गलातिया 2:2 - पवित्र पोल्‍ले

² नाकु अगा तप्‍पाकोंटा होनापींता इंचि पेन वेहचि हुपिस्ताहाटीं नना होत्‍तन. पेनदाहाटीं नना कीता कस्‍टम एर्तम आयानायो इंचि यहुदि आयवोर्क नना वेहता बेसता कबुरतुन अगटा लीडर्कुन बाजुंक केय्‍सि ओर्क वेहतन.

गलातिया 2:2 Iomraidhean Croise

मत्‍तयाल 10:16

हुळाट, तोडेल्‍लिन लोप्पो गोर्रेन लोहताप नना मीकुन लोहचंतन, इंचि मिमेट तरासुनलेसीं जेगर्ता आनि पावरेम पिट्‍टेनलेसीं इमानदार मंटु.

प्रेरितुल्‍कुना कबाह्‍क 15:12

अस्‍के बरनाबास आनि पौलुस, पेन ओर्कुन वेरे जातितोर लोप्पो लोहचि ओराहेंदाल बसंटा चिन्‍हां, इचंत्रमता कबाह्‍क कीता, अदुन ओर वेहालय दल्‍गुतुर अय्ते अंटोर लोकुल्‍क सपुडदाका आसि ओरा पोल्‍लें केंजालय दल्‍गुतुर.

प्रेरितुल्‍कुना कबाह्‍क 15:2

ओर लोकुल्‍क कराहता पोल्‍लें पौलुसुंक, बरनाबासुंक नच्‍चा हिल्‍लें. अदुनहाटीं ओरा नड्‍डुम वेल्‍लेन लोल्‍लिं आतां. अय्ते ई लोल्‍लिंकु समादानम पूस कियनाहाटीं पौलुस, बरनाबास आनि इच्‍चुर विस्वासुल्‍क येरुसलेम होंचि अगाटा प्रेरितुल्कुंक, पेद्‍दाल्कुंक कलियना इंचि निरनायम कीतुर.

प्रेरितुल्‍कुना कबाह्‍क 15:4

ओर येरुसलेम एवतस्‍के, अगाटा कलिसियातोर, प्रेरितुल्क, पेद्‍दाल्क ओर्कु बेस आनंदमते कलियतुर. पजा पौलुस आनि बरनाबास पेन ओरतोनि मंचि बता-बता कबाह्‍क कीता, अदंता वेहतुर.

प्रेरितुल्‍कुना कबाह्‍क 18:9

उंदि नर्का सामि दर्सनमते पौलुसुंक इल्‍हा वेहतोर, “निमे वेरियाकोंटा वळ्कसेक होन, सपुडदाका मनमा.

प्रेरितुल्‍कुना कबाह्‍क 23:11

अदे नर्का सामि पौलुसनगा वासि, “पौलुस निमे वेरियमा. बल्हा निमे येरुसलेमते नावा गवाइ हीतिन, अल्‍हेने रोम सहरते इंका नीकु नावा गवाइ हियनद मंता,” इंचि इत्‍तोर.

प्रेरितुल्‍कुना कबाह्‍क 5:34

गानि पंचादितगा गमलियेल पोरोलतोर वरोर परिसि, ओर मूसाना नियमता गुरुजीगुडा मत्‍तोर, ओन अंटोर कदर कियुंदुर. ओर तेदसि प्रेरितुल्कुन गडसेम पलाते ओयालय वेहतोर.

रोम सहरतोरहाटीं पौलुसना सिट्‍टि 9:16

इल्‍हा बोनपोर्रो दया किय्यना इंचि पेने निरनायम कींता. इद मनकना कय्‍दे हिल्‍ले. दान दोर्किच्‍कुननाहाटीं मनम बच्‍चोन कस्‍टम किय्‍यिना एर्तमे.

1 कुरेंति 1:23

गानि मोमोट अय्ते क्रुसुनपोर्रो हाता किरिस्‍तुना पोल्‍लें वेहंतोम. इद यहुदिल्कुंक विस्वासम किया परवसोंटा पोल्‍ले आंद. आनि यहुदि आयवोर्कुंक मुर्कतनमतसोंटा पोल्‍ले आंद.

