इब्रि 1:2 - पवित्र पोल्‍ले

² गानि ई आकिरता रोजकुने बारे, पेन दाना मर्रिनाहेंदाल मनातोनि वळ्कता. दाना मर्रिनाहेंदाले इद पूरा दुनियातुन तयार कीसि, ओन ई दुनियाता वारसदार इंचि निलाहता.

इब्रि 1:2 Iomraidhean Croise

मत्‍तयाल 13:39

हकोलिं वीतुता पगातोर इत्‍ते, देय्यम आंद. पंटा कोयना वेला इत्‍ते दुनिया मुंळगना आकिर वेला. कोय्‍यानोर इत्‍ते पेनदा दूतां आंद.

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मत्‍तयाल 21:38

गानि बटाइतोर, ओना मर्रि वायानद हूळसि, “ईर अय्ते वारसदार आंदुर, दट ओन हव्‍किसि, ओना जाय्‍दाद मनम एतकुनकोम,” इंचि ओर ओरे इनकुत्‍तुर.

मत्‍तयाल 26:63

गानि येसु चुपचाप मत्‍तोर. अस्‍के पेद्‍दा पेर्मल येसुन इल्‍हा इत्‍तोर. “जीवाते मनना पेनदा ओट्‍टु तिंचि नीकुन पूसकीसंतन, ओक्‍कला निमे पेनदा मर्रि, किरिस्‍तुन आते माक वेहा,” इत्‍तोर.

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

मत्‍तयाल 3:17

अस्‍केन स्वर्गमताल, “ईर ना पावरमगल्‍ला मर्रि आंदुर. ईर इत्‍ते नाकु बच्‍चोनो संबरम,” इंचि उंदि अल्किर केंजावाता.

मरकुस 1:1

पेनदा मर्रि, येसु किरिस्‍तुना बेसता कबुर इल्‍हा सुरुव आता.

मरकुस 12:6

आकिरते मालकनगा ओना पावरमगल्‍ला मर्रि वरोरे मिगिल्सि मत्‍तोर. अस्‍के मालक, ‘नावा मर्रिन बेस कदर कियानुर’ इनकुंचि ओरहेके लोहतोर.

मरकुस 12:7

गानि बटाइतोर ओर वायानद हूळसि, ‘ईर अय्ते वारसदार आंदुर. दट ओन मनम हव्ककोम, अस्‍के ओना जाय्‍दाद मनाक आयार,’ इंचि वरोंक-वरोर इत्‍तुर.

योहान 1:10

ओर इद दुनियातेन मत्‍तोर. ओनाहेंदाले पेन ई दुनियातुन पुटिस्ता. गानि ई दुनिया ओन एरपाट किया हिल्‍ले.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:3

दुनियाते मननव अन्‍निटवुन, पेन अदुनहेंदाले पुटिस्ता. अदुन होळसि बतले तयार आयाहिल्‍ले.

योहान 13:3

पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 13:32

नावाहेंदाल पेनदुक महिमाता कदर दोर्कानय्ते, पेन नाकु दाना कदर हिय्यार. अद आल्सेम कियाकोंटा बिरानेन हींता.

योहान 15:15

इंदकेटाल नना मीकुन दासुल्क इंचि केयोन. बारित्‍ते मालक बतल कींतोर अद ओना दासुंक बतल तेळियो. गानि नना अय्ते मीकुन दंटातोर इंचि केयंतन. बारित्‍ते नावा बाबाल नाकु वेहता अन्‍नि पोल्‍लें मीकु वेहतन.

योहान 16:15

बव अय्ते बाबानवो, अव अन्‍नि नावां आंदुं. अदुनहाटींगे, अद नाहगटाल तेंडकुंचि, वासि मीकु वेहंता, इंचि नना मीकु वेहतन.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:25

अस्‍के योहानुना सिस्युल्क आनि वरोर यहुदि मनकन नड्‍डुम सुद्‍दिकरन कियाना रिवाजता बारेमते रोंड-रोंड पोल्‍लें आतां.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

योहान 5:27

इच्‍चोने आयाका, पेनबाबाना मर्रि मनकना रूपमते पुटताहाटीं ओन्क लोकुल्‍कुना न्‍यायम कियना अदिकारम हीतोर.

योहान 9:29

पेन मूसानतोनि वळ्कता इंचि माकु एरपाट मंता. गानि ई मनकल बगाटाल वातोर? माकु बतले एरपाट हिल्‍ले,” इंचेके ओन तेराहतुर.

प्रेरितुल्‍कुना कबाह्‍क 10:36

येसु किरिस्‍तु अंटोरा सामि आंदुर. ओनहेंदाल पेन दाना सांतिता बेसता कबुर इस्राएलता लोकुल्‍कुंक हीता, अद कबुर इदे आंदु.

