योहान 1:14 - पवित्र पोल्‍ले

¹⁴ आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:14 Iomraidhean Croise

मत्‍तयाल 1:16

याकोबुना मर्रि योसेप, योसेपुन मुत्‍तो मरियम. मरियम “किरिस्‍तु” इनना येसु सामिन यावल आंद.

लूकाल 2:11

इय्याला दाविद राजाना नाटे, मीकुन पिसागोटनोर पुट्तोर, ओरे किरिस्‍तु सामि आंदुर.

लूकाल 2:7

अद दाना तोल्सूर मर्रिन कंता. अगा ओर्कु आगालय बेस जेगा दोर्कुवाहेंके मरियम आ पेडन पेगुने हुटता, हुटसि कोळ्‍कते कोंदाक कुटार तासाना डालाते वाटसि इरता.

लूकाल 9:32

पत्रु आनि ओना दंटातुर निद्रा होंचि मत्‍तुर. पजा ओर निद्रताल तेदतस्‍के येसुना महिमाता वेल्‍गुन हूळतुर. अचोने आयाका ओनतोनि इव्वुर मनकालोर नित्‍तिसि मत्‍तदगुडा हूळतुर.

योहान 1:1

बतले पुट्‍टका मुन्‍ने पोल्‍ले मत्‍ता. आ पोल्‍ले पेनतोनि मत्‍ता. आ पोल्‍ले पेन आंद.

योहान 11:40

अस्‍के येसु, “निमे विस्वासम कियानय्ते पेनदा महिमातुन हूळकिन, इंचि नना नीकु वेहा हिल्‍लेना?” इंचि दान इत्‍तोर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 14:9

अस्‍के येसु ओन्क इल्‍हा वेहतोर, “नना इच्‍चुं रोजकुनाल मीवातोने मंतन, अयना निमे नाकुन एरपाट किया हिल्‍लिना पिलिपु? नाकुन हूळतोर, ओर बाबान हूळतोर. अयना, माकु बाबान हुप्‍सा, इंचि निमे बल्हा इंचंतिन?

योहान 17:22

निमे ना लोप्पो मंतिन, नना नी लोप्पो मंतन. निमे नाकु हीता कदरतुन नना ओर्क हीतन. मनम इंदके बल्हा उंदि आसि मंतोमो, अल्हेन ओरगुडा उंदि आसि मंदना. अल्हा मत्‍तेने, नाकुन निमे लोहतिन आनि नाकुन पावरम कीताप ओर्कुनगुडा पावरम कीसंतिन, इंचि दुनियाक एरपाट आयापींता.”

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

योहान 18:37

अस्‍के पिलातुस, “अल्हा अय्ते निमे राजाना?” इंचि इत्‍तोर. अय्ते येसु, “निमेन इंचंतिन नाकुन राजाल इंचि! नना अय्ते सत्‍तेम बारेमते गवाइ वेहालय पुटतन. इद कारनमहाटींगे नना ई दुनियाते वातन. सत्‍तेमते ताकाना हरेक मनकल, नावा अल्किरतुन केंजंतोर,” इंचि वेहतोर.

योहान 2:11

इल्‍हा येसु गालिल राज्येमता काना नाटे इचंत्रम आयना कबळ कीसि, ओना महिमातुन हुपिस्तोर. इद ओना मोट्‍टा मोदाटा चिन्‍ह आंद. अदुनहाटीं ओना सिस्युल्क ओन नम्मुतुर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:18

ओन बोर अय्ते नम्मंतुरो, ओर्क ओर सिक्‍सा हिया वेहोर. गानि बोर अय्ते ओन नम्मुरो, पेनदा वरोरे मर्रिनपोर्रो विस्वासम कियवाहेंका ओर्क पेन मुन्‍नेन सिक्‍सा हीसि इरता.

योहान 6:51

स्वर्गमताल वाता जीवाते मनना तिंडि ननाने आंद. बोर अय्ते ई तिंडितुन तिंतुरो, ओर बस्‍केळ्‍क जीवातेन मनांतोर. ई तिंडि ना मेंदुल आंद, नना इद मेंदुलतुन दुनियातोरा पिस्वरताहाटीं हींतन,” इंचि इत्‍तोर.

