इपीसि 6:10 - पवित्र पोल्‍ले

¹⁰ आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

इपीसि 6:10 Iomraidhean Croise

1 कुरेंति 16:13

इंदके मिमेट उसारते मंटु, विस्वासमते गट्‍टिगा मंटु, दैरनेमते मंटु, बलमगल्‍लोर्क आसि मंटु.

2 कुरेंति 13:11

विस्वासुल्‍कुनिटा! नना आकिरते वेहानद इदे गदा, कुसिते मंटु. मीवा गुनम बेस इर्राट, वरोंक-वरोर दैरनेम हीम्टु, उंदि मनसुने मंटु, सांतिते मंटु, अस्‍के पावरम आनि सांति हियाना पेन मीवातोनि मनंता.

इपीसि 1:19

अचोने आयाका किरिस्‍तुन हामुरताल मर्रा जीवाते तेहाचि स्वर्गमते दाना तिना बाजुंक उपिच्‍नेंके पेन दाना पेद्‍दा ताकततुन हुपिस्‍ता. अय्ते मनम किरिस्‍तुन विस्वासम कियानोरम उंदि आयालयगुडा अदे पेद्‍दा ताकत दानागा मंता. पेनदा ताकत बस्‍केन मारो, इदुन पेन मीकु तेळियागोट्‍टि इंचि नना विनंति कीसेके मंतन.

इपीसि 3:16

पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

पिलिपिया 3:1

विस्वासुल्‍कुनिटा! आकिरते नना इंकुंदि मल्का वेहांतन, पेनदापोर्रोटा मीवा विस्वासमते मिमेट कूस मंटु. रासता पोल्‍लेंगें ऊके-ऊके रासालय नाक बतल तकलिप आयो. बारित्‍ते इव पोल्‍लें मीकुन तप्‍पुड बोदानाल कापाळंतां.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

1 पत्रु 3:8

आकिरते, मिमेट उंदि मनसुने वरोंक-वरोर पावरम कियमळते, उंदि लोतोरलेसीं जीवा कियमळते, इंकावरोनहाटीं जीवा नोयमळते, सादा-सिंपल मनमळते अंटोर उंदि आसि मंटु.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 योहान 2:14

बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट गट्‍टिपळतिर. पेनदा पोल्‍ले मीलोप्‍पो निल्‍सि मनंता. मिमेट सेड्‍डातनमतुन गेल्‍सतिर, इंचि नना मीकु रासेक मंतन.