प्रेरितुल्‍कुना कबाह्‍क 2:17

पेन इंता गदा, “आकिर रोजकुने नना अंटोर लोकुल्‍कुनपोर्रो, नावा आत्मातुन कुम्मरिचंतन. अस्‍के मीवा मर्क-मियाह्क बविस्यवानिं कियानुर, मीवा लेय्युर्क दर्सनाल्‍क हूळानुर, आनि मात्रालोर कलां हूळानुर.

रोम सहरतोरहाटीं पौलुसना सिट्‍टि 1:4

गानि मना सामि येसु किरिस्‍ते पेनदा मर्रि आंदुर इंचि हुप्‍सालय पेन दाना पवित्र आत्माता ताकतहेंदाल ओन हातोरा लोप्पोटाल मर्रा जीवाते तेहता.

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

1 कुरेंति 2:7

मोमोट मर्ममते मक्‍किचि मत्‍ता पेनदा तेल्‍वितुन वेहंतोम, अद बूमि पुट्‍टका मुन्‍नेने मावा पेद्‍दातनमहाटीं पेन तयार कीसि इरता.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

इपीसि 1:10

अद बतल इत्‍ते, पेन दाना पिलान परकारम इन्‍कुत्‍ता वेला एवतस्‍के, स्वर्गमते मत्‍तव, बूमिपोर्रो मत्‍तव अन्‍निगुडा उंदगा कीसि अवुन किरिस्‍तुना अदिकारम हिळु हियमळ गावाले.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

इब्रि 1:5

बारित्‍ते, पेन दाना मर्रिना बारेमते, “निमे नावा मर्रिन आंदिन, इय्याला ननाने नीकुन पुटिस्तन. इंका नना ओना बाबोन आंदुन, ओर ना मर्रि आंदुर.” इंचि येसुन तप्‍पा बस्‍केने बदे दूतातुन पेन इना हिल्‍ले.

इब्रि 1:8

गानि दाना मर्रिना बारेमते, “पेनदुना, नीवा राजगद्‍दे बस्‍केळ्‍क निल्‍सि मनंता, निमे नीतिते राज्येम कियानदुन आंदिन.

इब्रि 11:3

विस्वासमहेंदाले, पेन इद दुनियातुन दाना पोल्‍लेतोने पुटिस्ता इत्‍ता पोल्‍ले, मनम तेल्‍पिचकुना पर्रंतोम. दीना अर्तम बतल इत्‍ते, मनाकु इंदके दिस्सानव अन्‍नि पोल्‍लें, दिसुवा पोल्‍लेनाहेंदाल पेन कीता, इंचि मनाकु तेळियता.

इब्रि 2:3

अय्ते इच्‍चोर पेद्‍दा मुक्‍तिता कबुरतेके लक्‍से इर्राकोंटे, वायाना सिक्‍साताल मनम बल्हा तपिच्‍कुना पर्रांतोम? इदुना बारेमते मोट्‍टा मोदाला सामिए वेहतोर. अद कबुरतुन सामिनगटाल बोर अय्ते केंजतुरो, ओर अद कबुरतुन मनाकु तेळियागोट्‍सि रुजुव कीतुर.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

इब्रि 4:14

अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम.

इब्रि 5:8

येसु कुद्‍दु पेनदा मर्रि आसिगुडा तिप्‍पल्‍क बोगांचेके, पोल्‍लेपोर्रो ताकमळ इत्‍ते बतल, करियतोर.

इब्रि 7:28

मूसाना नियम कमजोर मनकालोर्कुन पेद्‍दा पेर्मालोर इंचि निलाहंता. गानि मूसाना नियमकन्‍ना पज्जोटाल, ओट्‍टुनतोनि वाता आ पोल्‍ले, पेनदा मर्रिन पेद्‍दा पेर्मल इंचि निल्‍हाता. आ मर्रि अन्‍नि तीरकुने पुरागा मंतोर. ओर बस्‍केळ्‍ताहाटीं पेद्‍दा पेर्मल आसि मंतोर.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

1 पत्रु 1:20

दुनिया पुट्‍टका मुन्‍नेन किरिस्‍तुन पेन पेरता, गानि मीवाहाटीं इव आकिर रोजकुने ई दुनियाते वातोर.

2 पत्रु 3:3

आकिर रोजकुने मीकुन कारेड्‍डाल्‍क कियानोर वायानुर, वासि ओर ओरा कराब इच्‍चाना परकारम ताकानुर, इद पोल्‍ले मीक मुन्‍ने तेळियमळ गावाले.