याकोब 2:16 - पवित्र पोल्‍ले

¹⁶ अस्‍के मिमेट ओर्कुन, “सांतिते होंटु, गरम कपडिं केर्रट, पीरमेड तिंटु,” इंचि इनकिर. गानि ओरा मेंदुल्क अव्‍सरम मत्‍तव ओर्क हिय्यिर, अय्ते दाना बता पाय्दा?

याकोब 2:16 Iomraidhean Croise

मत्‍तयाल 15:32

पजा येसु ओना सिस्युल्कुन दग्गेर्क केय्‍सि, “ईर लोकुल्‍क नहगा मूड रोजकुनाल मंतुर, ईरगा तिनालय बतल हिल्‍ले. ईरकुन उपासम लोहुड बेस आयो. ओक्‍कला अल्हे लोहते कर्वेस्‍सि नड्‍डुम हरदे बगानना कूलाबडनुर. अदुनहाटीं नाकु ई लोकुल्‍कुन हूळसि पापम अनपिच्‍चंता,” इंचि इत्‍तोर.

मत्‍तयाल 25:35

इद राज्येम मीवादे आंदु, बारित्‍ते नना कर्वुने मत्‍तस्के नाकु मिमेट तिनालय हीतिर, नाकु दूपातस्के उनालय एर हीतिर. नना मीकु एरपाट हिलाकुना गानि मीवा लोहकुने मनालय जेगा हीतिर.

मत्‍तयाल 25:36

नाकु केर्रालय कपडिं हिल्वस्के मिमेट नाकु कपडिं हीतिर, नना बिमारते मत्‍तस्के मिमेट नावा सेवा कीतिर. नना जेलने मत्‍तस्के मिमेट नाकु कलियालय वातिर.”

मरकुस 5:34

अस्‍के येसु आ मुर्ताटुन, “पेगिटुना, नीवा विस्वासमे नीकुन बेस कीता. इसोंटा बिमार मर्रा बस्‍केने वायो, सांतिते होन,” इंचि इत्‍तोर.

रोम सहरतोरहाटीं पौलुसना सिट्‍टि 12:9

लोकुल्‍कुंक हुप्‍सना इंचि पावरम कियमट, निजम पावरम कीम्‍टु. तप्पु कबाह्‍कुन हय्समट, बस्‍केळ्‍क बेस कबाह्‍क कीसेक मंटु.

2 कुरेंति 8:8

नना मीक आदेस हीसेक हिल्‍लेन, गानि कळमता विस्वासुल्‍क इद कबळते उसारते मंतुर, ओराच्‍चोन मिमेटगुडा निजम पावरम कीसेक मंतिरा इंचि परिक्‍सा कीसि हूळसेक मंतन.