गलातिया 1:1 - पवित्र पोल्‍ले

¹ नना येसु किरिस्‍तुना वरोर प्रेरितुन आंदुन, नावा पोरोल पौलुस. नना प्रेरित इंचि मनकालोराहेंदालो हिलाकोंटे बोरो वरोर मनकल नाकुन कीताहेंका आया हिल्‍लेन, गानि कुद्‍दु येसु किरिस्‍तु आनि ओन हामुरताल मर्रा जीवाते तेहता आ पेनबाबाले नाकुन केयतोर.

गलातिया 1:1 Iomraidhean Croise

योहान 10:30

बाबल, नना मोमोट इव्वुरोम उंदे आंद,” इंचि इत्‍तोर.

योहान 20:21

येसु मर्रा उंदि मल्का ओर्कुन, “मीकु सांति दोर्कि. बाबाल नाकुन ई दुनियाते लोहताप, ननागुडा मीकुन ई दुनियाते लोहंतन,” इंचि इत्‍तोर.

योहान 5:19

अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

प्रेरितुल्‍कुना कबाह्‍क 22:10

पजा, अय्ते नना बतल कीकन सामि? इंचि पूसकीतस्‍के, “निमे तेदसि दमिस्‍क सहरते होन. बव कबाह्‍क अय्ते कियालय नना नीकुन पेरकुत्‍तनो अव कबाह्‍क अगा नीकु वेहमळ जर्गंता.” इंचि सामि नाकु वेहतोर.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

प्रेरितुल्‍कुना कबाह्‍क 9:6

निमे इंदके तेदसि सहरतेके होन. बतल कियमळो अद नीकु अगा वेहमळ जर्गंता,” इंचि इत्‍तोर.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

रोम सहरतोरहाटीं पौलुसना सिट्‍टि 10:9

अद बल्हा इत्‍ते, नीवा पिस्वरते, येसुए नावा सामि इंचि निमे तोळ्‍दाल ओप्‍कुंचि, ‘ओन पेन हातोरव्टेटाल मर्रा जीवाते तेहता,’ इंचि निमे नीवा मनसुनाल विस्वासम कीते, पेन नीकु मुक्‍ति हींता.

रोम सहरतोरहाटीं पौलुसना सिट्‍टि 14:9

जीवाते मत्‍तोर आयि, हासोत्‍तोर आयि, अंटोर्कुंक सामि आसि मनना इंचि किरिस्‍तु हासि मर्रा जीवाते तेदतोर.

1 कुरेंति 1:1

नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

गलातिया 1:15

गानि पेन मात्रम नना यावाना पीटे मननेंकेन नाकुन पेरता. पजा दाना कुर्पाते नाकुन केय्‍सि, दाना मर्रि येसु किरिस्‍तुना बारेमते तेळियागोट्‍सि वेहता.

गलातिया 1:17

नाकन्‍ना मुन्‍ने आता प्रेरितुल्कुंक कलियना इंचि येरुसलेमगुडा होना हिल्‍लेन. दाना बदुल, अस्केटद अस्‍केन नना अरब इनना देसेम होंचि, पजा दमिस्‍क सहरतेन मल्सि वातन.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

2 तिमोति 1:1

पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.

तीतु 1:3

बरोबर गावाले मत्‍ता वेलातेन पेन दाना पोल्‍लेन मनाकु वेहचि हुपिस्‍ता. इदे बेसता कबुरतुन वेहनाहाटीं मनाकुन कापाळना पेन नाकु आदेस हीसि अप्पजेपता.

इब्रि 13:20

सांति हिय्यना पेन दाना विचारम परकारम मिमेट कियालय, मीकु अन्‍नि तीरकुना बेसता पोल्‍लें हिय्यि. येसु किरिस्‍तुनाहेंदाल मीवा पिस्वरते दान्क नच्‍चना पोल्‍लें जर्गिं. किरिस्‍तु येसुना नेत्‍तुरहेंदाल पेन मातोनि बस्‍केळ्‍क मननाहाटीं पूना करारतुन निल्‍हाता. इद पूना करार निल्‍लना इंचि पेन येसुन हामुरताल मर्रा जीवाते तेहाता. इल्‍हा येसु किरिस्‍तु मावा बेस मेहानोर आतोर. मनकालोर अंटोर बस्‍केळ्‍ताहाटीं ओन्‍के कदर हिय्यिर. आमीन.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 2:8

स्मुरना सहरता कलिसियाता दूताक इल्‍हा रासा. बोर अय्ते मोदोल आनि आकिर आंदुर, बोर अय्ते हासि मर्रा जीवाते तेदतोर ओर बतल इंतोर इत्‍ते,