इपीसि 6:11 - पवित्र पोल्‍ले

¹¹ देय्यमता ताकतता मुन्‍ने वेरियाकोंटा नित्‍तालय मिमेट पेन हीता अन्‍नि आयुदाल्कुन वाळकुंटु.

इपीसि 6:11 Iomraidhean Croise

रोम सहरतोरहाटीं पौलुसना सिट्‍टि 13:12

इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

1 कुरेंति 10:13

अंटोर्क वायानसोंटवे परिक्‍सां मीक वातां, दानकन्‍ना एक्‍को परिक्‍सां मीक वाया हिल्‍लें. गानि पेन विस्वासमगल्‍लद आंद. अद मीतोनि आया परवसोंटा एक्‍को परिक्‍साने अर्रा हिय्यो, परिक्‍सां वाते मिमेट सहन कियागोम इंचि अव्टेटाल पेय्‍सना हर्रिगुडा पेन कींता.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 कुरेंति 2:11

मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

इपीसि 4:24

पूना गुनाल्‍कुन पेन दानालेह्‍का सत्‍तेमते तयार कीता, पवित्र कीता. अदुनहाटीं मीवा पडाना गुनाल्‍कुन होळसिसि पेन हियाना पूना गुनाल्‍कुने ताकट.

इपीसि 6:13

इंचि आ सेड्‍डा रोजकु वातस्के वेरियाकोंटा नित्‍तालय मिमेट पेन हीता अन्‍नि आयुदाल्कुन पीकुंटु. अस्‍के मिमेट कियानद अन्‍नि पुरागा कीसि आकिरदाकागुडा नित्‍तिसि मना परकिट.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

1 तेसलोनि 5:8

गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

इब्रि 7:25

अदुनहाटीं येसु, ओनाहेंदाल बोर अय्ते पेनदागा वांतुरो, ओराहाटीं विनंति कियालय ओर बस्‍केळ्‍क जीवातेन मनंतोर. इल्‍हा येसु माकुन पुरागा पिसागोटा पर्रांतोर.

याकोब 4:7

अदुनहाटीं पेनदा पोल्‍लेपोर्रो ताकट, देय्यमकु एदुर तिरियट. अस्‍के अद मिहागटाल वित्‍तंता.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 2:24

गानि तुयतीराते अद कराहताप ताकवोर कळमतोर मिमेट बोर अय्ते विस्वासिर मंतिरो, मीक नना बतल वेहांतन इत्‍ते, मिमेट देय्यमता लोप्पोटा मर्ममतुन एरपाट किया हिल्‍लिर अदुनहाटीं नना मीपोर्रो इंका बर्वु वाटोन.