इपीसि 6:5 - पवित्र पोल्‍ले

⁵ दासुल्‍कुरिटा! इद बूमिपोर्रोटा मीवा मालकुल्‍कुना पोल्‍लेपोर्रो मंटु. मिमेट किरिस्‍तुना कदर कीताप, ओरदगुडा कपटम हिलुवा मनसुनाल कदर कीसेके ओर्कु वेरियसि ताकट.

इपीसि 6:5 Iomraidhean Croise

मत्‍तयाल 6:22

मीवा कळु मेंदुलता वेडसि आंदु. अदुनहाटीं मीवा कळु बेस मत्‍ते, मीवा मेंदुलंता वेलगु मनंता.

मत्‍तयाल 6:24

अल्हेन वरोर मनकल इव्वुर मालकुल्कुनगा सेवा किया पर्रोर. अल्हा सेवा कीते ओर वरोन बेस पावरम कींतोर, इंकावरोन हयसोर. हिलाकोंटे वरोना पोल्‍ले बेस केंजंतोर इंकावरोना पोल्‍ले बारे केंजोर. इंचि मिमेट पेनदुन आनि दनमतुन उंदे मल्का सेवा किया पर्रिर.

प्रेरितुल्‍कुना कबाह्‍क 2:46

रोज गुळिते उंदि मनसुने जमा आयुंदुर. ओर लोन-लोन हारि उराहचि, आनंदमते पीटे बतले अन्‍समन्‍स हिलाकोंटा अंटोर कलियसि गाटो तिनुंदुर.

1 कुरेंति 2:3

नना मिहगा मननेंके मेंदुल्ते कमजोर आसि मत्‍तन. वेल्‍ले वेर्रेते वनुकसेके मत्‍तन.

1 कुरेंति 7:22

बारित्‍ते, दास आसि मत्‍तस्के निमे सामिन विस्वासम कीतिन, अव्टेटाल इळबळतिन. इळबळतस्के सामिन विस्वासम कीतिन अय्ते किरिस्‍तुना दास आतिन.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 7:15

मिमेट अंटोर तीतु वेहताप नावा आदेसतुन केंजतिर, वेर्रेते, कदर हीसि ओनकु कलियतिर. इद मति वातस्के मुन्‍नेटकन्‍ना इंका एक्‍को ओना पावरम मीवाहाटीं बेर्संता.

इपीसि 5:22

मरमिं आता मुरताह्‍कुनिटा, बल्हा अय्ते मिमेट सामिंकु लोंगिस मंतिटो, अल्हेन मिमेट मीवा मुय्‍दुर्कुंकगुडा लोंगिस मंटु.

इपीसि 6:24

मना सामि येसु किरिस्‍तुन बोर अय्ते आगाकोंटा पावरम कींतुर, ओर अंटोरतोनि पेनदा कुर्पा हमेसा मन्‍निकांटी.

पिलिपिया 2:12

अदुनहाटीं नावा पावरमगल्‍ला विस्वासुल्‍कुनिटा! नना मीकु वेहनद बतल इत्‍ते, नना मीवातोनि मत्‍तस्के बस्‍केळ्‍क मिमेट नना वेहतापे ताकतिट. इंदके नना मीवातोनि हिलाकोन्‍ना गानि अस्केटदानकन्‍ना एक्‍को जेगर्ताते सामिना आदेसकुन पीसि ताकट. पेनदा इच्‍चा परकारम बतलन्‍ना कीकुनगोम इंचि मीवा मनसुने वाता इत्‍ते, अद इच्‍चा पेने मीवा मनसुने वाटता. अदुन पूरा कियालय गावाले मत्‍ता ताकतगुडा मीकु पेने हींता. इंचि पेनदुन बेस कदर कीसेके, वेर्रे कोद्‍दिगा पेन हीता मुक्‍ति परकारम मत्‍ता कबाह्‍क कीसेके पिस्‍सट.

पिलेमोन 1:16

इंदकेटाल ओनेसिमुसुन दासुनलेक्‍काते आयो गानि, दासुंकन्‍ना एक्‍को, इत्‍ते नीवा दंटाता वरोर विस्वासि दादाना लेक्‍काते हूळकुन. नना अय्ते ओन बच्‍चोनो पावरम कींतन. गानि इंदके ओर सामिन विस्वासम कीसि, नीतोनि मनंतोर, निमेगुडा ओन नाकन्‍ना एक्‍को पावरम कीम.