इब्रि 8:3 - पवित्र पोल्‍ले

³ हरेक पेद्‍दा पेर्माना कबळ अय्ते पेनदुक मोक्‍कु हियमळ, दानम वाटमळ आंद. अल्‍हेने मावा पेद्‍दा पेर्मल येसुनगागुडा मोक्‍कु हियालय बतलन्‍ना मनमळ अव्‍सरम मंता.

इब्रि 8:3 Iomraidhean Croise

योहान 6:51

स्वर्गमताल वाता जीवाते मनना तिंडि ननाने आंद. बोर अय्ते ई तिंडितुन तिंतुरो, ओर बस्‍केळ्‍क जीवातेन मनांतोर. ई तिंडि ना मेंदुल आंद, नना इद मेंदुलतुन दुनियातोरा पिस्वरताहाटीं हींतन,” इंचि इत्‍तोर.

रोम सहरतोरहाटीं पौलुसना सिट्‍टि 4:25

मना पापाल्कुनाहाटीं हायालय, पेन येसुन वेरेतोरा कय्‍दे अप्पजेपता, आनि मनम पेनदा मुन्‍ने नीतिमंतुल्क आयालय ओन मर्रा हातोरा लोप्पोटाल जीवाते तेहाता.

रोम सहरतोरहाटीं पौलुसना सिट्‍टि 5:6

बस्के अय्ते मनद मनम पिसागोटकुना पराकोंटा आतोम, असोंटा वेलाते मना पापि लोकुल्‍कुनाहाटीं किरिस्‍तु ओना जीवा हीतोर.

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 3:1

अदुनहाटीं, पवित्र विस्वासुल्‍कुनिटा! मुक्‍तिता पालिगाह्क आयालय पेन मीकुन केयता. येसुन पेन पेद्‍दा पेर्मल आनि प्रेरित आयालय लोहचीता इंचि मनम ओप्कुत्‍तोम, अय्ते ओना बारेमते मिमेट विचारम कीम्‍टु.

इब्रि 5:1

हरेक पेद्‍दा पेर्मन, लोकुल्‍क ओरा लोप्पोटाल पेर्रांतुर. लोकुल्‍कुना पापाल्क मापि आयानाहाटीं लोकुल्‍कुनाहेंदाल ओर पेनदुक मोक्‍कुल्क हिय्यना, सेसां वाटाना कबळ कियालय ओन निलाहंतुर.

इब्रि 7:27

वेरे पेद्‍दा पेर्मालोर मुन्‍नेन सतता पापाल्क मापि आयगोम इंचि मोक्‍कु हीकुंतुर आनि पज्जोटाल वेरे लोकुल्‍कुना पापाल्क मापि आयालय मोक्‍कुल्क हींतुर. इल्‍हा ओर दिन्‍नम कियुंदुर. गानि किरिस्‍तु लोकुल्‍कुना पापाल्क मापि आयानाहाटीं उंदे मल्का ओना मेंदुल्तुन मोक्‍कु हीतोर. अदुनहाटीं ओन्क वेरे पेर्मालोरलेसीं कियाना अव्‍सरम हिल्‍ले.

इब्रि 8:4

मूसाना नियम परकारम दानम वाटानोर बूमिपोर्रो वेल्‍लेन पेर्मालोर मंतुर. अदुनहाटीं येसु बूमिपोर्रो मंचि मत्‍ते, पेर्मलगुडा आयाकोन्‍नेर.

इब्रि 9:14

गानि किरिस्‍तुना नेत्‍तुर, हामुरताहेके ओयाना कबाह्‍क कियाना मना मनसुन अवुंकन्‍ना बच्‍चोर सुद्‍द किय्‍यार! अद बल्हा इत्‍ते, बस्‍केळ्‍क मनना पेनदा पवित्र आत्माता बलमतोनि, बतले दोसेम हिलुवा येसु, पेनदा मुन्‍ने सतागा मोक्‍कु आतोर. बस्‍केळ्‍क जीवाते मंदना पेनदुन मनम मोळ्‍काना इंचि येसु अल्हा कीतोर.