गलातिया 1:8 - पवित्र पोल्‍ले

⁸ ओक्‍कला मोमोट आयि स्वर्गमताल वाता पेनदा दूता आयि, मोमोट मीकु वेहता बेसता कबुर तप्‍पा इंका वेरे कबुर वेहानय्ते, असंटोर्कुन पेन नासडेम कीसि पोहि.

गलातिया 1:8 Iomraidhean Croise

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

मरकुस 14:71

अस्‍के पत्रु ओर्कुन, “नना ओट्‍टु तिंचि वेहसेक मंतन, नावा पोल्‍ले आबद्‍दम आते नाकु सापनेम दल्‍गि! मिमेट बोना बारेमते वळ्‍कसंतिरो, आ मनकन नना निजम एरपाट किय्योन,” इंचि इत्‍तोर.

प्रेरितुल्‍कुना कबाह्‍क 23:14

ओर पेद्‍दा पेर्मालोर्कुनगा आनि यहुदि पेद्‍दाल्कुनगा होंचि, “मोमोट बच्‍चोरदाका पौलुसुन हव्‍कोम, अच्‍चोरदाका मोमोट बतले तिन्‍नोम-उन्‍नोम इंचि गट्‍टिगा ओट्‍टु तित्‍तोम.

रोम सहरतोरहाटीं पौलुसना सिट्‍टि 16:17

विस्वासुल्‍कुनिटा! इच्‍चुर लोकुल्‍क मिमेट करियता पोल्‍लेन हेळाहलय ई पोल्‍लेंक विरोदमते वेरे पोल्‍लें वेहचि मीलोप्‍पो वरोनद-वरोंक अर्राकोंटा कींतुर. असंटोरतोनि उसारते मंचि, ओर्क लक्‍कु मंटु इंचि नना मीकु विनंति कीसेक मंतन.

1 कुरेंति 12:3

अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

1 कुरेंति 16:22

बोरन्‍नागिंटा सामिन पावरम कियाकोंटा मत्‍ते, ओन्क सापनेम दल्‍गि. “मारानाता” इत्‍ते, मा सामि वा.

गलातिया 1:9

मोमोट मीकु मुन्‍ने वेहता पोल्‍लेतुन इंकुंदि मल्का वेहचंतोम बेस केंजट. बोरे आयिर, मिमेट मुन्‍ने नम्मुता बेसता कबुर तप्‍पा वेरे कबुरगिंटा वेहानय्ते पेन ओन नासडेम किय्यि.

गलातिया 3:10

गानि बोर अय्ते मूसाना नियमतुन नम्मिसि मनंतोरो, ओन्क सिराप सापनेमे दोर्कंता. बारित्‍ते, “मूसाना नियमते रासि मत्‍ता अन्‍नि नियमकुन अन्‍नि वेलाते बरोबर पीसि ताकवोर अंटोर्क पेनदा सापनेम दल्‍गंता,” इंचि दर्मसास्‍त्रमते रासतद मंता.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.

2 पत्रु 2:14

ओरा कळ्‍क बोगमतनमते निंडिस मंतां. ओर पापम कियाका मन्‍ना पर्रुर. विस्वासमते गट्‍टिगा हिल्वोर्कुन नळेह कीसि पापमते अरहंतुर. ओरा मनसु आस्तिक अलवट आसि मंता. ओर सापनेमते मत्‍तोरा मर्क आंदुर,