इपीसि 6:19 - पवित्र पोल्‍ले

¹⁹ इंका नना बस्के-बस्के अय्ते पेनदा पोल्‍लें कराहलय तोड्‍डि तेहांतन, अस्‍के-अस्‍के नाकुंदि बेसता कबुर दोर्कालय नावाहाटींगुडा पारतना कीम्‍टु. दीनहेंदाल नना पेनदा बेसता कबुरते मत्‍ता मर्ममतुन वेरियाकोंटा वेरेतोर्क वेहा परकन.

इपीसि 6:19 Iomraidhean Croise

प्रेरितुल्‍कुना कबाह्‍क 13:46

गानि पौलुस आनि बरनाबास वेरियाकोंटा, मीकु पेनदा पोल्‍ले मुन्‍नेने वेहना अव्‍सरम मत्‍ता, गानि मिमेट दान हय्सका, बस्‍केळ्‍क पिस्सना पिस्वरकु लक्‍कु आताप हुपिस्‍तिर. अदुनहाटीं इंदके मोमोट यहुदि आयवोरहेके दांतोम.

प्रेरितुल्‍कुना कबाह्‍क 14:3

अय्नागानि पौलुस आनि बरनाबास अगा वेल्‍लेने रोजकु आगिसि मत्‍तुर. सामिना कुर्पाता बारेमते वेरियाकोंटा वेहचेके मत्‍तुर. ओर वेहना पोल्‍लें निजम इंचि गवाइ हुप्‍सालय सामि ओरा कय्‍दाल चिन्‍हां, इचंत्रमता कबाह्‍क हुप्‍सुंदुर.

प्रेरितुल्‍कुना कबाह्‍क 18:26

अय्ते ओर यहुदिल्कुना दर्मसास्‍त्रम कराहना लोते होंचि वेरियाकोंटा वळकालय सुरुव कीतोर. उंदि मल्का ओर वळ्कानेंके पिरिसकिला आनि अकविला ईर इव्वुर ओना पोल्‍लें केंजतुर. केंजसि ओन दग्गेर्क केयकुंचि ओन्क पेनदा हर्दा बारेमते इंका बेस तेळियागोट्‍सि वेहतुर.

प्रेरितुल्‍कुना कबाह्‍क 19:8

आयंका पौलुस मूड नेल्कुनदाका यहुदिल्कुना दर्मसास्‍त्रम कराहना लोते होनुंदुर. वेरियाकोंटा ओरतोनि चर्चा कीसि पेनदा राज्येमता बारेमते ओर्कु तेळियागोट्‍सि वेहुंदुर.

प्रेरितुल्‍कुना कबाह्‍क 2:4

ओर अंटोर पवित्र आत्माते निंडिस होत्‍तुर, आ आत्मा ओर्कु वळकाना बलम हीता परकारम ओर वेरे-वेरे बासाने वळ्‍कमळ सुरुव कीतुर.

प्रेरितुल्‍कुना कबाह्‍क 28:31

वेरियाकोंटा, आगाकोंटा पेनदा राज्येम बारेमते वेहुंदुर, येसु किरिस्‍तुना बारेमते कराहुंदुर.

प्रेरितुल्‍कुना कबाह्‍क 4:13

ओर पत्रुन आनि योहानुन हूळसि इस्कुल करियवोर, सादा मनकालोर आंदुर इनकुत्‍तुर, गानि ओरा दैरनेम हूळसि इचंत्रम आतुर. अस्‍के ईर येसुनतोनि मत्‍तोर आंदुर इंचि ओर्कुन एरपाट कीतुर.

प्रेरितुल्‍कुना कबाह्‍क 4:29

अदुनहाटीं, सामि! इंदके ओर वेराहसेक हूळा, नीवा पोल्‍ले दैरनेमते वेहालय सेवाकुल्कुंक बलम हीम.

प्रेरितुल्‍कुना कबाह्‍क 4:31

पारतना कीतारित्‍ते, ओर जमा आसि मत्‍ता जेगा मेदुलता, ओर अंटोर पवित्र आत्माते निंडिसोंचि पेनदा पोल्‍ले वेरियाकोंटा वेहालय दल्‍गुतुर.

प्रेरितुल्‍कुना कबाह्‍क 9:27

बरनाबास मात्रम साऊलुन पीसि प्रेरितुल्कुनहेके वातोर. साऊल वायनेंके हर्दे येसु सामिन बल्हा हूळतोर, येसु सामि ओनतोनि बल्हा वळकुतोर, दमिस्‍कते ओर येसु सामिना पोरोलता बारेमते बल्हा वेरियाकोंटा वेहतोर, इव अन्‍नि पोल्‍लें ओर्कु वेहतोर.

