याकोब 5:9 - पवित्र पोल्‍ले

⁹ विस्वासुल्‍कुनिटा! वरोनपोर्रो वरोर चुगलीं वेहमट, अल्हा वेहतिर इत्‍ते मी पोर्रोने दोसेम दोसमळ जर्गंता. हुळाट, न्‍यायम कियानोर गलमातगा नित्‍तिसि मंतोर.

याकोब 5:9 Iomraidhean Croise

मत्‍तयाल 24:33

इल्‍हा इव अन्‍नि गटनां जर्गनद हूळसि, ओर दग्‍गेरा मंतोर, गल्‍मातगेन मंतोर इंचि मिमेट एरपाट कींतिर.

मरकुस 13:29

इल्‍हा इव अन्‍नि गटनां जर्गनद हूळसि ओर दग्‍गेरा मंतोर, गल्‍मातगेन मंतोर इंचि मिमेट एरपाट कींतिर.

मरकुस 6:19

अय्नागानि मोका दोर्कते योहानुन हव्कालय हेरोदियल हूळुंदु, गानि अद हव्का पर्राहिल्‍ले. बारित्‍ते योहान नीतिमंतुड, पवित्र मनकल इंचि हेरोद राजाल वेरियुंदुर. अदुनहाटीं ओर जेलते मननेंके ओन्क बतल आयामन्‍नि इंचि ओन कापाळसि इर्रुंदुर. हेरोद राजाल योहानुना पोल्‍लें केंजसि परेसान आसिगुडा कुसिते केंजुंदुर.

1 कुरेंति 10:11

मना तादो-बाबुर्क जर्गता पोल्‍लें उंदि उदाहरनलेसीं मंचि, मनम आकिर युगमते एवताहाटीं मनाकु तेळियागोम इंचि रासमळ जर्गता.

1 कुरेंति 4:5

अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

2 कुरेंति 9:7

अदुनहाटीं गुल्‍गामन्‍नि, जबरदस्‍ति कियामन्‍नि हरेक मनकल बल्हा हींतन इंचि विचारम कीतोरो, अल्‍हेने हिय्याना. अल्हा आनंदमते हियानोन पेन पावरम कींता.

गलातिया 5:14

बारित्‍ते मूसाना अन्‍नि नियमकु उंदे आदेसते कलियसि मंतां. अद बतल इत्‍ते, “मीवद मिमेट बच्‍चोन पावरम कीकुंतिर, अचोने पावरम इंकावरोनगुडा कीम्‍टु.”

गलातिया 5:26

इंकावरोर होंगुंक वायाकोंटा, गर्रा कियाकोंटा, कळ्‍क पोत्‍तकोंटा मनम मंदकोम.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.

याकोब 4:12

दर्मसास्‍त्रम हियानद आनि न्‍यायम कियानद पेन उंदे आंद. दानके पिसागोटना आनि नासडेम किय्‍याना ताकत मंता, गानि निमे बोन आंदिन पक्‍कातोनपोर्रो तप्पु दोस्सानोन?

याकोब 5:10

विस्वासुल्‍कुनिटा! सामिना पोरोलता बारेमते वेहता पेनदा कबुरतोर तकलिप बोंगाचिगुडा ओप्‍केते मत्‍तुर, मिमेटगुडा ओरालेसीं मंटु.

याकोब 5:7

अदुनहाटीं विस्वासुल्‍कुनिटा! सामि मर्रा वायानादाका ओप्के पीसि मंटु. बल्हा इत्‍ते, वरोर कास्‍तकरि मनकल ओना नेदा पिस्वरता पंटाहाटीं मोदाटा पिर्रु आनि आकिरता पिर्रु वायानादाका ओप्‍केते एदुर हूळांतोर,

1 पत्रु 4:5

गानि हातोरा, पिस्तोरा न्‍यायम कियालय तयार मनना पेनदुक ओरा पिस्वरता लेक्‍का हियापींता.

1 पत्रु 4:9

बतले गुल्‍गाकोंटा वरोंक-वरोर हेडमितोरलेसीं बेस हूळकुंटु.

पेन हुपिस्‍ता पोल्‍लें 3:20

हूळा, नना तल्‍पुनगा नित्‍तिसि तल्‍पुन टोक-टोक तंतस्के; बोर अय्ते ना लेंग केंजसि तल्‍पु तेंडांतोर, नना ओनगा लोप्पो दांतन, होंचि ओनतोनि कलियसि गाटो तिंतन, आनि ओर नातोनि तिंतोर.