इपीसि 6:17 - पवित्र पोल्‍ले

¹⁷ इंका मुक्‍तितुन हेल्‍मेटलेह्का तल्‍लक कळाह्सि, आत्माता कसेर इत्‍ते पेनदा पोल्‍लेतुन कसेरलेह्का कय्‍दे पीकुंटु.

इपीसि 6:17 Iomraidhean Croise

मत्‍तयाल 4:4

अस्‍के येसु इल्‍हा जवाब हीतोर, “मनकल सिराप वट्‍टि हारिं तिंचे पिस्‍सोर, गानि पेनदा तोळ्‍दाल पेय्‍सना उंदि-उंदि पोल्‍लेताहेंदाल पिस्संतोर. इल्‍हा दर्मसास्‍त्रमते रासि मंता.”

मत्‍तयाल 4:7

अस्‍के येसु दान इल्‍हा इत्‍तोर, “निमे सामि इनना नीवा पेनदा पट्‍टु हूळमा, इल्‍हागुडा दर्मसास्‍त्रमते रासि मंता.”

इपीसि 5:26

अस्‍के दान किरिस्‍तु, पेनदा पोल्‍लेतोनि सक्‍कगा साप नोर्सि पवित्र कींतोर.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

इब्रि 4:12

बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता.

इब्रि 6:5

ओर अय्ते स्वर्गमताल दोर्कना वराल्‍कुना रुसि हूळतुर, पवित्र आत्माते पालिगाह्क आतुर, इंका पेनदा बेस पोल्‍लेनद आनि वायना कालमता ताकतता रुसि हूळतुर,

पेन हुपिस्‍ता पोल्‍लें 1:16

ओर ओना तिना कय्‍दे एडुं सुक्‍कान पीसि मत्‍तोर. ओना तोळ्‍दाल रोंडु बाजुकुंक आयदार्क मत्‍ता कसेरलेसीं पेय्सेक मत्‍ता. पिय्यल आतस्के पोळ्‍दु बल्हा मेर्संता अल्हा ओना तोड्‍डि मेर्सेक मत्‍ता.

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 19:15

अन्‍नि देसेल्‍कुनोर्कुन हव्कनाहाटीं ओना तोळ्‍दाल उंदि वेल्‍लेन करा-करा मत्‍ता कसेर पलाते पेय्संता. ओर आ देसेल्‍कुनापोर्रो कडक राज्येम ताकसंतोर आनि अन्‍निटकन्‍ना सक्‍तिमंतुड पेनदा होंगुना अंगुर रसमता गानगु पोक्‍कातुन जारांतोर.

पेन हुपिस्‍ता पोल्‍लें 2:16

अदुनहाटीं मीवा मनसु मार्सकुंटु. इल्‍हा कियाकोंटे नना बिरानेन मिहगा वासि, ना तोळ्‍दा कसेरतोने ओरतोनि लडाइ कींतन.