इपीसि 5:27 - पवित्र पोल्‍ले

²⁷ अस्‍के अद पवित्र आनि दोसेम हिलाकोंटा आंता. पजा दान बदे कसुरता डाग हिलुवा, पापमता मच्‍चा हिलुवा इंका बदे तप्‍पु हिलुवा जगाजगा मेर्सना कलिसिया कीसि, ओना दग्‍गेरा निल्‍हाकुंतोर.

इपीसि 5:27 Iomraidhean Croise

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

2 कुरेंति 4:14

बारित्‍ते, सामि येसुन जीवाते तेहता पेने मोमोट येसुना लोप्पो कलियसि मत्‍ताहाटीं माकुनगुडा जीवाते तेहंता आनि मीवातोनि माकुनगुडा दाना मुन्‍ने निप्‍संता इंचि माक एरपाटे मंता.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

कुलुसि 1:22

इंदके मीकुन पेनदा मुन्‍ने पवित्र, डाग हिलाकोंटा, दोसेम हिलाकोंटा निल्‍हागोम इंचि ओर ओना हामुरहेंदाल मीवा मेंदुल्ता हव्‍वितुन ओना मेंदुल्ते कल्‍पकुत्‍तोर.

कुलुसि 1:28

हरेक मनकन किरिस्‍तुनलोप्‍पो पूरा कीसि पेनदा मुन्‍ने निल्‍हागोम इंचि, मोमोट किरिस्‍तुना बारेमते हरेक मनकंक कडकते वेहांतोम, हरेक मनकंक पूरा तेल्‍विते करहंतोम.

1 तेसलोनि 5:23

सांति हियना पेने कुद मीकुन पुरागा पवित्र किय्‍यिकांटी, मावा येसु किरिस्‍तु सामि मर्रा वायानादाका मीवा आत्मातुन, जीवातुन, मेंदुलतुन दोसेम हिलाकोंटा कापाळिकांटी.

इब्रि 9:14

गानि किरिस्‍तुना नेत्‍तुर, हामुरताहेके ओयाना कबाह्‍क कियाना मना मनसुन अवुंकन्‍ना बच्‍चोर सुद्‍द किय्‍यार! अद बल्हा इत्‍ते, बस्‍केळ्‍क मनना पेनदा पवित्र आत्माता बलमतोनि, बतले दोसेम हिलुवा येसु, पेनदा मुन्‍ने सतागा मोक्‍कु आतोर. बस्‍केळ्‍क जीवाते मंदना पेनदुन मनम मोळ्‍काना इंचि येसु अल्हा कीतोर.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.

यहुदा 1:21

बस्‍केळ्‍क मनना पिस्वरताहाटीं मना सामि येसु किरिस्‍तुना दयाता आसेते एदुर हूळसेक पेनदा पावरमते निल्‍सि मंटु.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 14:4

ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.