1 कुरेंति 2:2

गानि नना मीवा नड्‍डुम मननेंके क्रुसुंक वेलाड वाटता येसु किरिस्‍तु आयाका इंका वेरे बद्‍दे पोल्‍ले वळ्‍कोन इंचि निरनायम कीसि मत्‍तन.

1 कुरेंति 9:24

पंदेम वाटसि वितनेंके अंटोरे वित्‍तंतुर, गानि इनाम वरोंके दोर्कंता इंचि मीक एरपाटे मंता. मिमेटगुडा वितनेंके इनाम दोर्कनालेसीं वित्‍तट.

1 कुरेंति 9:26

अदुनहाटीं नना बद जेगातगळ्क अय्ते वित्‍तना, अगळ्क बेस वित्‍तंतन, ननागुडा पिळ्किलते गुद्‍सेक लडांचंतन, वळिते लडांचताप आयो.

2 कुरेंति 12:1

नना पेद्‍दिरकेम कीते नाक बतल पायदा दोर्को, गानि पेद्‍दिरकेम किया पीसेक मंता. सामि नाक हीता दर्सनम आनि हुपिस्‍ता मर्ममता पोल्‍लेन बारेमते वेहंतन.

गलातिया 1:12

इंका इद नाकु बोर मनकालोरहेंदालगुडा दोर्काहिल्‍ले आनि बोर मनकल नाकु कराह हिल्‍लोर. इदु नाकु कुद्‍दु येसु किरिस्‍ते कुल्‍ला कीसि वेहतोर.

गलातिया 1:16

अदुनहाटीं नना यहुदि आयवा लोकुल्‍कुन लोप्पो होंचि दाना मर्रिना बारेमता बेसता कबुरतुन वेहा परतन. इल्‍हा जर्गतस्के नना बोरे मनकंक होंचि कलिया हिल्‍लेन बोने बतल पूसकिया हिल्‍लेन.

गलातिया 1:6

बद पेन अय्ते येसु किरिस्‍तुना कुर्पाहेंदाल मीकुन दग्‍गेरा कीकुत्‍ता, असोंटा पेनदुन इच्‍चोन बिराना होळसिसि, बदो वेरे बेसता कबुरतेके तिरियतिर. इदुन केंजसि नाकु वेल्‍लेन इचंत्रम आसंता.

गलातिया 2:6

अगा मत्‍ता लीडर्क, नना वेहतव्टे बवे पोल्‍लें कल्‍पा हिल्‍लुर. पेनदा मुन्‍ने अंटोर समानमे. अदुनहाटीं ओर लोकुल्‍क बच्‍चोर पेद्‍दोर्क अयना बेसे, नाकु बतल पिकिर हिल्‍ले.

गलातिया 5:7

मिमेट मुन्‍ने बरोसाते बेस बेरस्सेक मत्‍तिर. गानि इंदके मीकुन बोरो आपसेक मंतुर, इंचि सत्‍तेम हर्दे ताकसेक हिल्‍लिर.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

पिलिपिया 2:29

मिमेट नावाहाटीं किया पर्वा सेवातुन ओर ओना जीवाक तेग्गिचि पूरा कीतोर. किरिस्‍तुना कबळतुन पूरा कियनाहाटीं ओर हायालय आसि मत्‍तोर. अदुनहाटीं ओर मिहगा वातस्के मावा दंटाता विस्वासि इंचि सामिना पोरोलते मिमेट ओन बेस कल्‍पकुंटु. ओनालेसीं सेवा कियना हरेक मनकना बेस कदर कीम्‍टु.

1 तेसलोनि 3:5

अदुनहाटीं नना आगा पर्राहिल्‍लेन. पट्‍टु हूळानोर मीवा पट्‍टु हूळतोरा बतला, मोमोट कीता कस्‍टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

इब्रि 12:1

इचोन मंदिता गवाइं, मब्बुनलेसीं मना सुट्‍टु आताप मंतां. अदुनहाटीं मनाकुन आपाना हरेक बर्वुन आनि अल्कगा पट्‍टुने अरहना पापमतुन होळसिसि, पेन मनाकु हुपिस्‍ता हरदे ओप्‍केते वितकोम.