याकोब 2:5 - पवित्र पोल्‍ले

⁵ नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

याकोब 2:5 Iomraidhean Croise

मत्‍तयाल 11:5

गुड्‍डोर्क हूळसंतुर, कुंटोर्क ताकसंतुर, कुस्‍टरोगम आतोर बेस आसंतुर, सेव्टोर्क केंजसंतुर, हातोर्कुंक जीवां अरसंतां आनि गरिबोर्कुंक बारे बेसता कबुर एवसंता.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मत्‍तयाल 5:3

“बोर अय्ते आत्माताल गरिब मंतुर पेन ओर्के आसिर्वाद हींता, स्वर्ग राज्येम ओरदे आंद.

मरकुस 7:14

मरुंदि मल्का येसु लोकुल्‍कुन दग्गेर्क केय्‍सि, “मिमेट अंटोर नना वेहानद केंजट आनि अर्तम कीकुंटु,” इंचि वेहालय सुरुव कीतोर.

लूकाल 12:21

बच्‍चोर पेद्‍दा सिरमंत मनकल अयना ओर पेनदा मुन्‍ने सिरमंतुड आयोर, बारित्‍ते ओर ओनाहाटींगें आस्‍ति जमा कींतोर इंचि. ई वेसुडिते ई मनकना गति गुडा अल्हेन आता.”

लूकाल 12:32

“अरे नावा सिस्युल्कुनिटा, ‘मीवा पेनबाबाल ओना राज्येमतुन मीकु हियालय वेल्‍लेन कुसिते तयार मंतोर. अदुनहाटीं मोमोट वेल्‍ले मंदि हिल्‍लोम’ इंचि वेरियमट.

लूकाल 16:22

उंदि रोज बतल आता इत्‍ते, आ गरिब मनकल हासोत्‍तोर. अस्‍के पेनदा दूतां वासि ओना जीवातुन स्वर्गमते पीसि ओसि, अब्राहामुना पक्‍काते इरतां. कोन्‍नि रोजकुना पजा सिरमंत मनकल इंका हातोर. ओन बोंदा दोसतुर.

लूकाल 16:25

अस्‍के अब्राहाम ओन, “हूळा पेडा, निमे मति कीम, निमे पिस्सि मननेंके नीकु बतल गावाले मत्‍ता अव अन्‍नि दोर्कतां, गानि लाजरुंक मात्रम अव अन्‍नि सुकाल्क दोर्का हिल्‍लें. इंदके इगे ईनकु बतल तकलिप हिल्‍ले गानि निमे मात्रम तडमिते तनलाळसेक मंतिन.

लूकाल 22:29

अदुनहाटीं नावा बाबाल बल्हा नाकु राज्येम कियना अदिकारम हीतोर, अल्हेन ननागुडा मीकु अदिकारम हींतन.

लूकाल 6:20

पजा येसु ओना सिस्युल्कुन हूळसि इल्‍हा इत्‍तोर, “मिमेट बोर अय्ते गरिब मंतिरो, पेन मीकु आसिर्वाद हींता, पेनदा राज्येम मी असंटोरदे आंदु.

योहान 7:48

यहुदि पेद्‍दाल्कुनाल आयि, परिसिल्‍कुनाल आयि, बोर वरोरन्‍ना ओन नम्मुतोर मंतोरा? बोरे हिल्‍लुर.

प्रेरितुल्‍कुना कबाह्‍क 7:2

अस्‍के स्‍टिपन ओर्कु इल्‍हा वेहालय दल्‍गुतोर, “नावा दादालोर आनि बाबानसोंटा पेद्‍दाल्कुनिटा! नना वेहनद केंजट. मना एनकटा पेद्‍दा मनकल अब्राहाम मातरल मेसोपोटामिया देसेमतुन होळसि हारान इनना सहरते हेराका मुन्‍नेन पेन दाना महिमाते ओन्क दिसता.

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

1 कुरेंति 2:9

गानि दर्मसास्‍त्रमते, “कळ्‍कुने बोरे हूळवव, केव्‍कुने बोरे केंजवव, बोरा मनसुने वायवव पोल्‍लें, दानपोर्रो पावरम कियानोराहाटीं पेन तयार कीसि इर्ता,” इंचि रासि मंता.

2 कुरेंति 4:15

पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.

2 कुरेंति 6:10

मोमोट दुक्‍कमतेगुडा बस्‍केळ्‍क आनंदमते मनंतोम, मोमोट गरिब मनिनागानि वेल्‍लेटोर्कुन पेनदा लोप्पो सिरमंतुल्‍क कींतोम. महगा बतल हिलाकोन्‍ना गानि अन्‍नि मत्‍तापे मंतोम.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

2 तेसलोनि 1:5

इद पेनदा सत्‍तेम न्‍यायमता रुजुव आंदु. मिमेट पेनदा राज्येमते होननालायक आयागोम इंचि इवन्‍नि बादां अरसेक मंतिर.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

2 तिमोति 4:18

सामि मनना स्वर्ग राज्येमते नना होनालय, ओर नाकुन हरेक कराब कबाटाल कापाळनुर. ओनके बस्‍केळ्‍ताहाटीं पेद्‍दातनम दोर्कि. आमीन.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 11:26

पेनदाहेंदाल दोर्कना इनामुनाहाटीं ओर उंदितीर एदुर हूळसेक मत्‍तोर. अदुनहाटीं ओर इजिप्‍त देसेमता दनम-संपत्‍तिकन्‍ना, किरिस्‍तुनाहाटीं अपमानम सहन कियमळतुने पेद्‍दा दनम इन्कुत्‍तोर.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

याकोब 1:16

नावा पावरमगल्‍ला विस्वासुल्‍कुनिटा! मिमेट पसांचकुनमट.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.

याकोब 1:9

गरिब विस्वासि, पेन ओनकु हीता पेद्‍दातनमता हेंदाल आनंदमते मंदना.

1 पत्रु 1:4

इंका अद बस्‍केने नासडेम आयवद, तप्पु हिलवद आनि कर्गुवसोंटा वारसान हक्‍क स्वर्गमते मीवाहाटीं इर्सि मंता.

2 पत्रु 1:11

इल्‍हा मिमेट मना सामि, मुक्‍ति हियना येसु किरिस्‍तुना बस्‍केळ्‍क मंदना राज्येमते वेल्‍ले कदरते होळिया परांतिट.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 21:7

गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.

पेन हुपिस्‍ता पोल्‍लें 3:18

अदुनहाटीं, निमे विस्वासम लोप्पो निजम मत्‍ता मनकल आयानाहाटीं नना नीकु उंदि उपायम वेहांतन अद बतल इत्‍ते, तळमिते सुद्‍द कीता बंगारम निमे नहागटाल एता. दानहेंदाल निमे सिरमंतुन आकिन. कुळकें मत्‍तद हूळसि सिग्गु होनामन्‍नि इंचि केर्रालय तेल्‍ला कपडि नहागटाल एता. कळ्‍क बेस दिस्‍सनाहाटीं कळ्‍कुने वाटालय मत्‍तु अस्सा.