योहान 1:17 - पवित्र पोल्‍ले

¹⁷ मूसाल इनानोनहेंदाल पेन मनाकु नियमाल्‍क हीता. गानि कुर्पा, सत्‍तेम मनाकु येसु किरिस्‍तुनाहेंदाल दोर्कता.

योहान 1:17 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 18:37

अस्‍के पिलातुस, “अल्हा अय्ते निमे राजाना?” इंचि इत्‍तोर. अय्ते येसु, “निमेन इंचंतिन नाकुन राजाल इंचि! नना अय्ते सत्‍तेम बारेमते गवाइ वेहालय पुटतन. इद कारनमहाटींगे नना ई दुनियाते वातन. सत्‍तेमते ताकाना हरेक मनकल, नावा अल्किरतुन केंजंतोर,” इंचि वेहतोर.

योहान 5:45

बाबाना मुन्‍ने नना मीपोर्रो तप्पु दोसतन इंचि इनकुन्‍मट. मिमेट अय्ते मूसाना पोर्रो आसे पडसि मनंतिर, आ मूसाले मीवापोर्रो तप्पु दोसंतोर.

योहान 7:19

मूसाल अय्ते मीकु दर्मसास्‍त्रमतुन एव्विचि हीतोर. गानि मिहागटाल वरोरगुडा अव्टेटा नियमकुनपोर्रो ताकसेक हिल्‍लिर. अय्ते बारि नाकुन हव्कालय हूळसंतिर?” इंचि येसु इत्‍तोर.

योहान 8:32

अस्‍के मिमेट सत्‍तेमतुन एरपाट कीकिर, आ सत्‍तेमे मीकुन होळसार,” इंचि इत्‍तोर.

योहान 9:29

पेन मूसानतोनि वळ्कता इंचि माकु एरपाट मंता. गानि ई मनकल बगाटाल वातोर? माकु बतले एरपाट हिल्‍ले,” इंचेके ओन तेराहतुर.

प्रेरितुल्‍कुना कबाह्‍क 28:23

अस्‍के ओनतोनि कलियालय उंदि रोजु पक्‍का कीतुर. पक्‍का कीता रोजुने ओर आगसि मत्‍ता लोतगा यहुदिल्कु वेल्‍लेटुर जमा आतुर. पौलुस हक्‍केटाल अय्ते पोळ्‍द होननदाका पेनदा राज्येम बारेमते ओर्कु गवाइ वेहतोर. अल्‍हेने मूसाना नियमताल आनि पेनदा कबुरतोर रासता पुस्तकाल्कुनाल येसुना बारेमते ओर्कु तेळियागोट्‍सि वेहतोर.

प्रेरितुल्‍कुना कबाह्‍क 7:38

मना इस्राएल लोकुल्‍क बय्‍लि जेगाते मत्‍तस्के ओरतोनि कलियसि मत्‍तोर ईरे मूसाल आंदुर. इंका सिनाइ गुट्‍टापोर्रो पेनदा दूतातोनि ईरे मूसाल वळकुतोर. अचोने आयका पेन दाना पिस्वर हियना पोल्‍लेन मनाकु एवसानाहाटीं बोन्क अय्ते हीतानो ओर ईरे मूसाल आंदुर.

रोम सहरतोरहाटीं पौलुसना सिट्‍टि 6:14

अस्‍के मिमेट मूसाना नियमता कय्‍दा हिळु हिल्‍लिर गानि पेनदा कुर्पाते पिस्सेक मंतिर इंचि मीपोर्रो पापम दाना अदिकारम ताकसो.

2 कुरेंति 1:20

पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

गलातिया 3:17

इंदके इदुन बेस केंजाट! नालुं नुह्कुना मुप्‍पै वर्साना पज्जो वाता मूसाना नियम, पेन मुन्‍नेन कीसि मत्‍ता करारतुन बल्हा बदलांचा परंता? बदलांचा परो. अदुनहाटीं अद इंदकेगुडा ताकसंता.

इब्रि 9:22

मूसाना नियम परकारम हूळते, दग्‍गेर-दग्‍गेरा अन्‍निगुडा नेत्‍तुर सल्‍लिसे सुद्‍द कियमळ गावाले. नेत्‍तुर पोंगागोट्‍टाकोंटा पापाल्कुंक मापि हिल्‍ले.