याकोब 2:4 - पवित्र पोल्‍ले

⁴ मिमेट मीवा लोप्पेन बेदबाव कीताप आया हिल्‍लिरा? इंका दुस्‍ट विचारमते न्‍यायम कीतोर आया हिल्‍लिरा?

याकोब 2:4 Iomraidhean Croise

लूकाल 18:6

मर्रा सामि इत्‍तोर, “सेड्‍डा मजिस्‍टर बतल इत्‍तोर, अद पोल्‍लेतुन मति कीम्‍टु.

योहान 7:24

मोकोम हूळसि न्‍यायम कियमट, निजम-निजम न्‍यायम कीम्‍टु,” इंचि येसु इत्‍तोर.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.