इपीसि 5:8 - पवित्र पोल्‍ले

⁸ उंदास्के मिमेट हीकटते पिस्सेक मत्‍तिर. गानि सामिनपोर्रो बरोसा इरताहाटीं इंदके मीकु पेनदा वेलगु दोर्कता. अदुनहाटीं वेलगुने पिस्‍सानोरा संतानमलेह्का ताकट.

इपीसि 5:8 Iomraidhean Croise

मत्‍तयाल 3:8

अय्ते मरि, निजमे मीवा मनसु मार्सुकुत्‍तिर इंचि रुजुव कीसि हुप्‍सट.

मत्‍तयाल 4:16

बोर अय्ते लोकुल्‍क हीकटते उदिस मत्‍तुरो ओर पेद्‍दा वेलगुन हूळतुर. आनि बोरपोर्रो अय्ते हामुरता नीडा अर्सि मत्‍तानो, ओर अंटोरपोर्रो वेल्‍गु अरता.”

लूकाल 1:79

हामुर इनना नीडा आनि पापमता हीकटते मनना मनापोर्रो, ओर वेल्‍गु अराहचि, मनाकुन सांतिता हर्दे ताकसंतोर.” इंचि इत्‍तोर.

लूकाल 16:8

“पजा सेड्‍डा कबाह्‍क कियाना दिवांजि तेल्‍विते कीता कबाह्‍कुन आ सिरमंत मनकल हूळसि, ‘निमे उसार मंतिन’ इंचि ओन इत्‍तोर. इल्हेने पेनदा लोकुल्‍कुंकन्‍ना एक्‍को, पेनदुन एरपाट किय्युवा दुनियाता लोकुल्‍क वरोंक-वरोर हियमळ-एतमळते वेल्‍ले तेल्‍विते मनांतुर.

योहान 1:9

हरेक मनकंक निजमाता वेलगु हियानोर, इद दुनियाते वासेक मत्‍तोर.

योहान 12:35

अस्‍के येसु, “वेलगु मीतोनि इंका जेरासेप मनंता. हीकट मीकुन मुच्‍चका मुन्‍नेन, वेलगुने मिमेट ताकसेके मंटु. बारित्‍ते हीकटते ताकानोर, ओर बगा दांतोर ओनद ओन्‍के तेळियो.

योहान 12:36

मीकु इद वेलगुना संतानम आयानद मत्‍ते, मिहगा वेलगु मननेंकेन मिमेट दानपोर्रो विस्वासम इर्रट,” इंचि येसु ओर्क वेहतोर. वेहचि ओर्क दिसाकोंटा ओरागटाल होत्‍तोर.

योहान 12:46

नापोर्रो विस्वासम इर्रनोर ओर बोरे आयिर, हीकटते मनानायो, इंचि नना इद दुनियाते वेल्‍गुनलेह्का वातन.

योहान 8:12

पजा येसु, “नना दुनियातोराहाटीं वेलगु आंदुन. बोर अय्ते नावा पज्जो ताकंतोर, ओनगा पिस्वरताहेके ओयना वेळसि मनंता, अदुनहाटीं ओर बस्‍केने हीकटते ताकोर,” इंचि वेहतोर.

प्रेरितुल्‍कुना कबाह्‍क 17:30

मुन्‍नेटा लोकुल्‍कुना पेनदा बारेमते तेल्वि तक्‍को लेक्‍कनहेंका पेन ओर्कुन हूळसिगुडा हूळवाप कीता. गानि इंदके मात्रम दुनियाता अंटोर लोकुल्‍क मनसु मार्सकुननाहाटीं आदेस हीसंता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

रोम सहरतोरहाटीं पौलुसना सिट्‍टि 1:21

ओर पेनदुन अय्ते एरपाट कींतुरे, गानि पेनदुन बल्हा अय्ते तल्‍सकुनागोम अल्हा तल्सकुन्‍नुर इंका दाना कदरगुडा किय्युर. अल्हा किय्यका ओर अट्‍टि विचाराल्क कीसि ओरा मनसुने हीकटा कीकुत्‍तुर.

रोम सहरतोरहाटीं पौलुसना सिट्‍टि 13:12

इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

रोम सहरतोरहाटीं पौलुसना सिट्‍टि 2:19

मिमेट इल्‍हा इंतिर गदा, “गुड्‍डिर्कुनलेसीं मनानोर्कुंक हर्रि हुप्‍संतोम, हीकटा पिस्वर पिसानोर्कुंक वेल्‍गुनलेसीं मनंतोम.”

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

2 कुरेंति 6:14

विस्वासम कियवोरतोनि मिमेट जोडि आयमटु. बारित्‍ते नीतितद आनि नीति हिल्‍वद इव बल्हा कलिया परांतां? वेल्‍गु आनि हीकट बल्हा दंटा आया पर्रंता? आया पर्रों.

गलातिया 5:25

मनमगिंटा पेनदा आत्माते पिसानय्ते, आत्मा वेहतापे ताककोम.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

इपीसि 4:18

ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 6:12

मना लडाइ मनकालोरा विरोदमते आयका, हीकट राज्येमतुन ताकसानोरा विरोदमते, हीकट राज्येमता अदिकारिल्कुना विरोदमते, हीकट राज्येमते मनना सक्‍तिना विरोदमते आनि मब्बुने दिस्‍सना दुस्‍ट सक्‍तिना विरोदमते मंता.

कुलुसि 1:12

अदुनहाटीं पेनबाबांक मिमेट दन्यवाद कीम्‍टु. ओर मनाकुन वेलगुने मंदना पेनदा लोकुल्‍कुना वारसानहक्‍कुते तूस एताना लायक कीतोर. मनाकुन हीकटता कय्‍दाल इळबळिच्‍चि ओना पावरमगल्‍ला मर्रिना राज्येमते होळाहतोर.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.