गलातिया 4:9 - पवित्र पोल्‍ले

⁹ गानि इंदके पेनदुन एरपाट कीतिर. निजम हूळते पेने मीकुन एरपाट कीता. अदुनहाटीं मिमेट दुनियातां अंगळमतव रीति-रिवाजकुने पजोळ्क बारि होंचंतिर? मर्रा मीकु अवुना कय्‍दा हिळे मनना मंताना?

गलातिया 4:9 Iomraidhean Croise

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

लूकाल 5:38

अल्हा कियवा पूना अंगुर पानकम पूना तोलपुर्कातेन दोसना. अस्‍के तोलपुर्कातुन हरहो.

योहान 10:14

गानि नना बेस मेहानोन आंदुन. बल्हा अय्ते बाबाल नाकुन एरपाट कींतोर, नना बाबान एरपाट कींतन, अल्हेन नावा गोर्रेन नना एरपाट कींतन, अव नाकुन एरपाट कींतां. नना नावा गोर्रेनाहाटीं जीवा हींतन.

योहान 10:27

नावा गोर्रें नावा लेंगुन केंजंतां. नावा गोर्रेन नना एरपाट कींतन, अव नावा पज्जो-पज्जो वांतां.

रोम सहरतोरहाटीं पौलुसना सिट्‍टि 8:29

बारित्‍ते “बोर-बोर नापोर्रो विस्वासम कींतुर” इंचि पेन मुन्‍नेटाले एरपाट कीसि मत्‍ता. दाना मर्रि येसु, ओर अंटोरा दादाल आयगोम इंचि पेन ओर्कुन येसुनसंटोर आयानाहाटीं पेरता.

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

1 कुरेंति 13:12

इंदके मनाकु अद्‍दमते हूळताप मागुर-मागुर दिस्सेक मंता, गानि आयंका ओना मुन्‍ने नित्‍तिसि हूळंतोम. इंदके नाक पुरागा तेळियो, नावा बारेमते पेनदुक पुरागा तेळियंता. ओर वाता पजा, नाकगुडा पुरागा तेळियंता.

1 कुरेंति 15:34

अदुनहाटीं नीतिते ताकसि उसारते मंटु, पापम कियमट. मीलोप्‍पो बच्‍चुटुरो पेनदुन एरपाट कियवोरगुडा मंतुर, मीक सिग्गु वायागोम इंचि इद पोल्‍ले वेहसेक मंतन.

1 कुरेंति 8:3

गानि बोरन्‍नागिंटा पेनदुन पावरम कीते, पेनदुक ओर एरपाटे.

2 कुरेंति 11:20

अचोने आयाका, ओर मीकुन गुलाम किय्‍यिना, लुटांचना, मीवा पायदा येताना, ओरद-ओरे पेद्‍दा कीकुन्‍निना, मीकुन सेंपापोर्रो तनिना इवन्‍नि मिमेट ओर्सकुंचेके मंतिर.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 3:3

पवित्र आत्माता सहायमतोनि सुरुव कीता मीवा पूना पिस्वरतुन मिमेट मीवा बलमतेन पुरागा कियालय हूळसंतिरा? मीकु गिचचोगुडा बुद्‍दि हिल्‍लेना?

गलातिया 4:3

अल्‍हेने मनमगुडा सिन्‍ना पेडनलेसीं तेळियवोर्कुम मत्‍तस्के, दुनियाता नियमकुने दोहचि वाटताप अवुना दासुल्क आसि मत्‍तोम.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

2 तिमोति 2:19

गानि पेन दोहता पुनादि बस्‍केळ्‍क नित्‍तिसि मनंता. अद पुनादिपोर्रो, “सामिंक ओना लोकुल्‍क बोर आंदुर, ओन्क एरपाटे,” आनि “सामिना पोरोल एताना हरेक मनकल, तप्‍पुड कबाह्कुनाल लक्‍कु मनगोम,” इंचि सिक्‍का वाटसि मंता.

इब्रि 7:18

इल्‍हा, मूसाना नियमते रासि मत्‍ता आदेसाल्‍क लोकुल्‍कुन नीतिमंतुल्क किया पर्राहिल्‍ले. अद नियम कमजोर आसि बताके ओज्‍जाकोंटा आता इंचि, पेन दान पक्‍काक इरता. दाना जेगाते, पेन दानकन्‍ना मंचि आसेतुन इरता. इद आसेतुन पीसि मनम पेनदा दग्गेर्क होना पर्रांतोम.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.