इब्रि 2:9 - पवित्र पोल्‍ले

⁹ अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.

इब्रि 2:9 Iomraidhean Croise

मत्‍तयाल 16:28

नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, मनकना रूपमते पुटतोन नाकुन नावा राज्येमते वायनेंके बदवेरदाका अय्ते हूळुर, अदवेरदाका ओर्कु हामुर वायो,” इंचि इत्‍तोर.

मत्‍तयाल 6:28

मरि मिमेट केर्रना कपडिनहाटीं रंदि बारि कींतिट? केडाते पूयाना आ पूतनहेके हुळट अव बल्हा बेर्ससंतांगो! अव कबळ किय्यों, कपडिं इंका कुट्‍टों.

मरकुस 9:1

मर्रा येसु ओर्कुन इल्‍हा इत्‍तोर. “नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, पेनदा राज्येमतुन दाना ताकततोनि वातद हूळवा, ओर्कु हामुर वायो,” इत्‍तोर.

लूकाल 9:27

गानि, नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, ओर पेनदा राज्येमतुन हूळवा, ओर्कु हामुर वायो.”

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 10:17

नना हासि मर्रा जीवाते तेदंतन इंचि नना नावा जीवा हीसंतन, इदुनहाटींगे नावा बाबाल नाकुन वेल्‍लेन पावरम कींतोर.

योहान 12:32

बस्के अय्ते नाकुन बूमिताल पोर्रोळ्‍क तेहमळ जर्गंतनो, अस्‍के अंटोर्कुन नाहेके इग्कुंतन,” इंचि इत्‍तोर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 8:51

नना निजम-निजम वेहासेक, बोरे आयिर नना कराहता पोल्‍लेनपोर्रो ताकानय्ते, ओर बस्‍केने हामुरतुन हूळोर,” इंचि इत्‍तोर.

योहान 8:52

इदुन केंजसि यहुदिल्क, “नीकु निजमे देय्यम पीता इंचि इंदके माकु एरपाट आता. अब्राहाम आनि पेनदा कबुरतोरगुडा हातुर, आनि निमे, ‘बोर आयिर, नना वेहता पोल्‍लेनपोर्रो ताकानय्ते, ओर बस्‍केने हामुरतुन हूळोर’ इंचि वेहांतिन.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

प्रेरितुल्‍कुना कबाह्‍क 3:13

अब्राहाम, इसाक आनि याकोबुना पेन, इत्‍ते मना एनकाटोरा पेन, दाना सेवक येसुंक कदर हीता. गानि मिमेट ओन दोर्कापीसि हव्कालय हीतिर. अयना पिलातुस ओन होळसियाना विचारम कीतस्‍के मिमेट ओन होळसियामन्‍नि इत्‍तिर.

रोम सहरतोरहाटीं पौलुसना सिट्‍टि 5:18

इल्‍हा आदाम कीता पापमताहेंदाल अंटोर लोकुल्‍कुंक सिक्‍सा दोर्कता. अल्‍हेने इंकावरोर इत्‍ते येसु किरिस्‍तु कीता बेस कबाटाहेंदाल, पेन अंटोर्क नीतिमंतुल्क आयालय उंदि हर्रि तयार कीसि ओर्क बस्‍केळ्‍क पिस्सना पिस्वर हीता.

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

2 कुरेंति 5:15

अद बल्हा इत्‍ते, इंदकेटाल पूना पिस्वर पिसानोर ओर सतताहाटीं आयो गानि ओराहाटीं बोर अय्ते हासि जीवाते तेदतोर ओनाहाटीं पिसागोम, अदुनहाटींगे ओर अंटोराहाटीं हातोर.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

1 तिमोति 2:6

अंटोर लोकुल्‍कुंक मुक्‍ति अस्सि हियनाहाटीं ओर सततुन कुदुवा इरसि ओनद ओर अप्पजेपकुत्‍तोर. मंचि वेलापोर्रो ओना गवाइ हीतोर.

इब्रि 1:9

सत्‍तेमतुन निमे पावरम कीतिन, सत्‍तेम हिलुवादान निमे हय्सिन. अदुनहाटींगे नना, नीवा पेनबाबन, नीवा दंटातोरा लोप्पोटाल नीकुन पेरसि, वेल्‍ले आनंदमता निय होक्‍सि नीवा अबिसेकम कीतन,” इंचि पेन इत्‍ता.

इब्रि 10:5

अदुनहाटींगे, किरिस्‍तु इद दुनियाते वातस्के पेनतोनि इल्‍हा इत्‍तोर: “निमे मोक्‍कुल्क आयि, दानाल्‍क आयिं कोराहिल्‍लिन, गानि नाहाटीं उंदि मेंदुल तयार कीतिन.

इब्रि 11:5

विस्वासमहेंदाले हानोकुंक हामुर वायाका मुन्‍नेन, उंदि रोज ओर गायप आतोर. बारित्‍ते पेन ओन तेहाकुंचि ओता. अदुनहाटीं ओना जाळा बोनके दोर्काहिल्‍ले. पेन ओन स्वर्गमते ओयाका मुन्‍ने ओर पेनदुन कूस कीतोर इंचि ओना बारेमते दर्मसास्‍त्रमते रासतद मंता.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 2:7

निमे ओन पेनदा दूतांकन्‍ना गिचचो सिन्‍नगा कीतिन, गानि निमे ओन्क पेद्‍दातनम आनि कदरता किरिटम हीसि, निमे नीवा कय्‍दा कबाह्कुनपोर्रो ओन्क अदिकारम हीतिन,

इब्रि 7:25

अदुनहाटीं येसु, ओनाहेंदाल बोर अय्ते पेनदागा वांतुरो, ओराहाटीं विनंति कियालय ओर बस्‍केळ्‍क जीवातेन मनंतोर. इल्‍हा येसु माकुन पुरागा पिसागोटा पर्रांतोर.

इब्रि 8:3

हरेक पेद्‍दा पेर्माना कबळ अय्ते पेनदुक मोक्‍कु हियमळ, दानम वाटमळ आंद. अल्‍हेने मावा पेद्‍दा पेर्मल येसुनगागुडा मोक्‍कु हियालय बतलन्‍ना मनमळ अव्‍सरम मंता.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

पेन हुपिस्‍ता पोल्‍लें 19:12

ओना कळ्‍क पोत्‍तना तळमितालेसीं मंतां, ओना तल्‍लापोर्रो वेल्‍लेन किरिटाल्कु मत्‍तां. ओनापोर्रो उंदि पोरोलगुडा रासि मंता, आ पोरोलता अर्तम ओन्क तप्‍पा बोर्के तेळियो

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”