इपीसि 5:3 - पवित्र पोल्‍ले

³ मीवा नड्‍डुम बोगमतनमता बारेमते, अन्‍नि तीरकुना अपवित्र पोल्‍लेना बारेमते इंका आस्तिक संबंदिस्‍ता पोल्‍लेना बारेमते आयि, बस्‍केने उद्‍दुलिं जर्गानायो. बारित्‍ते पवित्र लोकुल्‍क इसोंटवुना बारेमते उद्‍दुलिंगुडा किय्युर.

इपीसि 5:3 Iomraidhean Croise

मत्‍तयाल 15:19

इत्‍ते कराब विचाराल्क, हव्‍कमळ, बोगमतनम, व्यबिचारम, दोंगातनाल्‍क, आबद्‍दम वळ्‍कमळ, अपमानम कियमळ इवन्‍नि पापि कबाह्‍क मनसुनाले पलाते पेय्‍संतां.

लूकाल 12:15

पजा येसु ओरतोनि, “बेस जेगर्ता मंचि, अन्‍नि लालचकुनाल मीवद मिमेटे लक्‍कु मंटु! बारित्‍ते मनकना पिस्वर वेल्‍लेन आस्‍ति मत्‍तेन बेस मनंता इंचि इनकुन्‍मट,” इंचि इत्‍तोर.

लूकाल 16:14

येसु इव पोल्‍लें वेहनेंके, अगा परिसिल्क मत्‍तुर. ओर कोत्‍ताना पोर्रो बागा जीवा कियुंदुर. अदुनहाटीं येसुना पोल्‍लें केंजसि ओन कारेड्‍डाल्‍क कीतुर.

प्रेरितुल्‍कुना कबाह्‍क 15:20

गानि बोम्मांक मोळ्‍कतदुन तिनामन्‍नि, व्यबिचारम कियामन्‍नि, गोंदके पिसकिसि हव्‍कता जिवरासिता हव्‍विं, नेत्‍तुरतुन तिनामन्‍नि इंचि ओर्क मनम रासि लोहकोम.

प्रेरितुल्‍कुना कबाह्‍क 20:33

नना बस्‍केने बोनहेंदाले एंडि-बंगारम हिलाकोंटे बेसता कपडि गावाले इंचि आसे पडा हिल्‍लेन.

रोम सहरतोरहाटीं पौलुसना सिट्‍टि 1:29

ओरा लोप्पो अन्‍नि तीरकुना कराब कबाह्‍क, पगा, आस्‍ति, सीडातनम निंडिस होत्‍ता. चुगलीं कियमळ, कळ्‍क पोतमळ, हव्‍कमळ, जगडाल्‍क कियमळ, विरोद कियमळ, नळेह कियमळ इसोंटा गुनम निंडिस ओर इंकावरोना बारेमते कराब विचारम कियानोर आतुर.

रोम सहरतोरहाटीं पौलुसना सिट्‍टि 16:2

अद वेल्‍लेटोर्क सहायम कीता, अल्‍हेने नाकगुडा सहायम कीता. अद मिहगा वायानय्ते, पेनदा लोकुल्‍क ओप्‍पनालायक मिमेट दान बेस हूळकुंटु. अल्‍हेने दान्क बतलन्‍ना अव्‍सरम मत्‍ते सहायम कीम्‍टु.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

1 कुरेंति 10:8

ओरागटाल इच्‍चुर बोगमतनम कियुंदुर. अदुनहाटीं ओराव्टेटाल उंदे रोजते इरवै मूड वेय्‍कुना मंदितुन हव्‍कमळ जर्गता. मनम ओरालेसीं बोगमतनम कियामन्‍नि.

1 कुरेंति 5:1

मीवा नड्‍डुम वरोर बोगमतनम कीतोर इंचि नाक केंजावाता. ओर ओना बाबोना मुत्‍तो इत्‍ते सिन्‍ना यावान इरकुत्‍तोर अले! इसोंटा तप्‍पुड कबळ अविस्वासुल्‍कगुडा किय्युर.

1 कुरेंति 6:13

गाटो पीटाहाटीं, पीर गाटोताहाटीं मंता इंचि मिमेट इंतिर, गानि पेन इव रोंडुन इंका नासडेम कींता. मेंदुल बोगमतनम कियालय आयो सामिनाहाटीं मंता, सामि मना मेंदुलताहाटीं मंतोर.

1 कुरेंति 6:18

व्यबिचारमताल लक्‍कु मंटु. मेंदुल्ता पलाताल वायना पापाल्क अच्‍चोर बतल किय्यों, गानि बोर अय्ते व्यबिचारम कींतोर, ओर ओनादे मेंदुल्क अड्‍डम पापम कींतोर.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

इपीसि 5:12

बारित्‍ते मक्‍किस कियना ओरा कबाह्‍कुना बारेमते वळ्‍कमळगुडा पेद्‍दा सिगलसेटे आंदु.

इपीसि 5:5

बारित्‍ते, बोगमतनम कियानोर, अपवित्र मनकल हिलाकोंटे लालचि मनकल (लालच कियमळ इत्‍ते, बोम्माना पूजें कीतापे आंता) ईरकु बोर्के आयि, किरिस्‍तुना आनि पेनदा राज्येमते वारसाहक्‍क हिल्‍ले, इंचि मीकु तेळियसे मंता.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

1 तेसलोनि 4:3

बारित्‍ते मिमेट बोगमतनमताल लक्‍कु मत्‍ते पवित्र मनंतिर, इदे पेनदा इच्‍चा आंद.

