गलातिया 2:4 - पवित्र पोल्‍ले

⁴ गानि मावा लोप्पो इच्‍चुर लोकुल्‍क विस्वासुल्‍कुनलेसीं आसि मक्‍किस होळियतुर. येसु किरिस्‍तु माकुन यहुदिल्कुना नियमाल्कुना गुलामगिरिताल पलाते पेचाह्तदुन चुपचाप हूळसि, माकुन मर्रा गुलामगिरिते अरहचि नासडेम कियना उद्‍देसमते ओर वातुर.

गलातिया 2:4 Iomraidhean Croise

लूकाल 5:38

अल्हा कियवा पूना अंगुर पानकम पूना तोलपुर्कातेन दोसना. अस्‍के तोलपुर्कातुन हरहो.

प्रेरितुल्‍कुना कबाह्‍क 15:1

पजा यहुदियाताल इच्‍चुर लोकुल्‍क अंताकियाक वासि, “मूसाना नियम परकारम मीवद कतना आयाकोंटे मीकु मुक्‍ति दोर्का पर्रो” इंचि अगाटा दादालोर्कुंक कराहलय दल्‍गुतुर.

प्रेरितुल्‍कुना कबाह्‍क 15:24

मावा पावरमगल्‍ला दादालोरिटा, माकुन पूस कियाकोंटेन महागटाल इच्‍चुर लोकुल्‍क मिहगा वासि ओरा मनसुंक वाताप वळकिसि मी मनसुने अनमानम पुट्‍टिचि मीकु तकलिप हीतुर इत्‍ता संगति मोमोट केंजतोम.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

रोम सहरतोरहाटीं पौलुसना सिट्‍टि 8:15

पेन मीकुन मर्रा दासुल्क कीसि वेराहलय दाना आत्मातुन हिया हिल्‍ले. गानि अद मीकुन दाना मर्क-मियाह्क इनालय तयार कीता. दानहेंदाल मनम पेनदुन, “बाबाल,” इंचि केया परंतोम.

2 कुरेंति 11:13

बारित्‍ते इसोंटा लोकुल्‍क आबद्‍दम प्रेरितुल्क आंदुर. ओर आबद्‍दम वळ्‍कंतुर, ओर इंकावरोन पसांचना कबळ कींतुर, ओर किरिस्‍तुना प्रेरितुल्‍कुनालेसीं मनंतुर.

2 कुरेंति 11:17

नना इंदके वेहना पोल्‍ले सामिना विचारम मत्‍ताप आयो, गानि वरोर मूर्कुड वेहताप वेहासेक मंतन.

2 कुरेंति 11:20

अचोने आयाका, ओर मीकुन गुलाम किय्‍यिना, लुटांचना, मीवा पायदा येताना, ओरद-ओरे पेद्‍दा कीकुन्‍निना, मीकुन सेंपापोर्रो तनिना इवन्‍नि मिमेट ओर्सकुंचेके मंतिर.

2 कुरेंति 11:26

ऊके-ऊके पय्‍नेमते होनुंदुन. बेरेह्‍कुना दोका, दोंगाल्‍कुना दोका, नावा लोकुल्‍कुनाहेंदाल दोका, वेरे जातितोरहेंदाल दोका, सहरते दोका, बय्‍लि जेगाते दोका, समुद्रमते दोका, विस्‍वासुल्‍कुम इंचि नळेह कियाना मनकालोर्कुना हेंदालगुडा नाक दोका मत्‍ता.

2 कुरेंति 3:17

सामि अय्ते आत्मा आंदुर. बगा अय्ते सामिना आत्मा मंता, अगा बोना कय्‍दा हिळु हिल्‍लोम.

गलातिया 1:7

असल निजम बतल इत्‍ते, वेरे बदे बेसता कबुर हिल्‍ले. गानि इच्‍चुर लोकुल्‍क मंतुर ओर मीकुन गयबेत कीसि किरिस्‍तुना बारेमता बेसता कबुरतुन बदलांचलय हूळसंतुर.

गलातिया 4:25

हाजिरा अरब देसेमता सिनाइ गुट्‍टालेसीं मंता इनकुंटु, हाजिरा आनि दाना मर्कगुडा सिनाय गुट्‍टातगा हीता आ नियमकुना कय्‍दा हिळे मंतुर, अदुनहाटीं हाजिरा इत्‍ते इंदकेटा येरुसलेमतोरलेसीं आंद.

गलातिया 4:3

अल्‍हेने मनमगुडा सिन्‍ना पेडनलेसीं तेळियवोर्कुम मत्‍तस्के, दुनियाता नियमकुने दोहचि वाटताप अवुना दासुल्क आसि मत्‍तोम.

गलातिया 5:1

मनम नियमकुना लोप्पो दासुनलेसीं मनामन्‍नि इंचि किरिस्‍तु मनाकुन अव्टेटाल इळबळिस्तोर. अदुनहाटीं विस्वासमते गट्‍टिगा मंटु, मिमेट नियमकुना बर्वु दासुल्‍कुनलेसीं मर्रा कांजमटु.

गलातिया 5:10

नना कराहता निजम पोल्‍लें मत्‍ताप मिमेट ताकंतिर इंचि नाकु सामिनाहेंदाल पूरा बरोसा मंता. मीवा विस्वासमतुन तप्‍सानोर बोरन्‍ना आयिर ओर्क तप्‍पाकोंटा सिक्‍सा दोर्कंता.

2 तिमोति 3:6

ई लोकुल्‍कुने इच्‍चुर इसंटोर मंतुर गदा, बव मुर्ताह्क अय्ते कमजोर मनसुने पापमता मोताते रका-रकाल्कुना आसेने निंडिस पिस्सेक मंतां, अव मुरताह्कुना लोह्कुने होंचि अवुन ओराहेके कीकुंतुर.

याकोब 1:25

गानि बोर अय्ते मुक्‍तिता तप्पु हिल्वा नियम मत्‍ताप ताकंतोर आनि अदुन मरगोर, असंटोना कबळ लोप्पो पेनदा आसिर्वाद मनंता.

1 पत्रु 2:16

मिमेट बोना कय्‍दा हिळु हिल्‍वाप मना परांतिट गानि “बोना कय्‍दा हिळु हिल्‍लोम” इंचि मीवा मनसुंक वाताप कराब कबाह्‍कुने ताकमट, पेनदा सेवाकुल्कुनलेसीं ताकट.

2 पत्रु 2:19

ओर कुद्‍दे कराब कबाह्‍कुना दासुल्क आसि, इंकावरोन असोंटा गतिताल तेंडांतोम इंचि पोल्‍ले हींतुर. बारित्‍ते वरोर मनकन बतलय्ते गेल्संतोरो, ओर अदुना दासुड आसि मनंतोर.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.