याकोब 4:4 - पवित्र पोल्‍ले

⁴ विस्वासम हिल्वोरिटा! दुनियातोनि दंटा कियमळ इत्‍ते पेनदुक पगा आयमळ इद मीक तेळियोना? अदुनहाटीं बोर अय्ते दुनियातोनि दंटा कींतोर, ओर पेनदुक पगातोर आंतोर.

याकोब 4:4 Iomraidhean Croise

मत्‍तयाल 12:39

अस्‍के येसु ओर्कुन इल्‍हा इत्‍तोर, “सेड्‍डोर्क आनि बोगमतनम कियाना पीळिता लोकुल्‍क, चिन्‍ह हुप्‍सा इंतुर. गानि योनाल इनना पेनदा कबुरतोना चिन्‍ह तप्‍पा ओर्कु इंकुंदि चिन्‍ह हुपिच्‍मळ जर्गो.

मत्‍तयाल 16:4

सेड्‍डोर्क आनि बोगमतनम कियाना पीळिता लोकुल्‍क चिन्‍ह हुप्‍सा इंतुर. गानि योनाल इनना पेनदा कबुरतोना चिन्‍ह तप्‍पा ओर्कु इंकुंदि चिन्‍ह हुपिच्‍मळ जर्गो,” इंचि इत्‍तोर. आनि ओर्कुन होळसि होत्‍तोर.

मत्‍तयाल 6:24

अल्हेन वरोर मनकल इव्वुर मालकुल्कुनगा सेवा किया पर्रोर. अल्हा सेवा कीते ओर वरोन बेस पावरम कींतोर, इंकावरोन हयसोर. हिलाकोंटे वरोना पोल्‍ले बेस केंजंतोर इंकावरोना पोल्‍ले बारे केंजोर. इंचि मिमेट पेनदुन आनि दनमतुन उंदे मल्का सेवा किया पर्रिर.

लूकाल 19:27

गानि, ‘ईर राज्येम कियामन्‍नि,’ बोर पगातोर अय्ते इत्‍तुरो, ओर्कुन नावा मुन्‍ने तच्‍चि हव्कट, इंचि मालक इत्‍तोर,” इल्‍हा वेहचि येसु वेसुडितुन महतोर.

योहान 15:19

मिमेट दुनियातोर्क नच्‍चताप मनानय्ते, ओर मीकुन पावरम कीसि मन्‍नेर. गानि मिमेट दुनियातोर्क नच्‍चताप मंचेके हिल्‍लिर. नना मीकुन इद दुनियाताल पेरतन. अदुनहाटीं दुनियातोर मीकुन हय्सुर.

योहान 17:14

नीवा पोल्‍ले नना ईरकु वेहतन. नना इद दुनियातोन आयोन. अल्हेन ईरगुडा इद दुनियातोर आयुर. अदुनहाटीं ई दुनियातोर ईरकुन हय्सेक हिल्‍लुर.

योहान 7:7

दुनियातोर मीकुन हय्साकोंटा मना परुर. गानि नना दुनियातोरा कबाह्‍क बेसतव आयों इंचि दुनियातोरा विरोदमते गवाइ हींतन, अदुनहाटीं नाकुन दुनियातोर हय्सुर.

रोम सहरतोरहाटीं पौलुसना सिट्‍टि 5:10

उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

रोम सहरतोरहाटीं पौलुसना सिट्‍टि 8:7

बल्हा इत्‍ते, पापि गुनमता मनकल पेनदुक पगातोर आंदुर. इसोंटा मनकल पेनदा नियमते ताका हिल्‍लोर, आनि ताकोरगुडा.

1 कुरेंति 1:20

अय्ते, बगा मंतोर तेल्विगल्‍लोड? बगा मंतुर दर्मसास्‍त्रम कराहना गुरुल्क? ई दुनियाता वाद-विवाद कियानोर बगा मंतुर? इद दुनियातोरा तेल्वि पेनदा मुन्‍ने मुर्कतनम आंद.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

गलातिया 1:10

अय्ते नना इंदके लोकुल्‍क नाकुन मेच्‍चुकुनगोम इंचि हूळसंतना मरि पेनदा आसिर्वाद दोर्कगोम इंचि हूळसंतना? हिलाकोंटे लोकुल्‍कुन कूस कियानसंटोना? ओक्‍कला नना लोकुल्‍कुन कूस कियानसंटोन आसि मत्‍ते किरिस्‍तुना सेवाकुन आयाकोन्‍नेन.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.