याकोब 3:1 - पवित्र पोल्‍ले

¹ नावा विस्वासुल्‍कुनिटा! मिहागटाल वेल्‍लेटुर कराहनोर आयमटु, बारित्‍ते मनम कराहनोर्कुंक वेल्‍ले गट्‍टिगा न्‍यायम जर्गंता इंचि मीक एरपाटे मंता.

याकोब 3:1 Iomraidhean Croise

मत्‍तयाल 10:24

गुरुंकन्‍ना सिस्युड पेद्‍दोड आयोर, अल्‍हेने मालकुंकन्‍ना जीतागाड पेद्‍दोड आयोर.

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

मत्‍तयाल 23:14

अरे डोंगि दर्मसास्‍त्रम कराहना गुरुल्क आनि परिसिल्कुनिटा, मीकु गोसा तप्‍पो. मुंडामोस्ता मुर्ताह्‍कुन मुळाहंतिर. अल्‍हेने लोकुल्‍कुंक हुप्‍सालय वेल्‍लेनजेम पारतना कींतिर. मिमेट डोंगिर्क आंदिर! मीकु पेन एक्‍को सिक्‍सा हिय्यार.

मत्‍तयाल 9:11

अदुन हूळसि, “मी गुरु कर वसुल कियानोरतोनि आनि पापि लोकुल्‍कुनतोनि गाटो बारि तिंतोर?” इंचि परिसिल्क ओना सिस्युल्कुन पूसकीतुर.

लूकाल 16:2

अस्‍के सिरमंत मनकल दिवांजिन केय्‍सि, ‘नीवा बारेमते इल्‍हा बारि केंजसेक मंतन? इंदके नीकुन दिवांजि कबळते ईरा पर्रोन, निमे इच्‍चुं रोजुक कीता कबाटद पूरा इसाब हीम,’ इत्‍तोर.

लूकाल 6:37

“मिमेट वेरेतोरपोर्रो दोसेम दोसमट, अस्‍के मीपोर्रोगुडा पेन दोसेम दोस्‍सो. मिमेट वेरेतोर्कुन, ‘दोसिल्‍क,’ इंचि इनमटु, अस्‍के पेन मीकुनगुडा ‘दोसिल्‍क,’ इंचि इन्‍नो. मिमेट वेरेतोर्कुन मापि कीम्‍टु, अस्‍के मीकुनगुडा पेन मापि किय्‍यार.

योहान 3:10

अस्‍के येसु ओन्क इल्‍हा जवाब हीतोर, “निमे अय्ते इस्राएल लोकुल्‍कुंक कराहना पेद्‍दा गुरुन आंदिन. अयना इव पोल्‍लें नीकु तेळियोंगां?

प्रेरितुल्‍कुना कबाह्‍क 13:1

अंताकिया सहरता कलिसियातोरव्टे इच्‍चुर पेनदा कबुरतोर आनि कराहनोर मत्‍तुर. ओर बोर इत्‍ते, बरनाबास, सिमोन ईन निगर (इत्‍ते कर्रेटोर) गुडा इनुंदुर, कुरेनि सहरता लुकियुस, साऊल, गालिल एरियाता राजाल हेरोद अंतिपासुनतोनि बेर्सता मनाहेम ईर आंदुर.

1 कुरेंति 12:28

कलिसियाता लोप्पो पेन मोदाला प्रेरितुल्कुन, ओरा पज्जो पेनदा कबुरतोर्कुन, ओरा पज्जो पेनदा पोल्‍लें कराहनोर्कुन, ओरा पज्जो अद्‍बूतामाता कबाह्‍क कियानोर्कुन, ओरा पज्जो बिमार्कुन बेस कियानोर्कुन, ओरा पज्जो सहायम कियानोर्कुन, राज्येम ताकसानोर्कुन आनि वेरे-वेरे बासां वळ्कानोर्कुन निलाहता.

2 कुरेंति 5:10

बारित्‍ते मनक अंटोर्क किरिस्‍तुना न्‍यायम कियाना राजगद्‍दे मुन्‍ने नित्‍ताना मंता. मनागटाल हरेक मनकंक मनम कीता बेसता कबाह्‍क आयि, कराब कबाह्‍क आयि अवुना हिसाबते इनाम हिलाकोंटे सिक्‍सा दोर्कंता.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

1 तिमोति 1:7

ओर वेहना पोल्‍लेना अर्तम बतलो ओर्के तेळियाकोन्‍ना, गट्‍टि विस्वासमते ओर, मूसाना नियमाल्कुना गुरुल्क आयाना इनकुंचंतुर.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

2 तिमोति 1:11

इदे बेसता कबुरतुन प्रचार कियनाहाटीं प्रेरित अल्हेन कराहनोर इंचि नाकुन निलाहमळ जर्गता.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

याकोब 1:16

नावा पावरमगल्‍ला विस्वासुल्‍कुनिटा! मिमेट पसांचकुनमट.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.

याकोब 3:10

उंदे तोळ्‍दाल आसिर्वाद, सापनेम रोंडु पेय्‍संतां, नावा विस्वासुल्‍कुनिटा, इल्‍हा आयामन्‍नि.

1 पत्रु 5:3

मीकु अप्पजेपता मंदापोर्रो अदिकारम हूप्‍साकोंटा, ओरा मुन्‍ने उंदि उदाहरनलेसीं मंटु.