याकोब 5:7 - पवित्र पोल्‍ले

⁷ अदुनहाटीं विस्वासुल्‍कुनिटा! सामि मर्रा वायानादाका ओप्के पीसि मंटु. बल्हा इत्‍ते, वरोर कास्‍तकरि मनकल ओना नेदा पिस्वरता पंटाहाटीं मोदाटा पिर्रु आनि आकिरता पिर्रु वायानादाका ओप्‍केते एदुर हूळांतोर,

याकोब 5:7 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मत्‍तयाल 16:28

नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, मनकना रूपमते पुटतोन नाकुन नावा राज्येमते वायनेंके बदवेरदाका अय्ते हूळुर, अदवेरदाका ओर्कु हामुर वायो,” इंचि इत्‍तोर.

मत्‍तयाल 24:27

बारित्‍ते बल्हा अय्ते पोळ्‍द पेयसनाहेके मेर्सते दाना वेलगु पोळ्‍द अर्रानगाह्क दिसंता, मनकना रूपमते पुटतोन नना वायानस्‍केगुडा अल्हे आयार.

मत्‍तयाल 24:44

अल्‍हेने मिमेट इनकुनवा वेलाते मनकना रूपमते पुटतोन नना वांतन. अदुनहाटीं मिमेटगुडा बेस तयारते मंटु.

लूकाल 18:8

नना मीक वेहासेक मंतन, पेन ओरा न्‍यायम बिराना किय्‍यार. अय्नागानि मनकना रूपमते पुटतोन नना मल्सि वातस्के, इद बूमिते विस्वासम होळसाकोंटा पारतना कीसेक मनानोर दोर्कानुरा?” इंचि वेहतोर.

लूकाल 21:27

अस्‍के मनकना रूपमते पुटतोन नना, ताकत आनि पेद्‍दा महिमातोनि, मब्बु तेर्पेनपोर्रो वायानेंके लोकुल्‍क हूळानुर.

लूकाल 8:15

गानि विज्‍जां अरता बेसता जेगातसंटोर बोर इत्‍ते, बोर अय्ते पेनदा पोल्‍लेन सत्‍तेम, बेस मनसुने केंजसि, अव पोल्‍लेन मनसुने इर्रंतुर. पजा ओर्क बच्‍चोन तकलिप वायना गानि ओप्‍केते बेसता कबाह्‍क कींतुर, असंटोर इत्‍ते विज्‍जां अरता बेसता जेगातसंटोर आंदुर,” इंचि इत्‍तोर.

योहान 21:22

अस्‍के येसु, “नना मल्सि मर्रा वायनदाका ओर पिस्सि मनगोम इंचि नाकु इस्‍टमातस्के, ओना बारेमते नीकु बतल गावाले? निमे नावा पज्जो ताका,” इंचि पत्रुंक वेहतोर.

योहान 21:23

दानहेंदाल, आ सिस्युड हायोर इत्‍ता पोल्‍ले, कळमता विस्वासुल्कुना नड्‍डुम पैलांचि होत्‍ता. गानि आ सिस्युड हायोर इंचि येसु इना हिल्‍लोर. ओर सिराप “नना मल्सि मर्रा वायनदाका ओर पिस्सि मनगोम इंचि नाकु इस्‍टमातस्के, ओना बारेमते नीकु बतल गावाले?” इंचि इत्‍तोर.

रोम सहरतोरहाटीं पौलुसना सिट्‍टि 15:4

दर्मसास्‍त्रमते मुन्‍नेटाले रासि मत्‍तद उंदि-उंदि पोल्‍ले मनाकु कराहनाहाटींगे मंता. अदुन करियते मनम ओप्के पीसि दैरनेमते पिस्‍सा परांतोम इत्‍ता आसे दोर्कंता.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

1 कुरेंति 1:7

अदुनहाटीं मिमेट पेनदा बद्‍दे आत्माता वरमते तक्‍को हिल्‍लिर, मिमेट मना सामि येसु किरिस्‍तु मर्रा वायानद एदुर हूळसेक मंतिर.

गलातिया 5:5

बारित्‍ते मनम विस्वासमताहेंदाल पेनदा मुन्‍ने नीतिमंतुल्क आतोम इंचि आसे इरतोम. अदे आसेताहाटीं आत्मा बलमते दाना एदुर हूळसेक मंतोम.

गलातिया 6:9

मनम उंदेतीर बेसता कबळ कीते, पेन निरनायम कीता वेला एवतस्‍के मनाकु दाना पाय्दा दोर्कंता. अदुनहाटीं मनम नेरबळाकोंटा बेस कबळ कियाना.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 2:19

मावा आसे आयि, मावा कुसि आयि, मना येसु सामि मर्रा वायानस्के ओना मुन्‍ने मावा पेद्‍दातनमता किरिटम आयि! बतल आंद? मिमेट आयिरा?

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

इब्रि 6:15

इल्‍हा अब्राहाम वेल्‍ले ओप्‍केते एदुर हूळतोर इंचि पेन ओन्क हींतन इंचि पोल्‍ले हीतद ओन्क दोर्कुता.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.

याकोब 5:10

विस्वासुल्‍कुनिटा! सामिना पोरोलता बारेमते वेहता पेनदा कबुरतोर तकलिप बोंगाचिगुडा ओप्‍केते मत्‍तुर, मिमेटगुडा ओरालेसीं मंटु.

याकोब 5:3

मीवा बंगारम, एंडि सिलुम पींता. अद सिलुम मीक अड्‍डम गवाइ वेहचि, तळमितालेसीं मीवा मेंदुल्तुन नासडेम कींता. मिमेट ई आकिर युगमतेगुडा दनम जमा कीसेक मंतिर.

2 पत्रु 3:4

इंका ओर वासि, “ओर मर्रा वांतोर इंचि हीता पोल्‍ले बतल आता? मावा एनकटा पेद्‍दाल्क अय्ते हासोत्‍तुर, दुनिया पुटतस्केटाल अन्‍नि पोल्‍लें बल्हा मत्‍तव अल्हे मंतां,” इंचि मीकुन पूसकींतुर.