इब्रि 1:3 - पवित्र पोल्‍ले

³ आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 1:3 Iomraidhean Croise

मत्‍तयाल 22:24

वासि इल्‍हा सवाल पूसकीतुर, “गुरु, मूसाना नियम परकारम, वरोर मनकल पिलाल्क आयाका मुन्‍नेन हायानय्ते ओना मुत्‍तोनतोनि ओना तम्मुर मरमिं आसि, हातोना वंसम बेर्सागोटालय पिलाल्कुन कना परांतोर.

मरकुस 16:19

येसु सामि ओना सिस्युल्कुनतोनि इव पोल्‍लें वेहता पजा, पेन ओन स्वर्गमते तेहकुत्‍ता. अस्‍के ओर दाना तिना बाजुंक उद्तोर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 1:4

अदुन लोप्पो पिस्वर मत्‍ता. आ पिस्वरे अंटोर लोकुल्‍कुनाहाटीं वेलगु आता.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

प्रेरितुल्‍कुना कबाह्‍क 7:56

हूळसि, “हुळाट! स्वर्गम बय्यर आयानद आनि मनकना रूपमते पुटता पेनदा मर्रि पेनदा तिना बाजुंक नित्‍तिसि मत्‍तद नना हूळसंतन,” इंचि ओर इत्‍तोर.

रोम सहरतोरहाटीं पौलुसना सिट्‍टि 1:16

विस्वासम कियना अंटोर्कुंक, इत्‍ते मुन्‍ने यहुदिल्कुंक पजा युनानि लोकुल्‍कुंक मुक्‍ति हियालय ई बेसता कबुरते पेनदा ताकत मंता. अदुनहाटीं नना पेनदा बेसता कबुर वेहालय सिग्गु अर्रोन.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

कुलुसि 3:1

मिमेट किरिस्‍तुनतोनि जीवाते तेदसि मंतिट, किरिस्‍तु स्वर्गमते पेनदा तिना बाजुंक उदसि मंतोर, अय्ते अगाटा पोल्‍लेन दोर्किच्‍कुनना कोसिस कीम्‍टु.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 1:13

मर्रा, “बदवेरदाका अय्ते नीवा पगातोर्कुन नीवा काल्कुना हिळु तर्रोन अदवेरदाका, निमे नावा तिना बाजुंक उद्‍दिसि मन्‍नु, इंचि बद्‍दे दूतातुन बस्‍केने पेन इना हिल्‍ले.”

इब्रि 10:12

गानि किरिस्‍तु अय्ते मना पापाल्कुन लक्‍कु कियालय, हमेसाताहाटीं उंदे मल्का ओना मेंदुल्तुन मोक्‍कु हीतोर. हीसि पेनदा तिना बाजुंक होंचि उद्‍दिसि मंतोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 4:14

अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम.

इब्रि 7:27

वेरे पेद्‍दा पेर्मालोर मुन्‍नेन सतता पापाल्क मापि आयगोम इंचि मोक्‍कु हीकुंतुर आनि पज्जोटाल वेरे लोकुल्‍कुना पापाल्क मापि आयालय मोक्‍कुल्क हींतुर. इल्‍हा ओर दिन्‍नम कियुंदुर. गानि किरिस्‍तु लोकुल्‍कुना पापाल्क मापि आयानाहाटीं उंदे मल्का ओना मेंदुल्तुन मोक्‍कु हीतोर. अदुनहाटीं ओन्क वेरे पेर्मालोरलेसीं कियाना अव्‍सरम हिल्‍ले.

इब्रि 8:1

इदवेरदाका वेहासेक वाता पोल्‍लेता मेन पोल्‍ले बतल इत्‍ते, स्वर्गमते अन्‍निटकन्‍ना पेद्‍दा पेनदा तिना बाजुंक राज्येम कियालय बोर अय्ते उद्‍दिसि मंतोरो, ओरे मावाहाटीं पेद्‍दा पेर्मल आतोर.

इब्रि 9:16

वरोर मनकल ओना बूमिं-जेगां बोन्क आयाना इंचि रासंतोर, ओर हातास्केन ओर रासि इरता कायदोम सेल्‍लांता. ओर पिस्सि मत्‍ताचुं रोजकु अद कायदोम सेल्‍लो. पेनदा करारगुडा इल्हे मंता.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 3:22

इंदके येसु किरिस्‍तु स्वर्गमते होंचि पेनबाबाना तिना बाजुंक उद्तोर. अगा पेनदा दूतां, अदिकाराल्‍क, सक्‍तिं ओना कय हिळु मंतां.

2 पत्रु 1:16

बारित्‍ते, मना सामि येसु किरिस्‍तुना ताकत आनि ओना मल्सि वायाना बारेमते मोमोट मीकु वेहतस्के, तयार कीसि वेहता कतन कल्‍पिसि वेहा हिल्‍लोम. गानि मोमोट ओना पेद्‍दातनमता वेलगुन कळ्‍कुने हूळसि वेहतोम.

2 पत्रु 1:17

बस्के अय्ते पेनबाबानाहेंदाल कदर आनि महिमा दोर्कता, अस्‍के आ स्वर्गमताल, “ईर नावा पावरमगल्‍ला मर्रि आंदुर, ईनतोनि नना आनंदमते मंतन,” इंचि उंदि अल्किर आ महिमाता वेल्‍गुनाल केंजावाता.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 4:11

“निमेने ई दुनियाता अन्‍नि वस्‍तुक तयार कीतिन, इव अन्‍नि नीवा इच्‍चा परकारम तयार आतां. नीवा इच्‍चा परकारमे मंतां, निमेने मावा पेन, मावा सामिन आंदिन. महिमा, स्‍तुति आनि ताकत नीवदे आंदु,” इंचि इंतुर.