प्रेरितुल्‍कुना कबाह्‍क 9:29

ओर युनानि बासा वळ्‍काना यहुदिल्कुनतोनि सामिना बारेमते वळ्‍कुंदुर, चर्चा कियुंदुर. गानि ओर मात्रम ओन हव्कालय हूळतुर.

रोम सहरतोरहाटीं पौलुसना सिट्‍टि 15:30

विस्वासुल्‍कुनिटा! मना येसु किरिस्‍तु सामिनाहेंदाल आनि पवित्र आत्माता पावरमहेंदाल मीकु बतल विनंति कीसेक इत्‍ते, यहुदिया एरियाते मनना अविस्वासि लोकुल्‍कुना कय्‍दाल नना पिस्सना आनि येरुसलेमते नना कियना सेवातुन पेनदा लोकुल्‍क ओप्कुनना, इंचि मिमेट नावाहाटीं उंदि मनसुने पेनदुक पारतना कीम्‍टु.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

1 कुरेंति 1:5

किरिस्‍तुना गवाइ मीलोप्‍पो गट्‍टिगा मत्‍ता इंचि, मिमेट अन्‍नि तीरुकुने वळ्कुमळते आनि बुद्‍दिते निंडिस होत्‍तिर.

1 कुरेंति 2:7

मोमोट मर्ममते मक्‍किचि मत्‍ता पेनदा तेल्‍वितुन वेहंतोम, अद बूमि पुट्‍टका मुन्‍नेने मावा पेद्‍दातनमहाटीं पेन तयार कीसि इरता.

1 कुरेंति 4:1

अदुनहाटीं मोमोट किरिस्‍तुना सेवाकुल्‍कुम आनि पेनदा मर्ममता देकरेक कियानोरम आंदुम इंचि मीक तेळियमळ गावाले.

2 कुरेंति 1:11

वेल्‍लेटोरा पारतनाहेंदाल पेन मापोर्रो दया हुपिच्‍चि माकुन पिसागोटता, अदुनहाटीं वेल्‍लेटुर लोकुल्‍क माहेंदाल पेनदुक दन्यवाद कीसेक मंतुर. अय्ते मिमेटगुडा अंटोर कूळसि माहाटीं पारतना कीसि माक सहायम कीम्‍टु.

2 कुरेंति 3:12

अदुनहाटीं इदे आसेता हेंदाल मनम बच्‍चोरो दैरनेमते वळ्‍कंतोम.

2 कुरेंति 6:11

कुरेंति सहरतोरिटा! मोमोट अन्‍नि पोल्‍लें मीक कुल्‍लम-कुल्‍ला वेहतोम, मीहाटीं मावा मनसु कुल्‍ला मंता.

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

2 कुरेंति 8:7

मिमेट विस्वासमते, पोल्‍लेने, तेल्‍विते, अन्‍नि तीरुकुने कोसिस कियमळते आनि मावा पोर्रो मिमेट कियाना पावरमते बेर्सेक मंतिट. अल्‍हेने दानम कियाना कबळतेगुडा बेर्सेक होंदना.

इपीसि 1:9

पेन मुन्‍नेने निरनायम कीता, दाना इच्‍चा परकारम मत्‍ता मर्ममता पिलानतुन, मनाकु किरिस्‍तुनाहेंदाल कुल्‍ला कीसि वेहता.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

1 तेसलोनि 2:2

गानि दीनकन्‍ना मुन्‍ने पिलिपिया सहरते माकुन बदनाम कीसि वेल्‍लेन दुक्‍कम हीतुर. लोकुल्‍क माकुन बागाने विरोद कीतुर. विरोद किय्यिनागानि पेनदा बेसता कबुर मीक वेहालय पेन दैरनेम हीता, इदगुडा मीकु एरपाटे मंता.

1 तेसलोनि 5:25

विस्वासुल्‍कुनिटा! मावाहाटीं पारतना कीम्‍टु.

2 तेसलोनि 3:1

विस्वासुल्‍कुनिटा! मीक आकिरते वेहानद बतल इत्‍ते, सामिना पोल्‍ले मीलोप्‍पो पैलांचतापे, वेरेतोरा लोप्‍पोगुडा बिराना पैलांचि पेद्‍दातनम दोर्कनाहाटीं पारतना कीम्‍टु.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

पिलेमोन 1:22

अल्‍हेने, नाहाटीं मंदालय उंदि जेगा हूळसि इर्रा. मिमेट किय्‍याना पारतनां केंजसि सामि नाकुन मिहगा लोहंतोर बारे इत्‍ता आसे नाकु मंता.

इब्रि 13:18

माहाटीं पारतना कीसेके मंटु. अन्‍नि तीरकुने मोमोट निजम बतल अदे कीसेके, बेस कदरते पिस्सेक मंतोम. इंका मावा बुद्‍दिगुडा सत्‍तेम मंता इत्‍ता बरोसा माकु मंता.