याकोब 1:4 - पवित्र पोल्‍ले

⁴ मिमेट ओप्केतुन दाना कबळ पूरा किया हीम्टु, अस्‍के मिमेट विस्वासमते गट्‍टिगा, पुरागा आनि बवे पोल्‍लेने बतले तक्‍को हिलाकोंटा आंतिट.

याकोब 1:4 Iomraidhean Croise

मत्‍तयाल 10:22

नावा पोरोलताहेंका अंटोर लोकुल्‍क मीकुन हय्सुर. गानि बोर अय्ते आकिरदाका ओर्सकुंचेके ओप्के पीसि मनंतुर, ओर्के मुक्‍ति दोर्कंता.

मत्‍तयाल 19:20

अस्‍के, “नना अय्ते इव अन्‍नि कीसेकेन वातन, इंका नावा लोप्पो बतल तक्‍को मंता?” इंचि आ लेय्योड येसुन इत्‍तोर.

मत्‍तयाल 5:48

अदुनहाटीं स्वर्गमते मंदना मीवा पेनबाबाल बल्हा पुरागा मंतोर अल्हे मिमेटगुडा मंटु.

मरकुस 10:21

येसु ओनहेके हूळतोर. पावरम अनपिच्‍चि, ओन इल्‍हा इत्‍तोर. “निहगा उंदि पोल्‍ले तक्‍को मंता. होन, निहगा बतल अय्ते मंता अदुन पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

लूकाल 18:22

ओर इत्‍तद केंजसि येसु ओन इल्‍हा इत्‍तोर. “इंदकेगुडा निहगा उंदि पोल्‍ले तक्‍को मंता. निहगा बतल अय्ते मंता, अदुनंता पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

लूकाल 21:19

पेनदापोर्रोटा विस्वासमते आकिरदाका निल्‍सि मत्‍ते, मिमेट मीवा जीवातुन कापाळकुना परांतिर.

लूकाल 8:15

गानि विज्‍जां अरता बेसता जेगातसंटोर बोर इत्‍ते, बोर अय्ते पेनदा पोल्‍लेन सत्‍तेम, बेस मनसुने केंजसि, अव पोल्‍लेन मनसुने इर्रंतुर. पजा ओर्क बच्‍चोन तकलिप वायना गानि ओप्‍केते बेसता कबाह्‍क कींतुर, असंटोर इत्‍ते विज्‍जां अरता बेसता जेगातसंटोर आंदुर,” इंचि इत्‍तोर.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

गलातिया 6:9

मनम उंदेतीर बेसता कबळ कीते, पेन निरनायम कीता वेला एवतस्‍के मनाकु दाना पाय्दा दोर्कंता. अदुनहाटीं मनम नेरबळाकोंटा बेस कबळ कियाना.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 5:23

सांति हियना पेने कुद मीकुन पुरागा पवित्र किय्‍यिकांटी, मावा येसु किरिस्‍तु सामि मर्रा वायानादाका मीवा आत्मातुन, जीवातुन, मेंदुलतुन दोसेम हिलाकोंटा कापाळिकांटी.

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

याकोब 1:5

गानि मीवा लोप्पोटाल बोनकन्‍ना बुद्‍दि तक्‍को मत्‍ते पेनदुन तल्‍कट, अस्‍के पेन हींता. बारित्‍ते अद बतले तप्‍पु दोस्‍साका, तल्कतोर अंटोर्कुंक वेल्‍लेने हींता.

याकोब 3:2

मनम अंटोरम बच्‍चुंगो तप्पुक कींतोम, गानि बोर अय्ते वळ्कानेंके उंदिगुडा तप्पु किय्योर, ओर अन्‍नि गुनाल्‍कुने पूरा मत्‍ता मनकल आंदुर आनि ओर ओना मेंदुलतुनगुडा पग्‍गमते दोहताप ईरा परांतोर.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

2 पत्रु 1:9

गानि बोनगा इव गुनाल्‍क हिल्‍लेंगो ओर गुड्‍डि आंदुर, लक्‍कुटा नदर हिल्वोर आंदुर. ओना पडाना पापाल्कुन पेन नोर्सि ओना सुद्‍दिकरन कीतदगुडा मति मर्गतोर.