इब्रि 1:9 - पवित्र पोल्‍ले

⁹ सत्‍तेमतुन निमे पावरम कीतिन, सत्‍तेम हिलुवादान निमे हय्सिन. अदुनहाटींगे नना, नीवा पेनबाबन, नीवा दंटातोरा लोप्पोटाल नीकुन पेरसि, वेल्‍ले आनंदमता निय होक्‍सि नीवा अबिसेकम कीतन,” इंचि पेन इत्‍ता.

इब्रि 1:9 Iomraidhean Croise

लूकाल 4:18

“पेनदा पवित्र सेवक इल्‍हा वेहचंतोर, पेनदा आत्मा नावापोर्रो वाता. गरिबोर्कुंक बेसता कबुर वेहालय, पेन नाकुन अबिसेकम कीता. दोहचि वाटसि ओतोर्कुन, पेन होळसीता इंचि वेहालय, गुड्‍डोर्कुन, मिमेट हूळंतिर इंचि वेहालय, तकलिपते मनानोर्कुन, तकलिपताल तेंडालय,

योहान 1:41

आंद्रेयल अगटाल सवरगा ओना दादल सिमोन पत्रुंक होंचि कलियतोर. कलियसि, “दादा मोमोट मेसय्यांक इत्‍ते किरिस्‍तुंक कलियतोम,” इंचि इत्‍तोर.

योहान 10:17

नना हासि मर्रा जीवाते तेदंतन इंचि नना नावा जीवा हीसंतन, इदुनहाटींगे नावा बाबाल नाकुन वेल्‍लेन पावरम कींतोर.

योहान 20:17

अस्‍के येसु, “इदवेरदाका नना बाबानगा होना हिल्‍लेन. निमे नाकुन इट्‍टुमा, गानि नावा तम्मुह्कुनगा होंचि इल्‍हा वेहा: नना नावा बाबाल आनि मीवा बाबाल, इंका नावा पेन आनि मीवा पेनदागा पोर्रो होंचंतन, इंचि ओर्क वेहा,” इंचि दानकु वेहतोर.

योहान 3:34

बोन अय्ते पेन लोहचीता, ओन पेन दाना आत्माते पुरागा निहता. अदुनहाटीं ओर सिराप पेनदा पोल्‍लेंगें वेहांतोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 4:26

ई बूमिपोर्रोटा राजालोर पेनदुक अड्‍डम लडाइहाटीं तयार आतुर. राज्येम कियानोर अंटोर उंदि आसि, पेनदुक आनि दाना किरिस्‍तुंक अड्‍डम, आतुर.”

प्रेरितुल्‍कुना कबाह्‍क 4:27

“निजमे, निमे पेरकुंचि लोहचीता नीवा पवित्र सेवक येसुना विरोदमते हेरोद आनि पुंतुस पिलातुसगुडा वेरे जातितोरतोनि, इस्राएल लोकुल्‍कुनतोनि कलियसि उंदि आतुर.

रोम सहरतोरहाटीं पौलुसना सिट्‍टि 12:9

लोकुल्‍कुंक हुप्‍सना इंचि पावरम कियमट, निजम पावरम कीम्‍टु. तप्पु कबाह्‍कुन हय्समट, बस्‍केळ्‍क बेस कबाह्‍क कीसेक मंटु.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

1 कुरेंति 1:9

पेन विस्वासम लायकतद आंद. अद दाना मर्रि मना सामि येसु किरिस्‍तुनतोनि कूळसि मनालय मीकुन केयता.

2 कुरेंति 11:31

नना वळ्‍कानद आबद्‍दम आयो इंचि सामि येसुना पेनबाबांक एरपाटे मंता. ओन्क बस्‍केळ्‍क दन्यवाद आयि.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 1:3

मना सामि येसु किरिस्‍तुना पेनबाबांक दन्यवाद. ओर किरिस्‍तुनाहेंदाल, मना बक्‍तिकु संबंदिस्‍तव स्वर्गमते मनना अन्‍नि आसिर्वादाल्‍क मनाकु हीसीतोर.

पिलिपिया 2:9

अदुनहाटीं पेन ओन अन्‍निटवुंकन्‍ना पेद्‍दोड कीसि ओना पोरोल्तुन अन्‍नि पोरोलींकन्‍ना पेद्‍दा कीता.

इब्रि 2:11

मनाकुन पवित्र किय्‍याना येसु आनि पवित्र आतोरम मनम, वरोर बाबाना पिलाल्कुमे आंदुम. अदुनहाटीं मनाकुन तम्मुह्‍क-हेलाह्क इंचि वेहालय येसु सिग्गु अर्रोर.

इब्रि 2:9

अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.

इब्रि 7:26

येसु पवित्र मत्‍तोर, ओनगा बतले कसूर मनाहिल्‍ले, ओन्क बस्‍केने पापम अंटा हिल्‍ले, पापिल्कुनाल लक्‍कु मत्‍तोर. अदुनहाटीं ओन स्वर्गमकन्‍ना एत्‍तु तेहामळ जर्गता. इसोंटा पेद्‍दा पेर्मले मनाहाटीं बेस कुदरंतोर.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

1 योहान 1:3

मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

पेन हुपिस्‍ता पोल्‍लें 2:15

अल्‍हेने मीलोप्‍पो इच्‍चुर लोकुल्‍क निकोलियातुरा करहाताप ताकानुर मंतुर, ओर्कुन ननागुडा हय्सोन.