इब्रि 4:3 - पवित्र पोल्‍ले

^3-4 विस्वासम कीतोरम मनम, आ आराम दोर्कना जेगाते तप्‍पाकोंटा होळियंतोम. बारित्‍ते एडोव रोजुना बारेमते इल्‍हा रासतद मंता: “पेन अद कीता अन्‍नि कबाहकुनाल एडोव रोजुननाड आराम कीता,” इंचि रासि मंता. अयना आ जेगातुन तयार कियाना कबळ, पेन दुनियातुन पुटिस्तस्केन पुरागा कीसि इर्ता. बारित्‍ते, विस्वासम इर्रुवोरा बारेमते पेन होंगुने इल्‍हा इत्‍ता: “ओर्कुन आराम दोर्कना जेगाते बस्‍केने होळिया हिय्योन, इंचि ओट्‍टु तिंचि वेहतन.” इल्‍हा इत्‍ता.

इब्रि 4:3 Iomraidhean Croise

मत्‍तयाल 13:35

बारित्‍ते पेनदा कबुरतोराहेंदाल मुन्‍ने वेहचि मत्‍ता पोल्‍ले इंदके निजम आता, अद पोल्‍ले इल्‍हा मंता: “नना नावा तोळ्‍दे वेसुडिं वेहंतन. दुनिया पुट्‍तस्‍केटाल मक्‍सि मत्‍ता पोल्‍लेन नना वळ्‍किसि वेहंतन.”

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इब्रि 3:11

अदुनहाटीं नना होंगुने, ‘ओर्कुन आराम दोर्कना जेगाते बस्‍केने होळिया हिय्योन,’ इंचि ओट्‍टु तिंचि वेहतन.” इंचि इत्‍ता.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

1 पत्रु 1:20

दुनिया पुट्‍टका मुन्‍नेन किरिस्‍तुन पेन पेरता, गानि मीवाहाटीं इव आकिर रोजकुने ई दुनियाते वातोर.