इपीसि 6:14 - पवित्र पोल्‍ले

¹⁴ अदुनहाटीं मिमेट सत्‍तेमतुन नडि पट्‍टालेह्‍का दोह्‍चि, नीतितुन इनुम अंगिलेह्का मेंदुल्क केरसि,

इपीसि 6:14 Iomraidhean Croise

लूकाल 12:35

“मरमिना कुळपुने होंचि वायना मालकुन एदुर हूळसेक मनना सेवाकुल्कुनलेसीं कबळ कियालय बस्केळक नडिकट्‍टु दोहचि तयार मंटु. अल्हे मीवा वेडसिन इंका बस्केळक एल्‍गिच्‍चे इर्राट. अल्हा मत्‍ते बतल आंता इत्‍ते, मालक वासि तल्‍पुन तंता तन्‍मडे तल्‍पु तेंडालय अल्कगा मनंता.

रोम सहरतोरहाटीं पौलुसना सिट्‍टि 13:12

इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

इपीसि 5:9

वेलगुने पिसते सिराप अन्‍नि तीरकुना बेसतनम, नीतितनम आनि निजम इवे दिसंतां.

इपीसि 6:13

इंचि आ सेड्‍डा रोजकु वातस्के वेरियाकोंटा नित्‍तालय मिमेट पेन हीता अन्‍नि आयुदाल्कुन पीकुंटु. अस्‍के मिमेट कियानद अन्‍नि पुरागा कीसि आकिरदाकागुडा नित्‍तिसि मना परकिट.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

पेन हुपिस्‍ता पोल्‍लें 9:17

नना हूळता दर्सनमते, आ गुर्राल्कुनपोर्रो उद्‍दिस मत्‍तोर केरता कच्‍चिता अंगिं, तळमितलेसीं रगारगा, नेळि पंडि रंगुलेसीं आनि गंदकम रंगुनव मत्‍तां. अवुना तल्‍लां सिंहमता तल्‍लानलेसीं दिस्सेक मत्‍तां. इंका अवुना तोळ्‍दाल तळमि, पोया, गंदकम पेय्सेक मत्‍ता.

पेन हुपिस्‍ता पोल्‍लें 9:9

अव कच्‍चिता अंगिं केरसि मत्‍तां. अवुना रेक्‍काना आवाज अय्ते, लडाइ कियालय वित्‍तना वेल्‍लेन गुर्राल्कुना रताल्कुनलेसीं मत्‍तां.