानुन, इव पोल्‍लें केंजतन, हूळतन. केंजुड, हूळुड आतस्के, अव पोल्‍लें वेहता दूताता काल्क मोळ्‍कानाहाटीं दाना काल्कुनपोर्रो अरतन.

पेन हुपिस्‍ता पोल्‍लें 5:14

अस्‍के जीवाते मनना नालुं जिवरासीं “आमीन” इत्‍तां. पजा पेद्‍दाल्क टोंगरां ऊनसि आरादना कीतुर.

पेन हुपिस्‍ता पोल्‍लें 5:8

बस्के अय्ते गोर्रे पोरि आ पुस्तकमतुन तेंडकुत्‍ता, अस्‍के आ नालुं जिवरासि आनि इरवै नालुर पेद्‍दाल्क गोर्रे पोरिना मुन्‍ने काल्कुनगा बोक-बोर्लें अर्सि मोळ्‍कतुर. ओर अंटोरा कय्‍दे उंद-उंदि टांबुरा आनि दूपमते निंडिसि मत्‍ता बंगारमता कुळ्‍कां मत्‍तां. आ दूपमते निंडिसि मत्‍ता कुळ्‍कां इत्‍ते, पेनदा लोकुल्‍कुना पारतनां आंदुं.