योहान 1:29 - पवित्र पोल्‍ले

²⁹ इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 1:29 Iomraidhean Croise

मत्‍तयाल 1:21

अद पेडन कनंता, ओर ओना लोकुल्‍कुन ओरा पापाल्कुनाल पिसागोटंतोर. अदुनहाटीं ओना पोरोल येसु दोस्‍सा,” इंचि वेहता.

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

योहान 1:35

इंकुंदि रोज योहान ओना सिस्युल्‍कुनाल इव्वुर सिस्युल्कुनतोनि नित्‍तिसि मत्‍तोर.

योहान 1:36

अस्‍के येसु ओना दग्गेटाल होननद हूळसि, “हुळाट, पेनदा गोर्रे पोरि,” इंचि इत्‍तोर.

योहान 1:43

इंकुंदि रोज येसु गालिल राज्येमते होनना निरनायम एततोर. अस्‍के पिलिपुन कलियसि, “निमे ना पज्जो वा,” इंचि इत्‍तोर.

योहान 2:1

इद जर्गुता मूडोव रोजुननाड गालिल राज्येमता काना इनना नाटे मरमिं मत्‍तां, आ मरमिने येसुना यावलगुडा मत्‍ता.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 4:42

“सिराप निमे वेहताहेंकेन मोमोट येसुन नम्मा हिल्‍लोम. इंदके कुद्‍दु मोमोटे ओना पोल्‍ले केंजसि, दुनियातोर्कुन पिसागोटना निजम किरिस्‍तु ईरे आंदुर इंचि मोमोट विस्वासम कीतोम,” इंचि आ लोकुल्‍क मुरतटुन इत्‍तुर.

योहान 6:51

स्वर्गमताल वाता जीवाते मनना तिंडि ननाने आंद. बोर अय्ते ई तिंडितुन तिंतुरो, ओर बस्‍केळ्‍क जीवातेन मनांतोर. ई तिंडि ना मेंदुल आंद, नना इद मेंदुलतुन दुनियातोरा पिस्वरताहाटीं हींतन,” इंचि इत्‍तोर.

प्रेरितुल्‍कुना कबाह्‍क 13:39

मूसाना नियम हेंदाल मीकु पापाल्कुनाल मापि दोर्को, गानि येसुना पोर्रो विस्वास इर्रानुर अंटोर्क ओरा पापाल्कुनाल मापि दोर्कंता.

प्रेरितुल्‍कुना कबाह्‍क 8:32

ओर आ पुस्तकमते बतल अय्ते हदविसेके मत्‍तोरो अद इल्‍हा मंता: “हव्कालय ओयना गोर्रेतालेसीं ओन ओतुर, गोर्रे दाना मेंदुल्ता बूरातुन कतरिचिनेंके बल्हा सपुडदाका मनंता, अल्‍हेने ओरगुडा सपुडदाका मत्‍तोर, ओना तोळ्‍दाल उंदि पोल्‍लेगुडा पेय्‍सा हिल्‍ले.

1 कुरेंति 15:3

अदुनहाटीं अन्‍निंकन्‍ना मुन्‍ने नहगा एवता पोल्‍लेतुने मिहगा एविस्तन. अद बतल इत्‍ते, दर्मसास्‍त्रमता पोल्‍ले मत्‍ताप, किरिस्‍तु मना पापाल्कुनाहाटीं हातोर,

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

1 तिमोति 2:6

अंटोर लोकुल्‍कुंक मुक्‍ति अस्सि हियनाहाटीं ओर सततुन कुदुवा इरसि ओनद ओर अप्पजेपकुत्‍तोर. मंचि वेलापोर्रो ओना गवाइ हीतोर.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 9:28

अल्हेन किरिस्‍तु, वेल्‍लेटोरा पापाल्कुन नासडेम कियानाहाटीं उंदे मल्का ओना सतता जीवातुन मोक्‍कु हीतोर. ओर मरुंदि मल्का मल्सि वायना मंतोर. अय्ते ई मल्का ओर पापमतुन नासडेम कियालय आयो, गानि ओनाहाटीं बच्‍चोनो ओप्‍केते बस्के वांतोर इंचेके एदुर हूळसेक मनानोर्कुन पिसागोटनाहाटीं वायानुर.

1 पत्रु 2:24

मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 14:1

मर्रा नना सियोन इनना गुट्‍टापोर्रो पेनदा गोर्रे पोरि नित्‍तिसि मत्‍तद हूळतन. अगा दानतोनि उंदि लक्‍सा नल्‍पै नालुं वेय्‍कुना (1,44,000) मंदि मत्‍तुर. ओरा कपालमपोर्रो गोर्रे पोरिना आनि दाना बाबाना पोरोल रासि मत्‍ता

पेन हुपिस्‍ता पोल्‍लें 14:4

ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.

