इपीसि 5:26 - पवित्र पोल्‍ले

²⁶ अस्‍के दान किरिस्‍तु, पेनदा पोल्‍लेतोनि सक्‍कगा साप नोर्सि पवित्र कींतोर.

इपीसि 5:26 Iomraidhean Croise

योहान 13:10

पजा येसु, “बोर अय्ते एर तुंगतोर, ओर बेस साप मनंतोर. ओर सिराप काल्क नोरकुत्‍ते सालु. अल्हेन मिमेट बेस साप मंतिर, गानि मिहागटाल अंटोर बेस साप हिल्‍लिर,” इंचि वेहतोर.

योहान 15:3

दीनकन्‍ना मुन्‍ने नना मीकु वेहता पोल्‍लेहेंदाल मिमेट साप आतिर.

योहान 15:8

मिमेट वेल्‍लेन बेसता कबाह्‍क कियानय्ते नावा बाबांक वेल्‍लेन महिमा दोर्कंता. दीनहेंदाल मिमेट नावा सिस्युल्क इंचि दिस अर्रंतिर.

योहान 17:7

निमे बतल अय्ते नाकु हीतिनो, अव अन्‍नि निहेंदाले दोर्कतव इंचि इंदके ओर्क तेळियता.

योहान 3:5

अस्‍के येसु ओन्क इल्‍हा वेहतोर: “नना निजम-निजम वेहासेक, वरोर मनकल एताल आनि पवित्र आत्माहेंदाल पुट्‍टुवद, ओर पेनदा राज्येमते होळिया परोर.

प्रेरितुल्‍कुना कबाह्‍क 22:16

अय्ते इंदके आलसेम बारि कीसंतिन? तेदसि बापतिस्मा एतसि, सामिना पोरोलते पारतना कीम, अस्‍के ओर नीवा पापाल्कुन नोर्रांतोर,” इंचि इत्‍तोर.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

1 कुरेंति 6:11

मुन्‍ने मीवा नड्‍डुम इच्‍चुर इल्हे मत्‍तिर. गानि मिमेट येसु किरिस्‍तुना पोरोलते आनि पेनदा आत्माते नोर्कुंचि, पवित्र आसि नीतिमंतुल्क आतिर.

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

इपीसि 6:17

इंका मुक्‍तितुन हेल्‍मेटलेह्का तल्‍लक कळाह्सि, आत्माता कसेर इत्‍ते पेनदा पोल्‍लेतुन कसेरलेह्का कय्‍दे पीकुंटु.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 10:14

बारित्‍ते, पवित्र आयानाहाटीं पेन वेरे कीता मनासंटोर्कुन, ओर सिराप उंदे मल्का मोक्‍कु आसि, हमेसाताहाटीं अन्‍नि तीरकुने पुरागा कीतोर.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

इब्रि 10:29

अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.

इब्रि 13:12

अय्ते येसुगुडा, ओना नेत्‍तुरते लोकुल्‍कुन पवित्र कियानाहाटीं येरुसलेम सहरता पलाते तिप्‍पल्‍क बोगांचि जीवा होळसतोर.

इब्रि 4:12

बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता.

इब्रि 9:14

गानि किरिस्‍तुना नेत्‍तुर, हामुरताहेके ओयाना कबाह्‍क कियाना मना मनसुन अवुंकन्‍ना बच्‍चोर सुद्‍द किय्‍यार! अद बल्हा इत्‍ते, बस्‍केळ्‍क मनना पेनदा पवित्र आत्माता बलमतोनि, बतले दोसेम हिलुवा येसु, पेनदा मुन्‍ने सतागा मोक्‍कु आतोर. बस्‍केळ्‍क जीवाते मंदना पेनदुन मनम मोळ्‍काना इंचि येसु अल्हा कीतोर.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

1 पत्रु 3:21

आ एताल पिस्ता आनवल इत्‍तेने बापतिस्मा आंद. बापतिस्मा एतमळ इत्‍ते मेंदुलता मुर्कि होनालय आयो गानि येसु किरिस्‍तु हासि मर्रा जीवाते तेदताहेंदाल मनाकुन पिसागोटसि, विवेक बुद्‍दिताहाटीं पेनदुन विनंति कियाना करार आंद.

2 पत्रु 1:9

गानि बोनगा इव गुनाल्‍क हिल्‍लेंगो ओर गुड्‍डि आंदुर, लक्‍कुटा नदर हिल्वोर आंदुर. ओना पडाना पापाल्कुन पेन नोर्सि ओना सुद्‍दिकरन कीतदगुडा मति मर्गतोर.

1 योहान 5:6

मनागा एर आनि नेत्‍तुरतोनी वातोर, ओर येसु किरिस्‍तु आंदुर. सिराप एतोनि आयो, एर आनि नेत्‍तुरतोनी. आनि ओना साक्‍सि हियानद आत्मा आंदु. बारित्‍ते आत्मे सत्‍तेम आंदु.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.