योहान 1:1 - पवित्र पोल्‍ले

¹ बतले पुट्‍टका मुन्‍ने पोल्‍ले मत्‍ता. आ पोल्‍ले पेनतोनि मत्‍ता. आ पोल्‍ले पेन आंद.

योहान 1:1 Iomraidhean Croise

मत्‍तयाल 1:23

“हुळाट, मरमिं आयवा पेगिड्‍क पीर आसि, वरोर मर्रिन कनांता. ओना पोरोल इम्मानुएल दोस्सानुर.” इत्‍ते, “मनातोनि पेन मंता,” इंचि ई पोरोल्क अर्तम.

लूकाल 24:53

पजा ओर बस्केळक गुळिते जमा आसि पेनदा स्‍तुति कीसेके मनुंदुर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 1:2

आ पोल्‍ले मुन्‍नेटाले पेनतोनि कलियसि मत्‍ता.

योहान 16:28

नना बाबानगटाल इद दुनियाते वातन. इंदके मर्रा इद दुनियातुन होळसि बाबानाहेके होंचंतन,” इंचि येसु वेहतोर.

योहान 17:5

बाबा, दुनिया पुट्‍टका मुन्‍ने नना नीतोनि मननेंके बसोंटा महिमा मत्‍तानो, असोंटा महिमा इंदकेगुडा नी मुन्‍ने हीम.”

योहान 20:28

अस्‍के तोमल, “ना सामि, ना पेनदुना,” इंचि तोमल येसुंक जवाब हीतोर.

योहान 8:58

अस्‍के येसु, “नना निजम-निजम वेहासेक, अब्राहाम मातरल पुट्‍टका मुन्‍नेटाले नना मत्‍तन,” इंचि इत्‍तोर.

रोम सहरतोरहाटीं पौलुसना सिट्‍टि 9:5

एनकटा पेद्‍दाल्क अब्राहाम, इसाक आनि याकोब ईरगुडा ईरोरे आंदुर. अचोने आयका येसु किरिस्‍तुगुडा मनकन रूपमते ईरा वंसंमतेन पुटतोर. अन्‍निन ताकसना अदिकारम मत्‍ता पेने ई येसु किरिस्‍तु आंदुर. अव अन्‍नि बस्‍केळ्‍क ओने तल्‍सकुन्‍निं. आमीन.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

पिलिपिया 2:6

ओर अय्ते कुद्‍दु पेने आंदुर, अयना पेनदालेसीं मनना विचारमगुडा किया हिल्‍लोर.

कुलुसि 1:15

ओर दिस्‍सवसोंटा पेनदा रूपम आंदुर, ओर दुनिया पुट्‍टका मुन्‍नेटाले मत्‍ताहाटीं, दुनियाते पुटतवुने अन्‍निनपोर्रो पेद्‍दोड आंदुर.

कुलुसि 1:17

पुटिस्ता अन्‍निने ओरे मोदाटोर, ओनाहेंदाले अन्‍नि नित्‍तिसि मंतां.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 13:8

येसु किरिस्‍तु मुन्‍ने मत्‍तापे, इंदके आनि बस्‍केळ्‍दाकागुडा मारियाकोंटा उंदेतीर मंतोर.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

1 योहान 5:7

साक्‍सि हिय्यनोर मुव्वुर आंदुर.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 1:17

बस्के अय्ते ओन नना हूळतन, अस्‍के नना हाताप आसि ओना काल्कुनगा अरतन. अस्‍के ओर ओना तिना कयदुन नापोर्रो इरसि, “निमे वेरियमा सुरुव आनि आकिर ननाने आंदुन, नना पिस्सि मंतन.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:8

“ननाने अल्‍पा आनि ओमेगा आंदुन. ननाने मोदाटोन, इंदके मनानोन, मर्रा वायानोन आनि अन्‍निटकन्‍ना सक्‍तिमंतुनगुडा ननाने आंदुन” इंचि पेन इंता.

पेन हुपिस्‍ता पोल्‍लें 19:13

ओर नेत्‍तुरते मुळहाता कपडिं केरसि मत्‍तोर. ओना पोरोल “पेनदा पोल्‍ले” आंद.

पेन हुपिस्‍ता पोल्‍लें 2:8

स्मुरना सहरता कलिसियाता दूताक इल्‍हा रासा. बोर अय्ते मोदोल आनि आकिर आंदुर, बोर अय्ते हासि मर्रा जीवाते तेदतोर ओर बतल इंतोर इत्‍ते,

पेन हुपिस्‍ता पोल्‍लें 21:6

पजा मरुंदि मल्का नाकु इल्‍हा वेहतोर, “इव पोल्‍लें पुरागा आतां. अल्‍पा आनि ओमेगा, मोदोल आनि आकिर ननाने आंदुन. दूपाते मत्‍तोर्कुंक नना पिस्वरता एता ऊटाताल एर पुक्‍कटते हींतन.

पेन हुपिस्‍ता पोल्‍लें 22:13

ननाने अल्‍पा, ननाने ओमेगा आंदुन. ननाने मोदाटोन, ननाने आकिर आंदुन. इंका ननाने सुरुव कियानोन, ननाने महानोन आंदुन.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.