पेन हुपिस्‍ता पोल्‍लें 15:3

पेनदा सेवाकुड मूसाना पाटा आनि गोर्रे पोरिना पाटा पारसेके ओर इल्‍हा इनुंदुर, “ए अन्‍निटकन्‍ना एक्‍को सक्‍तिमंतुन आता मावा सामि पेनदुना, नीवा कबाह्‍क पेद्‍देय आनि इचंत्रमतव आंदुं, निमे बस्‍केळ्‍क मंदना राजान आंदिन, नीवा हर्रि नीतितद, आनि सत्‍तेमतद आंदु,

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 19:7

गोर्रे पोरिना मरमिं दग्गेर्क एवतां, मरमिं आयालय मरमिना पेगिडगुडा तयारे मंता. अय्ते वटु, मनम आनंदमते, कुसिते दाना स्‍तुति कीकोम.

पेन हुपिस्‍ता पोल्‍लें 19:9

पजा पेनदा दूता नाकुन, “गोर्रे पोरिना मरमिना गाटो तिनालय बोर्कुनय्ते केयमळ जर्गता ओरे आसिर्वाद दोर्कतोर आंदुर.” पजा, “इद पेनदा सत्‍तेम पोल्‍ले आंद, इदुन रासा,” इंचि मर्रा इत्‍ता.

पेन हुपिस्‍ता पोल्‍लें 21:14

अद सहर सुट्‍टु मत्‍ता गूरे पन्‍नेंड पूनादिनपोर्रो निल्‍सि मत्‍ता. आ पन्‍नेंड पूनादिनपोर्रो गोर्रे पोरिना पन्‍नेंड प्रेरितुल्कुना पन्‍नेंड पोरोलीं रासि मत्‍तां.

पेन हुपिस्‍ता पोल्‍लें 21:27

गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.

पेन हुपिस्‍ता पोल्‍लें 21:9

पजा, एडुं वाटिने आकिरता एडुं गंडाल्‍कुन पीसि मत्‍ता एडुं दूतानाल उंदि दूता नहगा वासि, “हिक्‍के वा! नना नीकु मरमिना पेगिटुन, इत्‍ते गोर्रे पोरिना मुत्‍तोन हुप्‍संतन” इंचि इत्‍ता.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.

पेन हुपिस्‍ता पोल्‍लें 5:8

बस्के अय्ते गोर्रे पोरि आ पुस्तकमतुन तेंडकुत्‍ता, अस्‍के आ नालुं जिवरासि आनि इरवै नालुर पेद्‍दाल्क गोर्रे पोरिना मुन्‍ने काल्कुनगा बोक-बोर्लें अर्सि मोळ्‍कतुर. ओर अंटोरा कय्‍दे उंद-उंदि टांबुरा आनि दूपमते निंडिसि मत्‍ता बंगारमता कुळ्‍कां मत्‍तां. आ दूपमते निंडिसि मत्‍ता कुळ्‍कां इत्‍ते, पेनदा लोकुल्‍कुना पारतनां आंदुं.

पेन हुपिस्‍ता पोल्‍लें 6:1

पजा एडुं सिक्‍कानाल उंदि सिक्‍कातुन आ गोर्रे पोरि नेम्‍हाचि विच्‍चुता. अस्‍के जीवाते मत्‍ता आ नालुं जिवरासिनाल उंदि जिवरासि, पिडगु वाटते वायानसोंटा आवाजते, “वा” इत्‍तद नना केंजतन.

पेन हुपिस्‍ता पोल्‍लें 6:16

मक्‍किसि गुट्‍टां आनि बंडानतोनि, “मापोर्रो अर्सि, राजगद्‍देपोर्रो उद्‍दिस मत्‍तोना नदरताल आनि गोर्रे पोरिना होंगुनाल माकुन मक्‍किचट.

पेन हुपिस्‍ता पोल्‍लें 7:14

अस्‍के, “नीकु एरपाटे महाराज,” इंचि नना ओन इत्‍तन. अस्‍के ओर, “ईर अंटोर वेल्‍ले तिप्पल्कुनाल पलाते वातोर आंदुर. ईर ईरा कपडिं गोर्रे पोरिना नेत्‍तुरते हुक्‍किसि तेल्‍लगा कीतुर आंदुर.

पेन हुपिस्‍ता पोल्‍लें 7:17

बारित्‍ते ईर अंटोर्कुन मेहानोर, राजगद्‍दे नड्‍डुम उद्‍दिस मनना गोर्रे पोरि आंदुर. ओर ईरकुन पिस्वरता एता उटानगा ओंतोर. पेन ओरा कळ्‍कुना कंडेह्कुन पुरागा उसमंता,” इंचि वेहतोर.