इपीसि 5:4 - पवित्र पोल्‍ले

⁴ अचोने आयका रोता पोल्‍लें, तेल्वि तक्‍को पोल्‍लें, कराब कारेड्‍डाल्‍क मिमेट कियानायो, मीकु अव सोबांचों. मीवा तोळ्‍दाल सिराप पेनदुक दन्यवाद इनना पोल्‍लेंगे पेय्‍सगोम.

इपीसि 5:4 Iomraidhean Croise

मरकुस 7:22

आस्‍ति कियमळ, दुस्‍ट गुनम, डोंगिगुनम, मेंदुलता आसे, कळ्‍क पोतमळ, अपमानम कियमळ, गर्रा आनि मुर्का गुनाल्‍क पलाते पेय्‍संतां.

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

2 कुरेंति 1:11

वेल्‍लेटोरा पारतनाहेंदाल पेन मापोर्रो दया हुपिच्‍चि माकुन पिसागोटता, अदुनहाटीं वेल्‍लेटुर लोकुल्‍क माहेंदाल पेनदुक दन्यवाद कीसेक मंतुर. अय्ते मिमेटगुडा अंटोर कूळसि माहाटीं पारतना कीसि माक सहायम कीम्‍टु.

2 कुरेंति 9:15

पेन हीता वेहा परवच्‍चो वरमताहाटीं दानकु दन्यवाद आयि.

इपीसि 4:29

मीवा तोळ्‍दाल बस्‍केन कराब पोल्‍ले पेय्‍सानायो. केंजानोर्कुंक कुर्पा दोर्किसि, ओरा बक्‍तिते पायदा वायाना बेसता पोल्‍लेंगे पेय्‍सगोम. ओरा अव्‍सरमतुन पीसि मिमेट वळ्‍काना.

पिलिपिया 4:6

बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.

कुलुसि 3:8

गानि इंदके मिमेट होंग आयमळ, गुल्‍गमळ, पगा पियमळ, अपमानम कियमळ, तोळ्‍दाल कराब पोल्‍लें वळ्‍कमळ इवन्‍निन होळसीम्टु.

1 तेसलोनि 3:9

मीवाहेंदाल मोमोट मना पेनदा मुन्‍ने वेल्‍ले कुसिते मंतोम. अदुना बारेमते मीवाहाटीं मोमोट पेनदुक वेल्‍लेने दन्यवाद कींतोम.

1 तेसलोनि 5:18

अन्‍नि परिस्तितिने मिमेट पेनदुक दन्यवाद कीम्‍टु, बारित्‍ते मिमेट येसु किरिस्‍तुनलोप्‍पो इल्हे मंदना इंचि पेनदा इच्‍चा मंता.

पिलेमोन 1:8

बद अव्‍सरमो अदुन कीम इंचि, किरिस्‍तुना पोरोल्ते नीकु वेहाना अदिकारम नाकु मंता. अय्नागानि नना पौलुसुन, मातरन आसि किरिस्‍तु येसुनाहाटीं जेलते मंचि, पावरमते नीकु विनंति कीसंतन.

इब्रि 13:15

अदुनहाटीं, येसु मनाहाटीं कीतदुन मति कीसि, बस्‍केळ्‍क मना तोळ्‍दाल पेनदा पोरोल येतसि, पारतना-दन्यवादाल्कुना मोक्‍कुल्क हीसेक मंदकोम.

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.