याकोब 4:5 - पवित्र पोल्‍ले

⁵ दर्मसास्‍त्रमते वेहता पोल्‍लें एर्तमे इंचि मिमेट इनकुंचंतिरा? बद पवित्र आत्मातुन अय्ते पेन मनालोप्‍पो इरता, अद मना नुकसान आयगोम इंचि कोरंतना?

याकोब 4:5 Iomraidhean Croise

योहान 10:35

दर्मसास्‍त्रम बस्‍केने तप्पु वेहो. ओक्‍कला, पेन दाना पोल्‍ले, बोर्क-बोर्क अय्ते दोर्कतनो, ओर्कुन पेनकु इंचि इत्‍तय्ते, नाकुन बाबाल पेरसि इद दुनियाते लोहचीतस्के, ‘नना पेनदा मर्रिन’ इल्‍हा इंचि इत्‍ते, नना पेनदा अपमानम कीतन इंचि मिमेट बल्हा इंतिर?

योहान 7:42

‘किरिस्‍तु दाविद राजाना वंसंमते पुट्‍सि, दाविद राजाल पुटता बेतलहेम नाटेनाले वांतोर,’ इंचि दर्मसास्‍त्रमते रासि हिल्‍लेना!” इंचि इत्‍तुर.

प्रेरितुल्‍कुना कबाह्‍क 7:9

“याकोबुना मर्कु ओराव्टेटाल योसेप इनानोन पोर्रो अळूंदुर. अदुनहाटीं ओर ओन इजिप्‍त देसेमते गुलामगिरि कियालय अमतुर, गानि ओना पेन ओन्क सायता मत्‍ता.

रोम सहरतोरहाटीं पौलुसना सिट्‍टि 1:29

ओरा लोप्पो अन्‍नि तीरकुना कराब कबाह्‍क, पगा, आस्‍ति, सीडातनम निंडिस होत्‍ता. चुगलीं कियमळ, कळ्‍क पोतमळ, हव्‍कमळ, जगडाल्‍क कियमळ, विरोद कियमळ, नळेह कियमळ इसोंटा गुनम निंडिस ओर इंकावरोना बारेमते कराब विचारम कियानोर आतुर.

रोम सहरतोरहाटीं पौलुसना सिट्‍टि 9:17

पेन पिरोन राजानतोनि इत्‍ता पोल्‍ले दर्मसास्‍त्रमते इल्‍हा रासि मंता: “नावा ताकततुन नीवाहेंदाल हुप्‍संतन अस्‍के नावा पोरोल पूरा दुनियामेळ तेळियसि होन्‍नार. इदुनहाटींगे नना नीकुन राजाल इंचि निलाहतन.”

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

गलातिया 3:8

यहुदि आयवोर अंटोर्कुन पेन ओरा विस्वासमतुन हूळसि नीतिमंतुल्क कींता इंचि दर्मसास्‍त्रमते रासि मंता. इदुना बारेमते पेन अब्राहामुंक, “अन्‍नि जातिनोर्कुंक नीवाहेंदाले आसिर्वाद दोर्कंता,” इंचि मुन्‍नेन वेहचि मत्‍ता.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.