याकोब 3:6 - पवित्र पोल्‍ले

⁶ मना नाल्केगुडा तळमितालेसीं मंता. दानगा अन्‍नि कराब पोल्‍लें निंडसि मंतां. अद मना मेंदुल्ते मंचि पूरा मेंदुल्तुन बदनाम कीसि मना पिस्वरते तडमि दोसंता. अद तडमि नरकमताल वांता.

याकोब 3:6 Iomraidhean Croise

मत्‍तयाल 12:24

गानि अगा मत्‍ता परिसिल्क दीन केंजसि, “ईर अय्ते बेलजेबुल इनना देय्याल्कुना मुक्‍यना बलमते देय्याल्क तेंडांतोर” इंचि इत्‍तुर.

मत्‍तयाल 5:22

गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्‍सालायक आंतोर. अल्‍हेने बोर अय्ते ओना दंटातोना अपमानम कींतोर, ओर पेद्‍दाल्कुना कोरटता सिक्‍सालायक आंतोर. बोरन्‍ना अरे मुर्का इनानय्ते ओन्क देय्याल्क मनना अग्नि गुंडमता सिक्‍सा आयार.

मरकुस 7:15

“पलाताल मनकना पीटे होनानव ओन हेळ्‍हों, गानि मनकना तोळ्‍दाल पलाते पेय्‍सना पोल्‍लेंगे ओन हेळ्‍हंतां,” इंचि वेहतोर. बोर्कु केंजालय केव्क मंतां ओर केंजट.

लूकाल 16:24

अस्‍के ओर अब्राहामुन जोरसे केय्‍सि, “मावा एनकटा मातिर दादा, नावापोर्रो दया कीसि लाजरुन नावाहेके लोहचीम. नना तडमिते तनलाळसेक मंतन. ओर वासि ओना वेल्‍दुन एते मुळाहचि नावा नाल्केतुन सल्‍लागा कियिरकांटी,” इंचि इत्‍तोर.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

प्रेरितुल्‍कुना कबाह्‍क 5:3

अदुन हूळसि पत्रु, “हनन्या! निमे बूमि अमता कोत्‍तानाल इच्‍चुं कोत्‍तां इरकुत्‍तिन. अय्ते पवित्र आत्मातोनि आबद्‍दम वळकालय नीवा मनसुने देय्यम बारि होळियता?

प्रेरितुल्‍कुना कबाह्‍क 6:13

अय्ते आ पंचादिते लंचम तित्‍ता गवाइदार्क निलसि, “ई मनकल पवित्रमाता जेगा इत्‍ते गुळिता बारेमते इंका मूसाल वेहता नियमता बारेमते तप्‍पुड पोल्‍लें बस्‍केळ्‍क वळ्कसेक मनांतोर.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

याकोब 2:7

किरिस्‍तुना कदर हियना पोरोल मीक दोर्कता, अद पोरोलतुनगुडा अपमानम कियानुर ईरे दनवंतुल्‍क गदा?

याकोब 3:7

बारित्‍ते अन्‍नि तीरकुना केडा जिवरासीं, पिट्‍टें, पुळकु आनि समुद्रमते मंदना जिवरासिन मनकल ओना कय्‍दे कीकुन्‍ना परांतोर, कीकुत्‍तोरगुडा.

2 पत्रु 3:3

आकिर रोजकुने मीकुन कारेड्‍डाल्‍क कियानोर वायानुर, वासि ओर ओरा कराब इच्‍चाना परकारम ताकानुर, इद पोल्‍ले मीक मुन्‍ने तेळियमळ गावाले.

3 योहान 1:10

अचोने आयका, कलिसियाते पूनें वायाना विस्‍वासुल्‍कुन ओर अय्ते बेस हूळोर आनि हूळकुंतोम इनानोर्कुनगुडा बेस हूळा हिय्योर. इंका बोर अय्ते बेस हूळकुंतुरो ओर्कुन कलिसियाताल पलाते पेच्‍हांतोर. मावा बारेमते कराब-कराब पोल्‍लें वळ्कंतोर, अदुनहाटीं नना बस्के अय्ते वांतन, अस्‍के ओना बारेमते कलिसियाते अंटोर्क वेहांतन.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 18:23

इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.