योहान 10:3 - पवित्र पोल्‍ले

³ गोर्रें मेहानोनहाटीं गलमातगा कावेल कीसेक मनानोर गिल्कोम तेंडांतुर. गोर्रें ओना लेंग केंजंतां. ओर ओना गोर्रेन उंद-उंदाना पोरोल पीसि केय्‍सि, अवुन पलाते ओंतोर.

योहान 10:3 Iomraidhean Croise

योहान 10:14

गानि नना बेस मेहानोन आंदुन. बल्हा अय्ते बाबाल नाकुन एरपाट कींतोर, नना बाबान एरपाट कींतन, अल्हेन नावा गोर्रेन नना एरपाट कींतन, अव नाकुन एरपाट कींतां. नना नावा गोर्रेनाहाटीं जीवा हींतन.

योहान 10:16

इद पोद्‍दितव आयवा गोर्रेंगुडा नहगा मंतां. नाकु अवुनगुडा तरानद मंता, अवगुडा नावा लेंग केंजनूं. अस्‍के अन्‍नि उंदे मंदा आसि मनंतां आनि अवुना मेहानोरगुडा वरोरे मनांतोर.

योहान 10:4

अन्‍नि गोर्रेन पलाते ओसि, ओर अवुना मुन्‍ने-मुन्‍ने दांतोर. गोर्रें ओना पज्जो-पज्जो दांता. बारित्‍ते अव ओना लेंगुन एरपाट कींतां.

योहान 10:9

गलमा ननाने आंदुन. बोर अय्ते नहगटाल लोप्पो नेंगंतोर, ओन नना पिसागोटंतन. ओर लोप्पो-पलाते होनुळ-वायुळ कींतोर, तिनालय ओन्क मेता दोर्कंता.

योहान 6:37

अयना बाबाल बोर-बोर्कुन अय्ते नाकु अप्‍पजेप्‍पंतोर, ओरे नहगा वांतुर. नहगा वायानोर्कुन नना बस्‍केने मलाहचि लोहोन.

योहान 6:45

पेनदा कबुरतोरा पुस्तकाल्कुने, अंटोर लोकुल्‍कुंक पेने कराहंता, इंचि रासि मंता. बोर अय्ते बाबाना पोल्‍लें केंजांतुर, करियांतुर, ओर अंटोर नहगा वांतुर.

रोम सहरतोरहाटीं पौलुसना सिट्‍टि 8:30

बोर-बोर्कुन अय्ते पेन पेरता ओर्कुन दाना हर्दे ताकालय केयता. इंका बोर-बोर्कुन दाना हर्दे ताकालय केयता ओर्कुन नीतिमंतुल्क कीता. इल्‍हा नीतिमंतुल्क कीतोर्कुंक वेल्‍लेन कदरगुडा हीता.

1 कुरेंति 16:9

बारित्‍ते, इगे बेसता कबळ कियालय, नाक उंदि पेद्‍दा मोका दोर्कता, इंका विरोद कियानोरगुडा वेल्‍लेटुरे मंतुर.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

2 तिमोति 2:19

गानि पेन दोहता पुनादि बस्‍केळ्‍क नित्‍तिसि मनंता. अद पुनादिपोर्रो, “सामिंक ओना लोकुल्‍क बोर आंदुर, ओन्क एरपाटे,” आनि “सामिना पोरोल एताना हरेक मनकल, तप्‍पुड कबाह्कुनाल लक्‍कु मनगोम,” इंचि सिक्‍का वाटसि मंता.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

1 योहान 4:6

गानि मनम पेनदा लोकुल्‍क आंदुम. पेनदुन एरपाट कियानोर, मना पोल्‍लें केंजंतुर. गानि पेनदुन एरपाट कियवोर, ओर मना पोल्‍लें केंजुर. इल्‍हा मनम, बद सत्‍तेमता आत्मा आनि बद आबद्‍दमता आत्मा इंचि परक एरपाट किया पर्रंतोम.

3 योहान 1:14

बिरानेन नीकु कलियना इंचि नना आसे पडसेक मंतन. कलियतस्‍के, मनम मोकोम मुन्‍नेन वळ्‍क्‍कुनकोम.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.

पेन हुपिस्‍ता पोल्‍लें 3:20

हूळा, नना तल्‍पुनगा नित्‍तिसि तल्‍पुन टोक-टोक तंतस्के; बोर अय्ते ना लेंग केंजसि तल्‍पु तेंडांतोर, नना ओनगा लोप्पो दांतन, होंचि ओनतोनि कलियसि गाटो तिंतन, आनि ओर नातोनि तिंतोर.

पेन हुपिस्‍ता पोल्‍लें 7:17

बारित्‍ते ईर अंटोर्कुन मेहानोर, राजगद्‍दे नड्‍डुम उद्‍दिस मनना गोर्रे पोरि आंदुर. ओर ईरकुन पिस्वरता एता उटानगा ओंतोर. पेन ओरा कळ्‍कुना कंडेह्कुन पुरागा उसमंता,” इंचि वेहतोर.