इपीसि 6:13 - पवित्र पोल्‍ले

¹³ इंचि आ सेड्‍डा रोजकु वातस्के वेरियाकोंटा नित्‍तालय मिमेट पेन हीता अन्‍नि आयुदाल्कुन पीकुंटु. अस्‍के मिमेट कियानद अन्‍नि पुरागा कीसि आकिरदाकागुडा नित्‍तिसि मना परकिट.

इपीसि 6:13 Iomraidhean Croise

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

लूकाल 8:13

विज्‍जां अरता बंडाना गेर्से जेगातसंटोर बोर इत्‍ते, बोर अय्ते पेनदा पोल्‍लेतुन कुसिते केंजसि दान ओप्‍कुंतुर. गानि ओरा मनसुने पेनदा पोल्‍ले गट्‍टि पळुवाहाटीं, ओर कोन्‍नि रोजके विस्वासमते मनांतुर. पजा पट्‍टु हूळना वेला वातस्के विस्वासमताल ओर लक्‍कु आंतुर.

रोम सहरतोरहाटीं पौलुसना सिट्‍टि 13:12

इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

इपीसि 5:16

इव रोजकु बेसतव आयों, इंचि दोर्कता हरेक मोकातुन बेसताहाटीं वाळकुंटु.

इपीसि 5:6

उत्‍तुत्‍ता पोल्‍लें वळ्‍किसि मीकुन बोरन्‍ना पोक्‍कते अरहानायो हुळाट. बारित्‍ते इसोंटा कबाह्कुनहेंकेन पेन दाना आदेस परकारम ताकवोरपोर्रो होंग हुपसंता.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

याकोब 4:7

अदुनहाटीं पेनदा पोल्‍लेपोर्रो ताकट, देय्यमकु एदुर तिरियट. अस्‍के अद मिहागटाल वित्‍तंता.

1 पत्रु 4:1

बल्हा अय्ते किरिस्‍तु मेंदुल्ते मत्‍तस्के तकलिप बोगांचतोर, मिमेटगुडा ओनसोंटा मनसु इर्सि दान मीवा विस्रेलेसीं वाळकुंटु. बारित्‍ते, बोर अय्ते तकलिप बोगांचंतोर, ओर पापमतुन होळसींतोर.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 6:17

बारित्‍ते, पेनदा होंग हुप्‍सना कतरनाक रोजु एवता. ओरा मुन्‍ने बोर नित्‍ता परांतुर?” इंचि इनालय दल्‍गतुर.