याकोब 3:2 - पवित्र पोल्‍ले

² मनम अंटोरम बच्‍चुंगो तप्पुक कींतोम, गानि बोर अय्ते वळ्कानेंके उंदिगुडा तप्पु किय्योर, ओर अन्‍नि गुनाल्‍कुने पूरा मत्‍ता मनकल आंदुर आनि ओर ओना मेंदुलतुनगुडा पग्‍गमते दोहताप ईरा परांतोर.

याकोब 3:2 Iomraidhean Croise

मत्‍तयाल 12:34

ए कट्‍ला तरास पोरिह्कुनसंटोरिटा, मिमेट कराबतोर आसि, मीवा तोळ्‍दाल बेसतां पोल्‍लें बल्हा पेय्‍सनुं? बारित्‍ते मनसुने मनना पोल्‍लेंगे तोळ्‍दाल पलाते पेय्‍संतां.

मत्‍तयाल 12:37

मी पोल्‍लेना पोर्रोटाले मिमेट दोसेम हिल्‍वोरा लेक्‍काते वांतिर, इंका मिमेट वळ्कता पोल्‍लेना पोर्रोटाले मीपोर्रो दोसेम दोसमळ जर्गंता.” इंचि इत्‍तोर.

रोम सहरतोरहाटीं पौलुसना सिट्‍टि 3:10

दर्मसास्‍त्रमतेगुडा इदुना बारेमते इल्‍हा रासि मंता गदा: “बोरे नीतिमंतुड हिल्‍लोर, वरोरगुडा हिल्‍लोर.

रोम सहरतोरहाटीं पौलुसना सिट्‍टि 7:21

अदुनहाटीं नना बस्के अय्ते बेसता कबाह्‍क कियालय हूळंतन, अस्‍के नावा लोप्पो मनना कराब गुनाल्‍क अल्हा कियालय नाकुन आपंतां.

1 कुरेंति 9:27

नना ना मेंदुल्तुन आपकुंचि इरंतन. नना वेरेतोर्कुंक बेसता कबुर वेहचि, नावा लोप्पेने तक्‍को मत्‍ते नना बाता कबळतोन आयोन.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

गलातिया 5:17

बल्हा इत्‍ते, मनकना पापि विचाराल्क, पेनदा आत्माता विचाराल्कुंक अड्‍डम मनंतां अल्हेन पेनदा आत्माता विचाराल्क मनकना पापि विचाराल्कुंक अड्‍डम मनंतां. इव रोंडुना विचाराल्क बस्‍केने कलियों. अदुनहाटीं मिमेट बतल अय्ते कींतोम इंतिर, अद किया परिर.

कुलुसि 1:28

हरेक मनकन किरिस्‍तुनलोप्‍पो पूरा कीसि पेनदा मुन्‍ने निल्‍हागोम इंचि, मोमोट किरिस्‍तुना बारेमते हरेक मनकंक कडकते वेहांतोम, हरेक मनकंक पूरा तेल्‍विते करहंतोम.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

याकोब 1:26

बोरन्‍नागिंटा ओनद-ओर बक्‍तुन इनकुंतोर गानि ओना नाल्केतुन आपकुन्‍नोर, अय्ते ओर, ओनद-ओरे पसांचकुंचेके मंतोर. ओना बक्‍ति एर्तमे आंदु.

याकोब 1:4

मिमेट ओप्केतुन दाना कबळ पूरा किया हीम्टु, अस्‍के मिमेट विस्वासमते गट्‍टिगा, पुरागा आनि बवे पोल्‍लेने बतले तक्‍को हिलाकोंटा आंतिट.

याकोब 2:10

बारित्‍ते बोरे आयिर दर्मसास्‍त्रमतव अन्‍नि पोल्‍लेन पालन कीसिगुडा उंदि पोल्‍ले तपते, ओर अन्‍नि पोल्‍लेने दोसि आंतोर.

1 पत्रु 3:10

दर्मसास्‍त्रम वेहाताप, “बोर अय्ते पिस्वरतुन मेच्‍कुंचि, बेसता रोजकु हूळंतन इंतोर, ओर ओना नाल्केताल कराब पोल्‍लें, ओना पेद्‍विनाल आबद्‍दम पोल्‍लें वळ्‍कमळ आपापींता.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.