योहान 11:25 - पवित्र पोल्‍ले

²⁵ अद केंजसि येसु, “हातोर्कुन तेहानोन आनि पिस्वरतुन ननाने आंदुन. नापोर्रो विस्वासम कीतोर, हायिनागानि मर्रा जीवाते तेदांतुर.

योहान 11:25 Iomraidhean Croise

लूकाल 23:43

अस्‍के येसु ओन, “नना नीकु निजम वेहचेके, निमे इय्यालेन नावातोनि स्वर्गमते मनकिन,” इंचि इत्‍तोर.

योहान 1:4

अदुन लोप्पो पिस्वर मत्‍ता. आ पिस्वरे अंटोर लोकुल्‍कुनाहाटीं वेलगु आता.

योहान 14:19

इंका कोन्‍नि रोजकु आता पज्जो, दुनियातोर नाकुन हूळा परुर, गानि मिमेट नाकुन हूळा परकिट. बारित्‍ते नना जीवातेन मनंतन, मिमेट इंका जीवातेन मंदकिर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

योहान 6:35

अस्‍के येसु ओर्क इल्‍हा वेहालय दल्‍गतोर, “पिस्वर हियना तिंडि ननाने आंदुन. नहगा बोर अय्ते वांतुर, ओर्क बस्‍केने करवेस्सो. बोर अय्ते नापोर्रो विस्वासम इर्रंतुर, ओर्क बस्‍केने दूपा आयो.

योहान 6:44

नाकुन लोहचीता बाबाल, बोना मनसुने अय्ते नहगा वायना इच्‍चातुन पुटसंतोरो, ओरे नहगा वांतुर. वेरे बोरे वाया परुर. आकिर रोजुने नहगा वातोर्कुन ननाने जीवाते तेहांतन.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

रोम सहरतोरहाटीं पौलुसना सिट्‍टि 4:17

“नना नीकुन वेल्‍ले लोकुल्‍कुना बाबो कीतन,” इंचि पेन अब्राहामुना बारेमते इत्‍ता पोल्‍ले दर्मसास्‍त्रमते रासि मंता. पेनदा मुन्‍ने अब्राहाम मना अंटोर्क बाबोनलेसींगे मंतोर. हातोर्कुन पेन मर्रा जीवाते तेहंता. हिल्वदुनगुडा पुट्‍टींचंता असोंटा पेनदुन अब्राहाम विस्वासम कीतोर.

रोम सहरतोरहाटीं पौलुसना सिट्‍टि 8:2

बारित्‍ते पेनदा आत्माता नियम येसु किरिस्‍तुनाहेंदाल मनाकु पूना पिस्वर हीता. मनाकुन पापम आनि हामुरता नियमताल तपिस्ता.

1 कुरेंति 15:18

अल्हा अय्ते, किरिस्‍तुन विस्वासम कीसि हातोरगुडा नासडेमताल पिसा पर्राहिल्‍लुर.

1 कुरेंति 15:29

मर्रा जीवाते तेदाकोंटे, हातोराहाटीं येसुना पोरोलते बापतिस्मा एततुर, ओर बतल कियानुर? हातोर गिंटा जीवाते तेदाकोंटे ओराहाटीं बापतिस्मा बारि एताना?

2 कुरेंति 4:14

बारित्‍ते, सामि येसुन जीवाते तेहता पेने मोमोट येसुना लोप्पो कलियसि मत्‍ताहाटीं माकुनगुडा जीवाते तेहंता आनि मीवातोनि माकुनगुडा दाना मुन्‍ने निप्‍संता इंचि माक एरपाटे मंता.

पिलिपिया 3:10

येसु किरिस्‍तुन आनि ओर हासि मर्रा जीवाते तेदता ताकततुन तेलपिचकुनना इंचि नाकु मंता. ओर बोगांच्‍ता तकलिपकु आनि हामुरतुनगुडा बोगांचि, ओनलेह्केन नाकु आयगोम. बल्हा अय्नागानि उंदि रोजु पेन नाकुन हामुरताल जीवाते तेहंता इंचि नावा आसे.

1 तेसलोनि 4:14

बारित्‍ते येसु हासि मर्रा जीवाते तेदतोर इंचि मनम विस्वासम कींतोम, अल्‍हेने बोर अय्ते येसुन विस्वासम कीसि हातुर, ओर्कुन पेन येसुनतोनि पीसि वायार.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 20:5

इदे मोट्‍टा मोदाटा हासि मर्रा जीवाते तेदमळ आंद. कळमातोर बोर अय्ते हासि मत्‍तुरो, ओर इव वेय वर्सां निंडनदाका मर्रा जीवाते तेदा हिल्‍लुर. इल्‍हा मोट्‍टा मोदाटा मर्रा जीवाते तेदतोर बोर अय्ते मत्‍तुरो ओर पवित्र आनि आसिर्वाद दोर्कतोर आंदुर. ओरपोर्रो रोंडो हामुरता ताकत कबळ किय्‍यो. गानि ओर पेनदा आनि किरिस्‍तुना पेर्मालोर आंतुर. आसि किरिस्‍तुनतोनि कलियसि वेय वर्सां राज्येम कींतुर.

पेन हुपिस्‍ता पोल्‍लें 21:4

अद ओरा कळ्‍कुना कांडेह्कुन उस्मंता. मोदाटा पोल्‍लें मायसोत्‍तां, अदुनहाटीं ओर्कु हामुर, दुक्‍काल्क, बादां, तिप्‍पल्‍क मन्‍नों,” इंचि केंजावाता.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.

पेन हुपिस्‍ता पोल्‍लें 22:17

पेनदा आत्मा आनि मरमिना पेगिड, “हिक्‍के वा” इंचि वेहांता. केंजानोरगुडा, “वा” इंचि इन्‍निरकांटी. दूपा आसि मत्‍तोर बोरे आयिर इद पिस्वर हियना एतुन पुक्‍कटते उन्‍ना वच्‍चु.