गलातिया 3:9 - पवित्र पोल्‍ले

⁹ इंचि अब्राहामुनलेसीं पेनदा पोल्‍लेपोर्रो बोर अय्ते विस्वासम इर्रंतोर, ओन्‍के अब्राहामुंक दोर्कताप पेनदाहेंदाल आसिर्वाद दोर्कंता.

गलातिया 3:9 Iomraidhean Croise

रोम सहरतोरहाटीं पौलुसना सिट्‍टि 4:11

अब्राहामुना कतना आयाका मुन्‍नेन ओर पेनदुन विस्वासम कीतोर. अदुनहाटीं पेन ओन नीतिमंतुड इत्‍ता. नीतिमंतुना एरपाटता चिन्‍ह इंचि अब्राहामुंक कतना किया पीता. अदुनहाटीं विस्वासम कियानोर अंटोर कतना आयाकोन्‍नागुडा नीतिमंतुल्क आसि मंतुर. अदुनहाटीं ओर, अंटोर विस्वासुल्कुना बाबोनलेसीं मंतोर.

रोम सहरतोरहाटीं पौलुसना सिट्‍टि 4:16

अदुनहाटीं पेन अब्राहामुना वंसंमतोर्क अंटोर्क हीता पोल्‍ले विस्वासम कीतोर्कुंक दाना कुर्पाताहेंदाले दोर्कंता. इद सिराप मूसाना नियम परकारम ताकानोर्कुंके आयो गानि अब्राहामुनलेसीं विस्वासमते ताकानोर अंटोराहाटीं मंता. ओर मना अंटोरा बाबल आंदुर.

रोम सहरतोरहाटीं पौलुसना सिट्‍टि 4:24

गानि अद मनाहाटींगुडा मंता. हातोरव्टेटाल येसु सामिन मर्रा जीवाते तेहता पेनदुन मनम विस्वासम कीतोम, इंचि अद मनाकुनगुडा नीतिमंतुल्क इंता.

गलातिया 3:14

अब्राहामुंक पेन हीता आसिर्वाद येसु किरिस्‍तुनहेंदाल यहुदि आयवोर्कगुडा दोर्कना इंचि किरिस्‍तु मनाकुन पिसागोटतोर. दीनहेंदाल मनम ओनपोर्रो विस्वासम कीसि पेन हीता पोल्‍ले परकारम पवित्र आत्मातुन दोर्किच्‍कुना परंतोम.

गलातिया 3:29

मिमेट किरिस्‍तुना लोकुल्‍क आतिर, इत्‍ते अब्राहामुना वंसमतोर आंदिर. दीनहेंदाल पेन अब्राहामुंक हीता पोल्‍ले परकारम, पेन ओन्क हियना आसिर्वादता वारसदार्कगुडा आंदिर.

गलातिया 4:28

अदुनहाटीं विस्वासुल्‍कुनिटा, मनम मनकल विचारम कीताप आयो गानि पेन करार कीताप इसाकुनालेसीं दाना मर्क आतोम.