याकोब 1:12 - पवित्र पोल्‍ले

¹² बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

याकोब 1:12 Iomraidhean Croise

मत्‍तयाल 10:22

नावा पोरोलताहेंका अंटोर लोकुल्‍क मीकुन हय्सुर. गानि बोर अय्ते आकिरदाका ओर्सकुंचेके ओप्के पीसि मनंतुर, ओर्के मुक्‍ति दोर्कंता.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

लूकाल 6:22

मनकना रूपमते पुटता पेनदा मर्रिना सिस्युल्क आताहाटीं, बस्के अय्ते लोकुल्‍क मीकुन हय्साकोंटा आंतुर, गेदमिसींतुर, अपमानम कींतुर, मिमेट हेळसोत्‍तिर इंचि, मीवा पोरोल एताकोंटा आंतुर, अस्‍के मीकु पेन आसिर्वाद हींता.

रोम सहरतोरहाटीं पौलुसना सिट्‍टि 5:4

इल्‍हा ओप्के पीसि मत्‍ते मनालोप्‍पो बेसता गुनम वांता. बेसता गुनम मनाकु मुक्‍ति हियाना आसे पुट्‍टिचंता.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

1 कुरेंति 2:9

गानि दर्मसास्‍त्रमते, “कळ्‍कुने बोरे हूळवव, केव्‍कुने बोरे केंजवव, बोरा मनसुने वायवव पोल्‍लें, दानपोर्रो पावरम कियानोराहाटीं पेन तयार कीसि इर्ता,” इंचि रासि मंता.

1 कुरेंति 8:3

गानि बोरन्‍नागिंटा पेनदुन पावरम कीते, पेनदुक ओर एरपाटे.

1 कुरेंति 9:25

कर्सानोर अंटोर बेस करियसि ओरद-ओर तयारते मनंतुर, अदगुडा नासडेम आयाना किरिटम दोर्किच्‍कुनालय इवन्‍नि कींतुर. गानि मनम अय्ते बस्‍केने नासडेम आयवा किरिटम दोर्किच्‍कुनालय कींतोम.

2 तिमोति 2:15

बस्‍केने सिग्गु होनाकोंटा, पेनदा पोल्‍लेता सत्‍तेमतुन बरोबर कराहनोनलेसीं पेन निल्‍हाता वरोर सेवाकुड आसि मनालय कोसिस कीम.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 10:32

मिमेट बेसता कबुर केंजसि पेनदा वेलगुन दोर्किच्‍कुत्‍ता आ एनकटा रोजकुन मति कीम्‍टु, अव रोजकुने बच्‍चुंगो तकलिपकु वातां, अयना मिमेट ओर्सकुत्‍तिट.

इब्रि 11:17

विस्वासमहेंदाले, पेन अब्राहामुना पट्‍टु हूळतस्‍के, ओर ओना वरोरे मर्रि इसाकुन मोक्‍कु हियालय तयार आतोर. पेन हींतन इंचि मत्‍ता पोल्‍लेतुन ओर विस्वासम कीसि मत्‍तोर.

इब्रि 12:5

मीकुन अंटोर्कुन मर्क-मियाह्क इन्कुंचि, मीकु दैरनेम हियानाहाटीं पेन मीकु वेहता आ पोल्‍लेतुन पुरागेन मति मरुंग्तिरा? “नावा मर्रिना, पेन हीता टेरनिंगतुन, मामुल पोल्‍ले इनकुन्‍मा. पेन नीकुन सुद्रांचनस्के, निमे दैरनेम होळ्‍समा, बारित्‍ते, पेन बोन अय्ते पावरम कींतानो ओन्क टेरनिंगगुडा हींता. अचोने आयका, अद बोन अय्ते मर्रि इंचि इंतानो, ओन्क सिक्‍सागुडा हींता,” इंचि रासतद मंता.

इब्रि 6:15

इल्‍हा अब्राहाम वेल्‍ले ओप्‍केते एदुर हूळतोर इंचि पेन ओन्क हींतन इंचि पोल्‍ले हीतद ओन्क दोर्कुता.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

याकोब 5:11

हुळाट! बोर अय्ते ओप्के पीसि मत्‍तुर, ओर्कुन आसिर्वाद दोर्कतोर इंतोम. अय्यूब ओप्के पीसि मत्‍ताहेंका ओन्क पेनदाहेंदाल आसिर्वादगुडा दोर्कता इंचि मिमेट केंजतिरे. इदुनहेंदाल पेन एक्‍को जीवा कियानद, दया कियानद आंदु, इंचि तेळियंता.

1 पत्रु 3:14

ओक्‍कला मिमेटगिंटा नीति कबाह्‍क कियानेंके मीक कस्‍टाल्‍क वायिना, पेन मीक आसिर्वाद हिय्यार. ओर वेराहते मिमेट वेरियमट, परेसान आयमट.

1 पत्रु 4:14

मीकुन ओक्‍कला बोरन्‍ना किरिस्‍तुना पोरोलताहेंदाल अपमानम कीते, मिमेट आसिर्वाद दोर्कतोरे आंदिर. बारित्‍ते पेनदा महिमाता आत्मा मीपोर्रो मंता.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 पत्रु 5:4

इल्‍हा मत्‍तिर इत्‍ते अंटोर्कुंकन्‍ना पेद्‍दा कोहानोर किरिस्‍तु वायानुर अस्‍के, बस्‍केने कळियसि होनवसोंटा पेद्‍दातनमता किरिटम मीकु दोर्कार.

1 योहान 4:19

मनम पावरम कींतोम, बारित्‍ते मुन्‍ने मनाकुन पेन पावरम कीता.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 3:19

बोन-बोन अय्ते नना पावरम कींतन, ओनकु गट्‍टिगा वेह्‍चि, सुद्रांचा गोट्‍टंतन. अदुनहाटीं इरगा जोसुने मंचि मनसु मार्सकुन्‍नु.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.