1 तेसलोनि 4:7

बारित्‍ते पेन मनाकुन पवित्र मनालय केयता, कराब मनालय आयो.

1 तिमोति 3:3

इंका ओर कल्‍लु उनानोर, मर्लाबळानोर, जगडम कियानोर मनामन्‍नि गानि मेत्‍तटा मनसुनोर मनगोम. ओन्क कोत्‍तना लालच मनामन्‍नि.

1 तिमोति 6:10

बारित्‍ते कोत्‍तन पोर्रोटा पावरम, अन्‍नि रकाल्कुना सेड्‍डातनाल्कुंक हर्रि पुट्‍टिचंता. बचुटूरो लोकुल्‍क ओरा इच्‍चान दोर्किच्‍कुननाहाटीं विस्वासमताल तप्‍सोत्‍तुर आनि ओरा पिस्वरते वेल्‍लेन दुक्‍कमतुन संपादिंच्‍कुंतुर.

2 तिमोति 3:2

बारित्‍ते अव रोजकुने मनकालोर सतता बारेमतेन विचार कींतुर, कोत्‍तन पावरम कींतुर, सतता बारेमते पेद्‍दा-पेद्‍दा पोल्‍लें वेह्‍कुंतुर, गर्राते मनंतुर, बदनाम कियानोर आंतुर, तल्‍लुर-बाबोना पोल्‍ले केंजुर, दन्यवाद वेहुर, अपवित्र आंतुर,

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

तीतु 1:7

बारित्‍ते आ अदिकारि पेनदा कबाटुन मुन्‍ने ताकसानोर आंदुर. अदुनहाटीं ओनपोर्रो बदे दोसेम मननायो, ओर जिद्‍दि मनकल मनामन्‍नि, ओर बिराना होंगुंक वायानोर आयामन्‍नि, ओर कल्‍लु उनामन्‍नि, जगडाल्‍क कियामन्‍नि, तप्‍पुड कमाइ कियानोर आयामन्‍नि.

तीतु 2:3

अल्‍हेने मातरिह्कुंक करहा गदा, अवुना पिस्वर पवित्र लोकुल्‍कुना पिस्वरलेह्का मंदना. वेरेतोरा पोर्रो दोसेल्क दोस्साकोंटा, कल्कु उनाकोंटा, अव बस्‍केळ्‍क बेसता बारेमतेन कराहगोम.

इब्रि 12:16

मीवा नड्‍डुम बोरे व्यबिचारम कियानोर हिलाकोंटे, एसावुनलेसीं नीति हिलुवा मनकल मनामन्‍नि. उंदि पूटाता गाटोहाटीं ओर ओना जेस्‍टम पालुंक विलुवा हिय्याकोंटा तम्मुंक अम्मुकुत्‍तोर.

1 पत्रु 5:2

मीवा जिम्मेदारिते मत्‍ता पेनदा मंदातुन पोस कीम्‍टु. इद कबळ बलमिते आयो गानि पेनदा इच्‍चा परकारम कुसिते कीम्‍टु, दोंगा कमाइताहाटीं आयो गानि मनसुनाल कीम्‍टु.

2 पत्रु 2:10

कास कीसि, बोर अय्ते पापमते अल्हेन मेंदुलता आसेता अदिकारमते मंतुर, ओर इरगा गर्रा आनि जिद्‍दिते निंडसि मत्‍ताहेंका स्वर्गमकु संबंदिंचि मत्‍तोर्कुनगुडा तेराहलय वेरियुर.

2 पत्रु 2:14

ओरा कळ्‍क बोगमतनमते निंडिस मंतां. ओर पापम कियाका मन्‍ना पर्रुर. विस्वासमते गट्‍टिगा हिल्वोर्कुन नळेह कीसि पापमते अरहंतुर. ओरा मनसु आस्तिक अलवट आसि मंता. ओर सापनेमते मत्‍तोरा मर्क आंदुर,

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

पेन हुपिस्‍ता पोल्‍लें 2:14

गानि नीवा विरोदमते नाकु कोन्‍नि पोल्‍लें वेहनद मंता. इस्राएल लोकुल्‍कुन हिड अरहानाहाटीं बिलाम इनना कबुरतोर बालाक इनना राजांक बतल अय्ते कराहतोरो, अवुन पीसि ताकानोर मीवा नड्‍डुम मंतुर. बोम्मांक मोळ्कता वस्‍तुकुन तिनगोम, बोगमतनम कियगोम इंजि बिलाम करहुंदुर.

पेन हुपिस्‍ता पोल्‍लें 2:21

मनसु मार्सकुननाहाटीं नना दानकु मोका हीतन, गानि बोगमतनमताल मनसु मार्सकुनालय दाना इच्‍चा हिल्‍ले.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.

पेन हुपिस्‍ता पोल्‍लें 9:21

अचोने आयका लोकुल्‍कुन हव्‍कमळ, होदें कियमळ, बोगमतनाल्क कियमळ, दोंगातनाल्‍क कियमळ इसोंटा कबाह्कुनालगुडा मनसु मार्सकुन्‍ना हिल्‍लुर.