योहान 1:11 - पवित्र पोल्‍ले

¹¹ ओर ओना लोकुल्‍कुनेन वातोर, गानि कुद्‍दु ओना लोकुल्‍के ओन ओप्कुना हिल्‍लुर.

योहान 1:11 Iomraidhean Croise

मत्‍तयाल 15:24

अस्‍के येसु, “गानि नाकुन पेनबाबाल सिराप इस्राएलता तप्‍सोत्‍ता लोकुल्‍कुनाहाटीं लोहचीतोर.” इंचि इत्‍तोर.

लूकाल 19:14

“गानि नाटेना लोकुल्‍क ओन हय्साकोंदुर, अदुनहाटीं, ‘ओर मापोर्रो राज्येम कियमळ माकु इस्‍टम हिल्‍ले,’ इंचि पेद्‍दा राजांक वेहालय पेरतोर्कुन ओना पज्जेन लोहतुर.

योहान 1:10

ओर इद दुनियातेन मत्‍तोर. ओनाहेंदाले पेन ई दुनियातुन पुटिस्ता. गानि ई दुनिया ओन एरपाट किया हिल्‍ले.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 19:27

पजा आ सिस्युनहेके हूळसि, “इद हूळा, नीवा यावल!” इंचि वेहतोर. अस्‍केटाल आ सिस्युड दान ओना यावल इंचि लोन ओतोर.

योहान 3:32

ओर अगा बतल अय्ते हूळतोर, केंजतोर अदुना बारेमतेन गवाइ वेहंतोर, गानि ओना गवाइतुन बोरे नम्मुर.

प्रेरितुल्‍कुना कबाह्‍क 13:26

मावा दादालोरिटा, अब्राहामुना वंसमतोरिटा आनि पेनदुक वेरियना वेरे जातितोरिटा! मुक्‍ति हियना बेसता कबुरतुन पेन मनागा लोहचीता.

प्रेरितुल्‍कुना कबाह्‍क 13:46

गानि पौलुस आनि बरनाबास वेरियाकोंटा, मीकु पेनदा पोल्‍ले मुन्‍नेने वेहना अव्‍सरम मत्‍ता, गानि मिमेट दान हय्सका, बस्‍केळ्‍क पिस्सना पिस्वरकु लक्‍कु आताप हुपिस्‍तिर. अदुनहाटीं इंदके मोमोट यहुदि आयवोरहेके दांतोम.

प्रेरितुल्‍कुना कबाह्‍क 21:6

ओर माकुन सार्ला कीतंका मोमोट डोंगा एकतोम, ओर ओरा लोहकुने वापस होत्‍तुर.

रोम सहरतोरहाटीं पौलुसना सिट्‍टि 15:8

नना वेहानद बतल इत्‍ते, एनकटा यहुदि पेद्‍दाल्कुंक पेन पोल्‍ले हीसि मत्‍ता, अद पोल्‍ले निजम आयाना इंचि, कतना आतोरा लोप्पो किरिस्‍तु सेवक आसि वातोर. इद पोल्‍लेतुन मर्गमटु.

रोम सहरतोरहाटीं पौलुसना सिट्‍टि 9:1

नावा यहुदि लोकुल्‍क पेनदाल बल्हा लक्‍कु आसि मंतुर मरि? ओर अल्हा आताहाटीं मनसुने नाकु वेल्‍लेन दुक्‍कम, बादा अनपिच्‍चंता. नना किरिस्‍तुना मनकन इंचि इदु पोल्‍ले निजम वेहचंतन, आबद्‍दम आयो. नावा लोप्पो मनना पवित्र आत्मागुडा इद निजम इंचि गवाइ हीसंता. पेन नाकु सापनेम हीसि, नाकुन किरिस्‍तुनाल लक्‍कु किय्‍यिना बेसे! नावा मनसु मात्रम नावा इस्राएल लोकुल्‍क पिसगोम इंचि मंता.

रोम सहरतोरहाटीं पौलुसना सिट्‍टि 9:5

एनकटा पेद्‍दाल्क अब्राहाम, इसाक आनि याकोब ईरगुडा ईरोरे आंदुर. अचोने आयका येसु किरिस्‍तुगुडा मनकन रूपमते ईरा वंसंमतेन पुटतोर. अन्‍निन ताकसना अदिकारम मत्‍ता पेने ई येसु किरिस्‍तु आंदुर. अव अन्‍नि बस्‍केळ्‍क ओने तल्‍सकुन्‍निं. आमीन.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.