इब्रि 4:2 - पवित्र पोल्‍ले

² बारित्‍ते, ई आराम दोर्कना जेगाता बारेमता बेसता कबुर इस्राएल लोकुल्‍कुंक एवताप मनकगुडा वेहमळ जर्गता. गानि ओर आ कबुरपोर्रो विस्वासम इर्रा हिल्‍लुर, अदुनहाटीं ओर्कु दानद बतले पायदा आयाहिल्‍ले.

इब्रि 4:2 Iomraidhean Croise

प्रेरितुल्‍कुना कबाह्‍क 13:46

गानि पौलुस आनि बरनाबास वेरियाकोंटा, मीकु पेनदा पोल्‍ले मुन्‍नेने वेहना अव्‍सरम मत्‍ता, गानि मिमेट दान हय्सका, बस्‍केळ्‍क पिस्सना पिस्वरकु लक्‍कु आताप हुपिस्‍तिर. अदुनहाटीं इंदके मोमोट यहुदि आयवोरहेके दांतोम.

प्रेरितुल्‍कुना कबाह्‍क 3:26

पेन ओना सेवक येसुन मर्रा जीवा अरहतस्के, मीकुन कराब हरदाल तप्पिचि आसिर्वाद हियनाहाटीं मोदाला मीहेके लोहता,” इत्‍तोर.

रोम सहरतोरहाटीं पौलुसना सिट्‍टि 2:25

मिमेट मूसाना नियम परकारम ताकानय्ते, कतना कीतद मीकु पाय्दा आंता. गानि मिमेटगिंटा मूसाना नियम परकारम ताकाकोंटे मिमेट कतना कीसिगुडा बतल पाय्दा हिल्‍ले.

रोम सहरतोरहाटीं पौलुसना सिट्‍टि 3:3

यहुदिल्कुना लोप्पो पेनदा पोल्‍ले केंजवोर इच्‍चुर मत्‍तुर. ओर अल्हा मत्‍तुर इंचि पेन विस्वासमतद आयो इनकुंचंतिरा?

1 कुरेंति 13:3

नावा पूरा दनमतुन गिंटा गरिबोर्कुंक तूसि हिय्‍यिना, बेसता कबुर वेहनाहाटीं नावा मेंदुल बोळ्‍सालय हिय्‍यिना, नावा लोप्पो पावरम हिलाकोंटे बतल पाय्दा मन्‍नो.

गलातिया 3:2

इंदके मिमेटे वेहाट, मूसाना नियम परकारम ताकताहेंका मीकु पवित्र आत्मा दोर्कतना मरि किरिस्‍तुना बारेमता बेसता कबुरपोर्रो विस्वासम इरताहेंकाना?

गलातिया 3:8

यहुदि आयवोर अंटोर्कुन पेन ओरा विस्वासमतुन हूळसि नीतिमंतुल्क कींता इंचि दर्मसास्‍त्रमते रासि मंता. इदुना बारेमते पेन अब्राहामुंक, “अन्‍नि जातिनोर्कुंक नीवाहेंदाले आसिर्वाद दोर्कंता,” इंचि मुन्‍नेन वेहचि मत्‍ता.

गलातिया 4:13

मुन्‍नेटा मल्का नना वातस्के, ना जीवा बेस मनाहिल्‍ले, अस्‍के मीकु किरिस्‍तुना बेसता कबुर वेहतन. अद मीकु एरपाटे.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

1 तिमोति 4:8

बारित्‍ते मेंदुलताहाटीं कियना टेरनिंगते गोडच्‍चेन पायदा मंता. गानि पेनदा बक्‍ति कीते, अव्टे अन्‍नि तीरकुना पायदा मंता. इंदकेटा पिस्वर आनि मुन्‍नेटा पिस्वरहाटीं पेन हीता पोल्‍ले अव्टे कलियसि मंता.

इब्रि 11:6

विस्वासम हिल्‍वद पेनदुन बोरे कूस किया पर्रुर. पेनदागा वायाना हरेक मनकल, पेन निजमते मंता आनि दान हट्‍टु पीसि पहकानोंक अद बेसता इनाम हींता इंचि विस्वासम किया पींता.

इब्रि 3:12

विस्वासुल्‍कुनिटा, जेगर्ता! जीवाते मंदना पेनदापोर्रोटा विस्वासमताल लक्‍कु कियागोट्‍टनसोंटा कराब, विस्वासम हिलुवा मनसु, मीलोप्‍पो बोरागेन मनानायो.

इब्रि 4:6

दीनकन्‍ना मुन्‍ने मना पेद्‍दाल्क बेसता कबुर परकारम ताकुवाहेंका ओर आराम दोर्कना जेगाते होळिया पर्राहिल्‍लुर. अयना अद आराम दोर्कना जेगाते इच्‍चुर लोकुल्‍क इंदकेगुडा होळियाना मंता.

याकोब 1:21

अदुनहाटीं मीलोप्‍पो मत्‍ता कराब पोल्‍लेन आनि दुस्‍ट मनसुन तेंडसि पोहाचि, पेन मीवा मनसुने हीता बेसता पोल्‍लेतुन मिमेट पेद्‍दातनम हूळाकोंटा पीकुंटु. बारित्‍ते अद मीवा आत्मान पिसागोटनाहाटीं बलमतद आंद.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.