योहान 8:32

अस्‍के मिमेट सत्‍तेमतुन एरपाट कीकिर, आ सत्‍तेमे मीकुन होळसार,” इंचि इत्‍तोर.

प्रेरितुल्‍कुना कबाह्‍क 13:33

इल्‍हा पेन येसुन हामुरताल मर्रा तेहाचि, मना पेद्‍दाल्कुंक मुन्‍नेने हीता पोल्‍ले, इंदके मनाहाटीं निजम आता. इदु, बजन संहितता रोंडो बजनते इल्‍हा रासि मंता: “निमे नावा मर्रिन आंदिन, इय्यला नना नीकु बाबोन आतन.”

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

रोम सहरतोरहाटीं पौलुसना सिट्‍टि 9:5

एनकटा पेद्‍दाल्क अब्राहाम, इसाक आनि याकोब ईरगुडा ईरोरे आंदुर. अचोने आयका येसु किरिस्‍तुगुडा मनकन रूपमते ईरा वंसंमतेन पुटतोर. अन्‍निन ताकसना अदिकारम मत्‍ता पेने ई येसु किरिस्‍तु आंदुर. अव अन्‍नि बस्‍केळ्‍क ओने तल्‍सकुन्‍निं. आमीन.

1 कुरेंति 15:47

मोदाटा मनकल बूमिता तोळिते तयार आतोर, गानि पजाटाल वायाना मनकल स्वर्गमताल वातोर.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

कुलुसि 1:19

बारित्‍ते ओनालोप्‍पो पेनदा गुनम पूरा निंडसि मत्‍तेने बाबो कूस मनंतोर.

कुलुसि 2:9

बारित्‍ते पेनदाव अन्‍नि गुनाल्‍क किरिस्‍तुना मेंदुल्ते मनंतां.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 1:5

बारित्‍ते, पेन दाना मर्रिना बारेमते, “निमे नावा मर्रिन आंदिन, इय्याला ननाने नीकुन पुटिस्तन. इंका नना ओना बाबोन आंदुन, ओर ना मर्रि आंदुर.” इंचि येसुन तप्‍पा बस्‍केने बदे दूतातुन पेन इना हिल्‍ले.

इब्रि 10:5

अदुनहाटींगे, किरिस्‍तु इद दुनियाते वातस्के पेनतोनि इल्‍हा इत्‍तोर: “निमे मोक्‍कुल्क आयि, दानाल्‍क आयिं कोराहिल्‍लिन, गानि नाहाटीं उंदि मेंदुल तयार कीतिन.

इब्रि 2:11

मनाकुन पवित्र किय्‍याना येसु आनि पवित्र आतोरम मनम, वरोर बाबाना पिलाल्कुमे आंदुम. अदुनहाटीं मनाकुन तम्मुह्‍क-हेलाह्क इंचि वेहालय येसु सिग्गु अर्रोर.

इब्रि 5:5

अल्हेन किरिस्‍तुगुडा ओनद ओर पेद्‍दा पेर्मल आया हिल्‍लोर. गानि बद पेन अय्ते ओन, “निमे नावा मर्रिन आंदिन, इय्याला ननाने नीकुन पुटिस्तन,” इंचि इत्‍तानो अदे पेन ओन पेद्‍दा पेर्मल इंचि निल्‍हाता.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

1 योहान 4:9

दाना मर्रिनाहेंदाल मनाकु बस्‍केळ्‍क पिस्‍साना पिस्वर दोर्कना इंचि पेन दाना वरोरे मर्रिन, इद दुनियाते लोहता. इल्‍हा पेन, मनापोर्रोटा दाना पावरमतुन मनाकु हुपिस्‍ता.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.

पेन हुपिस्‍ता पोल्‍लें 19:13

ओर नेत्‍तुरते मुळहाता कपडिं केरसि मत्‍तोर. ओना पोरोल “पेनदा पोल्‍ले” आंद.

पेन हुपिस्‍ता पोल्‍लें 21:3

पजा राजगद्‍देतगटाल उंदि पेद्‍दा लेंग इल्‍हा केंजावाता, “हुळाट, पेन इंदके मनकालोरा नड्‍डुम जेगा आता. अद ओरतोने मनंता. ओर दाना लोकुल्‍क आंतुर, अद कुद्‍दु ओरा पेन आसि ओरतोने मनंता.