योहान 1:39 - पवित्र पोल्‍ले

³⁹ अस्‍के येसु ओर्कुन, “वट हूळकिर,” इत्‍तोर. ओर येसुनतोनि होंचि ओर मनना जेगातुन हूळतुर. हूळसि येसु मनना जेगातगा एवसि ओनतोनि अग्गेन मत्‍तुर. अस्‍के नुल्‍पेळतां नालुं एगसेक मत्‍ता.

योहान 1:39 Iomraidhean Croise

लूकाल 24:29

अदुनहाटीं ओर ओन, “इंदके पोळ्‍द होत्‍ता, इय्याला निमे इगेन महगा आगा दादा!” इंचि वेल्‍लेन विनंति कीतुर. अस्‍के येसु ओरगा मननाहाटीं ओरतोनि लोप्पो होत्‍तोर.

योहान 1:38

येसु पजोळ्क तिरियसि हूळतोर अस्‍के ओर इव्वुर ओना पज्जो वायनद हूळसि ओर्कुन, “मिमेट बतल पहकसंतिर?” इंचि पूसकीतोर. अस्‍के ओर, “रब्‍बी! निमे बगा मनांतिन?” इंचि इत्‍तुर.

योहान 1:40

योहानुना पोल्‍ले केंजसि येसुना पज्जो होत्‍ता इव्वुर सिस्युल्‍कुनाल वरोन पोरोल अंदरियल. ई आंद्रेयल, सिमोन पत्रु इनानोना तम्मुर आंदुर.

योहान 1:46

अस्‍के नतेनल, “अल्हाना! नासरेततालगुडा बेसता पोल्‍लें वाया परंतंगा?” इंचि इत्‍तोर. अस्‍के पिलिपु, “अय्ते निमेन वासि हूळा!” इंचि इत्‍तोर.

योहान 4:40

सामरिया लोकुल्‍क येसुनगा वासि, “निमे महगा मन्‍नु,” इंचि विनंति कीताहेंके, येसु रोंड रोजकु अगा आगतोर.

योहान 6:37

अयना बाबाल बोर-बोर्कुन अय्ते नाकु अप्‍पजेप्‍पंतोर, ओरे नहगा वांतुर. नहगा वायानोर्कुन नना बस्‍केने मलाहचि लोहोन.

पेन हुपिस्‍ता पोल्‍लें 3:20

हूळा, नना तल्‍पुनगा नित्‍तिसि तल्‍पुन टोक-टोक तंतस्के; बोर अय्ते ना लेंग केंजसि तल्‍पु तेंडांतोर, नना ओनगा लोप्पो दांतन, होंचि ओनतोनि कलियसि गाटो तिंतन, आनि ओर नातोनि तिंतोर.