गलातिया 6:3 - पवित्र पोल्‍ले

³ बारित्‍ते, बोरे आयिर पेद्‍दातनम हिलाकुना गानि पेद्‍दातनम हुप्‍संतुर, असंटोर ओरद-ओरे पसांचकुंचेके मंतुर.

गलातिया 6:3 Iomraidhean Croise

लूकाल 18:11

परिसि वेरे नित्‍तिसि पारतना कियालय दल्‍गतोर, ए पेनबाबा! नना इंका वरोनलेसीं दोंगन आयोन, इंकावरोन बोंकिचानोन आयोन, बोगम कबाह्‍क कियानोन आयोन, ई कर वसुल कियानोनलेसीं लोकुल्‍कुन मुळहानोन आयोन.

प्रेरितुल्‍कुना कबाह्‍क 5:36

बारित्‍ते कोन्‍नि रोजकु मुन्‍ने तियुदास पोरोलतोर वरोर मनकल, ‘नना पेद्‍दोन’ इंचि वेहकुत्‍तोर. ओना पज्जो नालुं नुह्कुना मंदि इंका मत्‍तुर. गानि ओन हव्कतुर, अस्‍के ओना पज्जो ताकानोर अंटोर बेंदोर-हेके पायसि होत्‍तुर.

रोम सहरतोरहाटीं पौलुसना सिट्‍टि 12:16

अंटोरतोनि बेस कलियसि मंटु, पोमाडेंगि वेहकुन्‍मटु. कदर हिल्वा लोकुल्‍कुनतोनि बेस कूळसि मंटु, मोमोटे तेल्विगल्‍लोरम इनकुनमटु.

रोम सहरतोरहाटीं पौलुसना सिट्‍टि 12:3

पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

1 कुरेंति 13:2

नाक गिंटा बविस्यवानि वेहना वरम मनना, अन्‍नि मर्माल्‍कु आनि तेल्‍विता पोल्‍लें तेळियना, गुट्‍टान जर्पनच्‍चो पूरा विस्वासम मनना गानि नावा लोप्पो पावरम हिलाकोंटे नना बतले कबळतोन आयोन.

1 कुरेंति 3:18

बोरे आयिर ओनद-ओरे पसांचकुनामन्‍नि. बोरन्‍नागिंटा मिहागटाल ई दुनियाते नना तेल्वितोन इनकुनानय्ते, पेनदा नदरते तेल्वितोर आयालय, मोदाला मुर्कनलेसीं आयापींता.

1 कुरेंति 8:2

बोरन्‍नागिंटा नाक पूरा तेळियंता इंचि इनकुनानय्ते, ओन्क बतलय्ते तेळियमळ गावाले, अद इंदकेगुडा तेळिया हिल्‍ले.

2 कुरेंति 12:11

मीवा बल्‍मितेन नना मुर्कनलेसीं पेद्‍दिरकेम कीसेक मंतन. नना कदरलायक हिल्‍लेन आयावच्‍चु, गानि पेद्‍दा-पेद्‍दा प्रेरितुल्‍कुंकन्‍ना बदे पोल्‍लेते तक्‍को हिल्‍लेन, अदुनहाटीं मिमेट नावा पेद्‍दिरकेम किया मत्‍तिर.

2 कुरेंति 3:5

मावद मोमोटे बदाना पोल्‍लेता विचारम कियानालायक हिल्‍लोम, गानि इवुन कियाना बलम पेने माकु हीसेक मंता.

गलातिया 2:6

अगा मत्‍ता लीडर्क, नना वेहतव्टे बवे पोल्‍लें कल्‍पा हिल्‍लुर. पेनदा मुन्‍ने अंटोर समानमे. अदुनहाटीं ओर लोकुल्‍क बच्‍चोर पेद्‍दोर्क अयना बेसे, नाकु बतल पिकिर हिल्‍ले.

2 तिमोति 3:13

गानि कराब कियानोर, मुळाहनोर, वेरेतोर्कुंक दोका हीसेक, ओर दोकाते अरसेक इंकिच्‍चो कराब आंतुर.

याकोब 1:22

अद पोल्‍ले सिराप केंजालये आयो गानि अद वेहताप ताकानोर आम्टु. अल्हा ताकाकोंटे मीवद मिमेटे पसांचकुंतिर.

याकोब 1:26

बोरन्‍नागिंटा ओनद-ओर बक्‍तुन इनकुंतोर गानि ओना नाल्केतुन आपकुन्‍नोर, अय्ते ओर, ओनद-ओरे पसांचकुंचेके मंतोर. ओना बक्‍ति एर्तमे आंदु.

1 योहान 1:8

ओक्‍कला मनमगिंटा, महगा बदे पापम हिल्‍ले इंचि वेहकुनानय्ते, मनद मनमे पसांचकुंचंतोम, मनालोप्‍पो सत्‍तेम हिल्‍ले.